ന്യൂയോര്ക്ക്: യുവതലമുറക്ക് പ്രാതിനിധ്യം നല്കി നാലുവര്ഷം മുമ്പു രൂപംകൊണ്ട ന്യൂയോര്ക്ക് മലയാളി അസോസിയേഷന് (നൈമ) അതിന്റെ രണ്ടാം കുടുംബസംഗമം നവംബര് 28ന് ന്യൂയോര്ക്കിലെ ഫ്ലോറല് പാര്ക്കിലുള്ള ടൈസണ് സെന്ററില് വെച്ച് നടത്തപ്പെട്ടു. നോര്ത്ത് ഹെമ്പ്സ്റ്റഡ് ടൗണ് ക്ലാര്ക്ക് സ്ഥാനത്തേക്ക് കഴിഞ്ഞ തെരെഞ്ഞെടുപ്പില് വിജയിച്ച രാഗിണി ശ്രീവാസ്തവ മുഖ്യാതിഥി ആയിരുന്നു.
ഫൊക്കാനയെ പ്രതിനിധികരിച്ചു ജനറല് സെക്രട്ടറി സജിമോന് ആന്റണി, പ്രശസ്ത മലയാളീ എഴുത്തുകാരി സരോജ വര്ഗീസ് എന്നിവര് ആശംസകള് നേര്ന്ന് സംസാരിച്ചു. കലാതരംഗിണി മേരി ജോണ്, ഡോ. റിയ കെ ജോണ് എന്നിവര് നേതൃത്വം നല്കിയ ഗ്രൂപ്പ്, സെമിക്ലാസിക്ക് ഡാന്സുകള്, ജീവധാര സ്കൂള് ഓഫ് ഡാന്സിന്റെ ബോളിവുഡ് ഡാന്സുകള്, ജോഷി - ജിനു സഖ്യത്തിന്റെ സംഗീതനിശ, ലാല് അങ്കമാലിയുടെ മിമിക്സ്, നാടന് പാട്ടുകള് എന്നിവയ്ക്ക് പുറമേ അസോസിയേഷന് അംഗങ്ങളായ സുജിത് മൂലയില്, അഞ്ജന മൂലയില്, ജോസ്, ആഞ്ജലീന ജേക്കബ്, എമ്മ കുര്യന് തുടങ്ങിയവരുടെ വൈവിദ്ധ്യമായ കലാപരിപാടികള് ഈ ആഘോഷ പരിപാടിയുടെ പകിട്ട് വര്ദ്ധിപ്പിച്ചു.
ലാജി തോമസ്, മാത്യൂ ജോഷ്വാ എന്നിവര് എംസിമാരായി നിയന്ത്രിച്ച പരിപാടിയില് പ്രസിഡന്റ് ജേക്കബ് കുര്യന് സ്വാഗതവും സെക്രട്ടറി സിബു ജേക്കബ് നന്ദിയും രേഖപ്പെടുത്തി. ഫൊക്കാന നേതാക്കളായ തോമസ് തോമസ്, ബിജു ജോണ്, ലീലാ മാരേട്ട് എന്നിവര് തങ്ങളുടെ സാന്നിധ്യം കൊണ്ട് വര്ണ്ണപൂരിതമാക്കിയ ഈ ആഘോഷച്ചടങ്ങുകളുടെ മെഗാസ്പോണ്സേര്സ് ആയ രാജേഷ് പുഷ്പരാജന് (രാജ് ഓട്ടോസെന്റര്), ജോര്ജ് കൊട്ടാരം (ലാഫി റിയല് എസ്റ്റേറ്റ്), സജി എബ്രഹാം (ഹെഡ്ജ് ന്യൂയോര്ക്ക്), കമ്മിറ്റി അംഗം ജെയ്സണ് ജോസഫ് എന്നിവരെ ഫലകം നല്കി ആദരിച്ചു.
ഈ പ്രോഗ്രാമിന്റെ ജനറല് കണ്വീനേഴ്സ് ആയ നൈമായുടെ വൈസ് പ്രസിഡന്റ് ലാജി തോമസ് ബോര്ഡ് അംഗം രാജേഷ് പുഷ്പരാജന്, എന്നിവര്ക്കു പുറമെ ജോയിന്റ് സെക്രട്ടറി ജോര്ജ് കൊട്ടാരം, കമ്മിറ്റി അംഗങ്ങള് സാം തോമസ്, ബിബിന് മാത്യൂ, ബോര്ഡ് അംഗം. ജിന്സ് ജോസഫ്, ഓഡിറ്റര്മാരായ സജു തോമസ്, ജോയല് കുര്യന് എന്നിവര് ഈ ആഘോഷമാമാങ്കത്തിന് വേണ്ട നേതൃത്വം കൊടുത്തു. യോങ്കേഴ്സിലുള്ള ഇന്ത്യ കഫേ റെസ്റ്ററന്റ് ഒരുക്കിയ അത്താഴവിരുന്നോടുകൂടി ഈ കൂടിവരവിന് തിരശീല വീണപ്പോള് നൈമ എന്ന പുതുസംഘടനയുടെ നെറുകയില് ഒരു പുത്തന്തൂവല് കൂടി തുന്നിച്ചേര്ക്കപ്പെടുകയായിരുന്നു.