തിരുവനന്തപുരം: കോണ്ഗ്രസ് നേതാവ് കെ മുരളീധരന് പിന്നാലെ തിരുവനന്തപുരം മേയര് ആര്യാ രാജേന്ദ്രനെതിരെ വിമര്ശനവുമായി എം വിന്സന്റ് എംഎല്എയും .
മേയര്ക്കെതിരെ നിയമസഭയില് പ്രതിപക്ഷം കടുത്ത വിമര്ശനം ഉന്നയിച്ചു. മേയര്ക്ക് പ്രായത്തില് മാത്രമല്ല, ജനാധിപത്യ ബോധത്തിലും കുറവുണ്ടെന്ന് എം. വിന്സെന്റ് എംഎല്എകുറ്റപ്പെടുത്തി.എം. വിന്സെന്റിന്റെ അടിയന്തര പ്രമേയ നോട്ടീസില് നടന്ന ചര്ച്ചയിലാണ് ഭരണ, പ്രതിപക്ഷങ്ങള് വാക്പോര് നടത്തിയത്.
പ്രായംകുറഞ്ഞ ആള് മേയര് പദവിയിലെത്തിയത് ചിലര്ക്ക് സഹിക്കാത്തതുകൊണ്ടാണ് വ്യക്തിപരമായ പരാമര്ശം നടത്തുന്നതെന്ന് മന്ത്രി കെ. രാധാകൃഷ്ണന് മറുപടി നല്കി.