EMALAYALEE SPECIAL

നേരിന്റെ മഷി തൊട്ട വരകള്‍ ( മൃദുമൊഴി-33: മൃദുല രാമചന്ദ്രന്‍)

മൃദുല രാമചന്ദ്രന്‍

Published

on

'ഡൂഡ്‌ലിങ്' ( Doodling) എന്നു വച്ചാല്‍ നമ്മള്‍ അത്ര ശ്രദ്ധയില്ലാതെ, ഏതാണ്ട് അലക്ഷ്യമായി നടത്തുന്ന കുത്തിവരകള്‍ ആണ്.ഉദാഹരണത്തിന്, ഏതെങ്കിലും ക്ലാസോ, ലക്ച്ചറോ ഒക്കെ കേട്ടു കൊണ്ടിരിക്കുമ്പോള്‍ മുന്നിലിരിക്കുന്ന കടലാസില്‍ എന്തെങ്കിലും കോറി വരയ്ക്കുന്നത്, ഫോണ്‍ ചെയ്തു കൊണ്ടിരിക്കുമ്പോള്‍ കയ്യില്‍ കിട്ടിയ പുസ്തകത്തില്‍, ദിനപത്രത്തില്‍ കുത്തി കോറുന്നത്, ആരോടെങ്കിലും വര്‍ത്തമാനം പറയുന്നതിന് ഇടയ്ക്ക് വെറുതെ വരച്ചു കൊണ്ടിരിക്കുന്നത് ഇതൊക്കെ ഡൂഡ്‌ലിംഗ് ആണ്.ഈ അശ്രദ്ധ കുത്തിക്കോറലുകളെ മനശാസ്ത്ര വിദഗ്ദ്ധര്‍ ആഴത്തില്‍ ഉള്ള പഠനങ്ങള്‍ക്ക് വിധേയമാക്കിയിട്ടുണ്ട്.ഒരാളുടെ വ്യക്തിത്വത്തെയും, മാനസിക നിലയെയും ഒക്കെ ഈ അലസവരകള്‍ കാര്യമായി  വെളിപ്പെടുത്തുന്നു എന്നാണ് പറയുന്നത്.രണ്ട് ഡൂഡിലുകള്‍ ഒരിക്കലും ഒരേ പോലെ ആവില്ല.പക്ഷെ ഒരാളുടെ ഇത്തരം വരകള്‍  ഒരേ മാതൃകയും, ഘടനയും പിന്തുടരുന്നു എന്നും, അത് ആ വ്യക്തിയുടെ മാനസിക വ്യാപാരങ്ങളെക്കുറിച്ച് ഉറക്കെ വിളിച്ചു പറയുന്നു എന്നുമാണ് മനശാസ്ത്രം പറയുന്നത്.

ആത്മ വിശ്വാസമുള്ള, ജീവിതത്തില്‍ വിജയം വരിച്ച മനുഷ്യര്‍ കുഞ്ഞു മനുഷ്യരൂപങ്ങള്‍ ആണെത്രെ കോറി വരക്കുക.പൂക്കളെ കുത്തി വരയ്ക്കുന്നത് അധികവും, എന്ത് കൊണ്ടൊ പെണ്ണുങ്ങള്‍ ആണെന്ന്...കാര്യപ്രാപ്തിയും, സൂക്ഷ്മബുദ്ധിയും ഉള്ളവര്‍ ജ്യാമിതീയ രൂപങ്ങള്‍ ആണ് വരയ്ക്കുകയെങ്കില്‍, ശുഭാപ്തി വിശ്വാസമുള്ളവര്‍ മുകളിലേക്ക് കൂര്‍ത്തു നില്‍ക്കുന്ന തുമ്പ് ഉള്ള അമ്പ് വരയ്ക്കും.സ്വന്തം പേരും, ഒപ്പും ഒക്കെ സ്ഥിരമായി വരയ്ക്കുന്നവര്‍ തീരെ മോശമല്ലാത്ത സ്വാര്‍ഥന്മാര്‍ ആകും.കുഞ്ഞു നക്ഷത്രങ്ങള്‍ ആഗ്രഹത്തെയും, പ്രചോദനത്തെയും സൂചിപ്പിക്കുമ്പോള്‍,ചിലന്തിവല വരകള്‍ കുടുങ്ങിക്കിടക്കലുകളെയാണ് ധ്വനിപ്പിക്കുന്നത്.പറയാന്‍ അങ്ങനെ ഇനിയും കുറെ ഉണ്ട്.ചുരുക്കിപ്പറഞ്ഞാല്‍, വെറുതെ കുത്തിവരച്ചു കളഞ്ഞ കടലാസ് എടുത്ത് ഒന്ന് സൂക്ഷിച്ചു നോക്കിയാല്‍ , അത് നമ്മളെ പറ്റി നമ്മളോട് എന്തൊക്കെയോ ചിലത് പറയും.

അലക്സാണ്ടര്‍ പുഷ്‌കിന്‍, ജോണ്‍ കീറ്റ്‌സ്, ഡാവിഞ്ചി, രബീന്ദ്രനാഥ ടാഗോര്‍,സാമുവല്‍ ബെക്കറ്റ് ഇവരൊക്കെ ഏറെ ആഘോഷിക്കപ്പെട്ട, പ്രശസ്തരായ കുത്തിവരക്കാര്‍ ആണ്.

കടലാസും, മഷിയും വംശനാശഭീഷണി നേരിടുന്ന കാലത്ത് നമ്മുടെ സന്തത സഹചാരികള്‍ ആയ സ്മാര്‍ട്ട് ഫോണുകളിലൂടെ ഒന്ന് ഓടിച്ചു നോക്കിയാല്‍ ഡൂഡ്‌ലിങ്ങിന്റെ മറ്റൊരു വകഭേദo കാണാം.അലസമായി തിരഞ്ഞ യു ട്യൂബ് വീഡിയോകള്‍, അശ്രദ്ധയോടെ അയച്ച വാട്ട്‌സ്ആപ്പ് ഇമോജികള്‍,  ആവര്‍ത്തിക്കുന്ന ചില ചുരുക്കെഴുത്തുകള്‍..OMG, Lol, ASAP.....ഇതൊക്കെയും നമ്മളെ പറ്റി ചിലത് പറയുന്നു.

ഡൂഡില്‍ മാത്രമല്ല, പലപ്പോഴും ആശ്രദ്ധമായോ, അലസമായോ നമ്മള്‍ ചെയ്യുന്ന കാര്യങ്ങള്‍ നമ്മളെപ്പറ്റി ഒരു കുന്നോളം കാര്യങ്ങള്‍ പറയും.ആരും കാണില്ല, ശ്രദ്ധിക്കില്ല എന്ന ധൈര്യത്തോടും, വിശ്വാസത്തോടും കൂടി നമ്മള്‍ ചെയ്യുന്ന പ്രവര്‍ത്തികളില്‍ ആണ് യഥാര്‍ത്ഥ നമ്മള്‍ ഉള്ളത്.'മറ്റാരും നിങ്ങളെ ശ്രദ്ധിക്കില്ല എന്നും, വിലയിരുത്തില്ല എന്നും ഉറപ്പ് ഉള്ളപ്പോള്‍ നമ്മള്‍ ചെയ്യുന്നത് എന്തോ അതാണ് നമ്മുടെ യഥാര്‍ത്ഥ സ്വഭാവം' എന്ന ഒരു ചൊല്ലുണ്ടല്ലോ.

മറ്റുള്ളവര്‍ കാണുമെന്ന ഉറപ്പോടെ, അവരെ കാണിക്കാന്‍ വേണ്ടി നമ്മള്‍ ചെയ്യുന്ന കാര്യങ്ങള്‍ എഴുപത്തി അഞ്ചു ശതമാനം നല്ല ഭംഗിയുള്ള അഭിനയമാണ്.അതില്‍ തനിമയുള്ള നമ്മള്‍ ഇത്തിരിയെ ഉള്ളൂ.നല്ല പോലെ ചെത്തി മിനുക്കി, ചിന്തേരിട്ടു ഏപ്പും,മുഴപ്പും കളഞ്ഞ വാക്കുകള്‍, സമൂഹ വ്യവസ്ഥകളെ തൃപ്തിപ്പെടുത്തുന്ന, ചലനങ്ങള്‍, ചേഷ്ടകള്‍.കൂട്ടമായി കഴിയുന്ന,ആ കൂട്ടത്തിന്റെ കയ്യടികള്‍ മോഹിക്കുന്ന ഒരു ജീവി പരിശീലിച്ചു സ്വന്തമാക്കിയ വഴക്കമുള്ള ശരീര ഭാഷ, മിഴിയനക്കങ്ങള്‍.ഈ ലോകം ഒരു മഹാനാടക വേദിയാണ് എന്നും, മനുഷ്യര്‍ അതില്‍ വേഷം കെട്ടി ആടിത്തിമര്‍ക്കുകയാണ് എന്നും എഴുതിയ മഹാമനീഷിക്ക് നമോവാകം. അത് വെള്ളം ചേര്‍ക്കാത്ത വാസ്തവം ആണ്.

ആരുമില്ലാത്ത നേരങ്ങളില്‍, തനിയെ ആയിരിക്കുന്ന നമ്മളെ തെല്ലു നേരം ഒന്ന് നോക്കി നിരീക്ഷിക്കൂ...നമുക്ക് ചിരി വരും, കുറച്ചു കഴിഞ്ഞാല്‍ ഒരു വിതുമ്പലും.

ആരും കാണില്ലെന്ന വിശ്വാസത്തോടെ എന്തൊക്കെയാണ് നമ്മുടെ മനസ് കുത്തി വരയ്ക്കുന്നത്...അരങ്ങില്‍ ആടുന്ന ജീവിതത്തില്‍ ഔദത്യത്തോടെ നിഷേധിച്ച ചില നിമിഷങ്ങളെ, നേരങ്ങളെ, സ്‌നേഹങ്ങളെ അണിയറയില്‍ മനസ് പരിലാളിക്കുന്നുണ്ട്. നേര്‍ജീവിതത്തില്‍ ഒരു നൂലിഴ വ്യത്യാസത്തിന്, നിമിഷത്തിന്റെ നൂറില്‍ ഒരംശത്തിന് വഴുതിപ്പോയ ചില ആലിംഗനങ്ങളെ,വിരല്‍ത്തുമ്പുകളെ ,ഉടല്‍ച്ചൂടുകളെ  ആരും അറിയാതെ അനുഭവിക്കുന്നുണ്ട്.ഗര്‍ഭജലം പോലെ ഊഷ്മളമായ ഓര്‍മ്മകളില്‍, അത്ര മേല്‍ ആര്‍ദ്രരായി ചുരുണ്ടു കിടക്കാറുണ്ട്.സ്വരം ഉയര്‍ത്തി വേണ്ടെന്ന് വാശിയോടെ പറഞ്ഞ എന്തിനൊക്കെ വേണ്ടി വേണം, വേണം എന്ന് മനസ് വാശി പിടിക്കുന്നുണ്ട്.എത്ര ലോലമായ കുത്തിക്കോറലുകള്‍ ആണ്, ആത്മാവിന്റെ ഓലച്ചീന്തുകളില്‍ തലങ്ങും, വിലങ്ങും പതിഞ്ഞു കിടക്കുന്നത്.അതെല്ലാം ഒന്ന് അടുക്കി, പെറുക്കി ശ്രദ്ധയോടെ ചേര്‍ത്ത് വച്ചു കൂട്ടിക്കെട്ടി നോക്കിയാല്‍ അതില്‍ ഒരു നമ്മളുണ്ട്...അത് ഒരു പക്ഷെ നമ്മളെ ഏറെ മോഹിപ്പിക്കുന്ന, നമുക്ക് തന്നെ പ്രണയം തോന്നുന്ന നമ്മള്‍ ആകാം..... ചിലപ്പോള്‍ നമ്മളെ പേടിപ്പിക്കുന്ന, നമ്മള്‍ വെറുക്കുന്ന നമ്മളും ആകാം...

ആ കുത്തിവരകളില്‍ ഉയിര്‍ക്കുന്നത് പക്ഷെ സത്യമാണ്... ഉണ്മയാണ്.... ആനന്ദമോ, അഴകോ, ജുഗുപ്‌സയോ, ജാള്യതയോ എന്തായാലും ഏറ്റുവാങ്ങുക....തത്വമസി: അത് നീ തന്നെ...

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

എന്റെ ഗ്രന്ഥശാലകൾ.. (ഓർമ്മ: നൈന മണ്ണഞ്ചേരി)

ഫ്രാങ്കോ വിധിയിലെ റീ ലേബൽഡ്  റേപ്പ് (Relabeled  Rape) -ജെയിംസ് കുരീക്കാട്ടിൽ

പിണറായിയെ ഒതുക്കാൻ ആരെങ്കിലും ശ്രമിക്കുന്നുണ്ടോ? അത് സാധ്യമോ? (പി പി മാത്യു) 

2024 ലും റണ്ണിങ് മേറ്റ് കമല ഹാരിസ് തന്നെയെന്ന് ബൈഡൻ 

ഞാനിപ്പം നിൽക്കണോ പോണോ? എന്നു സ്വന്തം കൊറോണ (ദുർഗ മനോജ് )

കമ്മ്യൂണിസ്റ്റുകളുടെ  ചൈനാ പ്രേമം (ലേഖനം: സാം നിലംപള്ളിൽ)

കോടതി വിധി, ജനവിധി, ദൈവവിധി (നിരീക്ഷണം-സുധീർ പണിക്കവീട്ടിൽ)

ഒരു കെ റെയിൽ അപാരത (ദുർഗ മനോജ് )

പങ്കാളിക്കായുള്ള തിരച്ചില്‍ ഗിന്നസ് ബുക്കില്‍ എത്താനോ ? ( മേരി മാത്യു മുട്ടത്ത്)

എന്റെ മണവാളനായ മ്ശിഹാ അറിയുന്നതിന് (മില്ലി ഫിലിപ്പ്)

നീ എന്നെ ഓർക്കുന്നുണ്ടെങ്കിൽ, ലോകം എന്നെ മറന്നു കൊള്ളട്ടെ (മൃദുമൊഴി 36: മൃദുല രാമചന്ദ്രൻ)

ബിഷപ്പ് ഫ്രാങ്കോ: വത്തിക്കാന്റെ നിലപാടെന്ത്‌? (ബി ജോൺ കുന്തറ)

 കേരളത്തിന്റെ ജര്‍മ്മന്‍ ഗുണ്ടര്‍ട്ട്(കാരൂര്‍ സോമന്‍, ലണ്ടന്‍)

സൂര്യ കിരീടം വീണുടയുമ്പോൾ (ഫിലിപ്പ് ചെറിയാൻ)

എടാ ഷിബുവേ, ഇതാണു മിന്നല്‍ മുരളി (ദുര്‍ഗ മനോജ്)

ബിഷപ്പ് ഫ്രാങ്കോ  കേസ്:  അമേരിക്കൻ മലയാളികൾ ആർക്കൊപ്പം?

നവാബ് രാജേന്ദ്രൻ എന്ന വിസിൽ ബ്ലോവർ (ജയ്‌മോന്‍ ജേക്കബ് പുറയംപള്ളില്‍)

കമലാ ഹാരിസിന്റെ  പ്രതിഛായ മെച്ചപ്പെടുത്താൻ പുതിയ നീക്കങ്ങൾ 

ബിഷപ്പ് ഫ്രാങ്കോ കേസ് വിധിയുടെ പൂർണരൂപം

ബിഷപ്പും കന്യാസ്ത്രീയും വിധിയും (ജോണ്‍  കുന്തറ)

കാലാവസ്ഥാ വ്യതിയാനം ആഗോള സമ്പദ്വ്യവസ്ഥയെ എങ്ങനെ ബാധിക്കും! (ഫിലിപ്പ് മാരേട്ട് )

കവി സച്ചിദാനന്ദൻ: മഹാമാരിക്കാലത്ത് മറ്റൊരു ആത്മീയത തേടി... (വിജയ് സി. എച്ച്)

മനുഷ്യപ്പറ്റില്ലാത്ത ക്രൂരതയുമായി ചൈന : കോവിഡ് ഒരു രോഗമാണ്, കുറ്റകൃത്യമല്ല (ദുർഗ മനോജ് )

ഹൈ സ്‌പീഡ് റെയിൽ കേരളത്തിലും റഷ്യയിലും (നടപ്പാതയിൽ ഇന്ന്- 17-ബാബു പാറയ്ക്കൽ)

ഒരു പലസ്തീൻ യുവതിയുടെ പോരാട്ടങ്ങൾ (വാൽക്കണ്ണാടി - കോരസൺ)

ലതാജി, നിങ്ങള്‍ വേഗം സുഖംപ്രാപിക്കട്ടെ! (ദുര്‍ഗ മനോജ്)

ബിജെപിയും അഖിലേഷും, പിന്നെ ചിത്രത്തിൽ നിന്ന് മായുന്ന കോൺഗ്രസും ബിഎസ്പിയും  (സനൂബ്  ശശിധരൻ)

ജോൺസ് ഹോപ്കിൻസും  പിണറായിയുടെ ചികിത്സയും 

മല്ലപ്പള്ളിയിലേക്ക് ഒരു സൗജന്യയാത്ര (സുധീർ പണിക്കവീട്ടിൽ)

ഇന്ത്യയിലും ആഫ്രിക്കന്‍ രാജ്യങ്ങളിലും അനിയന്ത്രിതമായ ജനസംഖ്യാ വര്‍ദ്ധനവ് (കോര ചെറിയാന്‍)

View More