-->

Helpline

പഠനം മാറ്റിവെച്ച് ജിബിന്‍ കാവലിരിക്കുന്നു, അപ്പച്ചന്റെ ജീവന്

Published

on

ഒല്ലൂര്‍:9-ാം ക്ലാസുകാരനായ ജിബിന്റെ മനസ്സില്‍ ഒരു പ്രാര്‍ത്ഥനയേ ബാക്കിയുള്ളൂ, അപ്പച്ചന്‍ എത്രയും പെട്ടെന്ന് ജീവിതത്തിലേക്ക് തിരിച്ചുവരണേ എന്ന്. അതിനായി ഊണും ഉറക്കവും മാത്രമല്ല പഠിപ്പുപോലും ജിബിന്‍ വേണ്ടെന്നു വെച്ചിരിക്കുകയാണ്. പുത്തൂര്‍ ഗവ. സ്‌കൂളിലെ 9-ാം ക്ലാസ് വിദ്യാര്‍ത്ഥിയായ ജിബിന് പുതിയ അധ്യയനവര്‍ഷത്തില്‍ ഒരു ദിവസംപോലും ക്ലാസില്‍ എത്താനായിട്ടില്ല.

പരിചയസമ്പന്നയായ ഒരു നഴ്‌സിനെ പോലെ രോഗശയ്യയിലായ പിതാവിനെ അത്രമേല്‍ പരിപാലിക്കുകയാണ് ഈ 13കാരന്‍. പുത്തൂര്‍ പുഴമ്പള്ളം മുല്ലശ്ശേരി വീട്ടില്‍ ഷാജിക്ക് (40) കഴിഞ്ഞ മാര്‍ച്ച് മാസത്തിലാണ് ആമ്പല്ലൂരില്‍ വെച്ച് അപകടമുണ്ടായത്. ബൈക്കപകടത്തില്‍പ്പെട്ട ഷാജിക്ക് ഇതുവരെയും ചലനശേഷിയും ഓര്‍മ്മയും തിരിച്ചുകിട്ടിയിട്ടില്ല. നാലുമാസം ആസ്​പത്രിയിലായിരുന്നു ജീവിതം. തലയോട്ടി തകര്‍ന്നു. നട്ടെല്ലിനും ക്ഷതമേറ്റു. ശസ്ത്രക്രിയ നടത്തിയെങ്കിലും ഫലിച്ചില്ല. അതേ അവസ്ഥയില്‍ വീട്ടിലേക്കു മാറ്റി. ഭക്ഷണം നല്കാനും ശ്വസിക്കാനും മലമൂത്രവിസര്‍ജ്യമെടുക്കുന്നതിനും കുഴലുകള്‍ ഘടിപ്പിച്ചിട്ടുണ്ട്. ഇതിലൂടെ വേണം എല്ലാം ചെയ്യാന്‍. ശ്വാസതടസമുണ്ടായാല്‍ കഫം വലിച്ചെടുക്കാനും ഉപകരണമുണ്ട്. അഞ്ചുമാസത്തെ പരിചയംകൊണ്ട് ഇതെല്ലാം ജിബിന്‍ സ്വയം പരിശീലിക്കുകയായിരുന്നു. അതിനും കാരണമുണ്ട്. രണ്ടാണ്‍മക്കളില്‍ ഇളയവനാണ് ജിബിന്‍. ചേട്ടന്‍ ജില്‍സണ്‍ കോട്ടപ്പുറം രൂപതയില്‍ വൈദിക വിദ്യാര്‍ത്ഥിയാണ്. അമ്മ ഷീബയ്ക്ക് വീടിനടുത്തുള്ള മരുന്നുകമ്പനിയില്‍ ജോലിയുണ്ട്.

അമ്മയ്ക്ക് ദിവസം കിട്ടുന്ന 100 രൂപ വേണ്ടെന്നുവെച്ചാല്‍ കുടുംബം പട്ടിണിയിലാകും. അതുകൊണ്ടാണ് അപ്പച്ചന്റെ ശുശ്രൂഷ ജിബിന്‍ സ്വയം ഏറ്റെടുത്തത്. കൂടാതെ അമ്മൂമ്മ റീത്തയും വീട്ടിലുണ്ട്. മരുന്നുചെലവുകള്‍ പലപ്പോഴും ഉദാരമതികളായവരുടെ സഹായംകൊണ്ടാണ് നടക്കുന്നത്. ടൈല്‍സ് പണിക്കാരനായ ഷാജി നാലര സെന്റില്‍ കൊച്ചുവീട് വളരെ കഷ്ടപ്പെട്ടാണ് പണിതുയര്‍ത്തിയത്. അതിന്റെ ബാധ്യത നിലനില്ക്കുമ്പോഴാണ് അപകടത്തില്‍പ്പെട്ട് ചികിത്സയ്ക്കായി ഏഴര ലക്ഷം ചെലവായത്.

ഇനി തലയോട്ടി വെച്ചുപിടിപ്പിക്കുന്ന ശസ്ത്രക്രിയ ചെയ്യണം. അതിനും ചെലവുണ്ട്. ദിവസം 100 രൂപ വരുമാനമുള്ള അമ്മയ്ക്കും പഠനം പാതിവഴിയിലായ ജിബിനും എന്തുചെയ്യണമെന്നറിയാത്ത സ്ഥിതിയിലാണ്. ഇതിനിടയില്‍ പാഠപുസ്തകങ്ങള്‍ സ്‌കൂളില്‍നിന്ന് ജിബിന് എത്തിച്ചുകൊടുത്തു. പഠിച്ച് ഫൈനല്‍ പരീക്ഷയെഴുതാനും ആഗ്രഹമുണ്ട്. അതിന് അപ്പച്ചന് ആരോഗ്യം തിരിച്ചുകിട്ടണേ എന്നാണ് ജിബിന്റെ പ്രാര്‍ത്ഥന. ഫോണ്‍: 9142836373.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

എൽവിന് തല ഉയർത്താൻ വേണം നിങ്ങളുടെ കൈത്താങ്ങ്

ആരാധനയ്‌ക്കായ്‌ നീട്ടൂ ഒരു കൈത്താങ്ങ്‌

ഹൃദയതാളം വീണ്ടെടുക്കാന്‍ അഷിതമോള്‍ക്ക്‌ വേണം നിങ്ങളുടെ കൈത്താങ്ങ്‌

ക്യാന്‍സറിനോടുള്ള പോരാട്ടത്തില്‍ ലിജിയെ സഹായിക്കുക

ആര്‍ദ്ര ഹൃദയങ്ങളുടെ കരുണ കാത്ത് ഈ ദമ്പതികള്‍

ചികിത്സാ ധനസഹായം കൈമാറി

സഹൃദയരുടെ കനിവിനായ് കാത്തിരിക്കുന്നു

ഒരു കൈത്താങ്ങിനായ് സുനന്ദാമണി കേഴുന്നു

ഹൃദ്രോഗിയായ കോഴിക്കോട് സ്വദേശി കനിവു തേടുന്നു

ഒരു കുഞ്ഞിന്റെ ജീവനുവേണ്ടി ഒരു ഗ്രാമം ഒന്നായി പ്രാര്‍ത്തിക്കുന്നു

കരുണ കാത്ത് ഹൃദ്രോഗികളായ ദമ്പതികള്‍

സഹായം തേടുന്നു

രണ്ടു വൃക്കയും തകരാറില്‍ ആയ യുവാവ് സുമനസ്സുകളുടെ സഹായം തേടുന്നു

ഫോമാ ജനറല്‍ സെക്രട്ടറി സ്ഥനത്തേക്ക് ജിബി തോമസിനെ കാഞ്ച് നിര്‍ദ്ദേശിച്ചു

സുമനസുകളുടെ കരുണയ്‌ക്കായി ചെറിയാനും കുടുംബവും

ശസ്ത്രക്രിയക്കു സഹായം തേടുന്നു

ബൈക്കപകടത്തില്‍ തലയ്‌ക്കേറ്റ പരിക്ക്‌ മൂന്നരവര്‍ഷമായി മാത്യുവിനെ ആശുപത്രി കിടക്കയില്‍ തളച്ചിടുന്നു

രണ്ടു കരുന്നുകളുടെ അമ്മയായ യുവതി ജീവന്‍ നിലനിര്‍ത്താന്‍ കരുണ തേടുന്നു

സങ്കടങ്ങളുമായി കമലക്കുന്നിലെ പുഷ്പയും മക്കളും

ബഹ്‌റൈന്‍ ലാല്‍ കെയെര്‍സ് ചികിത്സാ ധനസഹായം നല്‍കി

ശിരസിന്റെ ക്രമാതീതമായ വളര്‍ച്ച , ഒന്‍പതു വയസുകാരന്‍ ഫാസില്‍ കരുണ തേടുന്നു

ഒഴുക്കില്‍പെട്ട് മരണമടഞ്ഞ മങ്കരത്തൊടി ജാഫര്‍ കുടുംബസഹായ കമ്മിറ്റി രൂപവത്കരിച്ചു

പോലീസിന്റെ മനസ്സലിഞ്ഞു: ധനസഹായ കമ്മിറ്റിക്ക് രൂപം നല്‍കി

രക്താര്‍ബുദം ബാധിച്ച ഏഴാം ക്ലാസുകാരന്‍ സഹായം തേടുന്നു

ഓട്ടിസം തകര്‍ത്ത ബാല്യവുമായി 12 കാരന്‍ രാഹുല്‍ കരുണ തേടുന്നു, നമുക്കും കൈകോര്‍ക്കാം

ജീവന്‍ നിലനിര്‍ത്താന്‍ അമ്മയുടെ വൃക്ക, പക്ഷെ പണം എവിടെനിന്ന്‌?

ഇതുവരെ കണ്ടിട്ടില്ലാത്ത പെണ്‍കുട്ടിക്ക്‌ വൃക്ക ദാനം ചെയ്‌ത്‌ അധ്യാപിക മാതൃകയാകുന്നു

തലച്ചൊറില്‍ ട്യുമര്‍ ബാധിച്ച യുവാവ്‌ പ്രവാസി മലയാളികളില്‍ നിന്നും ചികിത്സസഹായം അഭ്യര്‍ത്ഥിക്കുന്നു

ഐസക്കിന്‌ കൈത്താങ്ങ്‌ നല്‍കുമോ?

നഴ്‌സ്, അമ്മയുടെ ചികിത്സക്കു കാരുണ്യം തേടുന്നു

View More