ലഹരി ഇടപാടിലെ കള്ളപ്പണം വെളുപ്പിക്കല് കേസില് ബിനീഷ് കോടിയേരിക്ക് ജാമ്യം. അറസ്റ്റിലായി നാളെ ഒരുവര്ഷം പൂര്ത്തിയാകാനിരിക്കവേയാണ് ബിനീഷിന് ജാമ്യം ലഭിച്ചിരിക്കുന്നത്. കര്ണാടക ഹൈക്കോടതിയാണ് ഉപാധികളോടെ ജാമ്യം അനുവദിച്ചത്.
കോടിയേരി ബാലകൃഷ്ണന്റെ മകനായത് കൊണ്ട് വേട്ടയാടുകയാണെന്നും ലഹരി ഇടപാട് കെട്ടിച്ചമച്ച ആരോപണം മാത്രമാണെന്നായിരുന്നു കോടതിയില് തുടക്കം മുതലേ ബിനീഷിന്റെ നിലപാട്.
എന്സിബി സമര്പ്പിച്ച കുറ്റപത്രത്തില് ബിനീഷ് കോടിയേരിയെ പ്രതി ചേര്ത്തിരുന്നില്ല. ഇത് ചൂണ്ടിക്കാട്ടിയാണ് ബിനീഷിന് വേണ്ടി ഹാജരായ സുപ്രീംകോടതിയിലെ മുതിര്ന്ന അഭിഭാഷകന് ഗുരു കൃഷ്ണകുമാര് വാദം ഉന്നയിച്ചത്.
എന്സിബി പ്രതി ചേര്ക്കാത്തതുകൊണ്ട് എന്ഫോഴ്സ്മെന്റിന്റെ കേസ് നിലനില്ക്കില്ലെന്നായിരുന്നു വാദം.ബിനീഷ് കോടിയേരിക്ക് ലഹരി ഇടപാടില് പങ്കുണ്ടെന്നാണ് ഹൈക്കോടതിയില് ഇഡി വാദിച്ചത്. ബിനീഷിന്റെ അക്കൗണ്ടിലെത്തിയത് ലഹരി ഇടപാടിലെ ലാഭമാണെന്നായിരുന്നു ഇഡിയുടെ വാദം.