-->

Helpline

വിധി അമ്മയേയും തട്ടിയെടുത്തു; ഇനി അവര്‍ ഏകര്‍!

Published

on

പത്തനംതിട്ട: പിതാവിന്‌ പുറമെ അമ്മയും അവരെ വിട്ടുപിരിഞ്ഞു. അമ്മ പോയത്‌ വേദനകളില്ലാത്ത ലോകത്തേക്ക്‌. കടുത്ത ക്ഷയരോഗത്തിന്‌ ചികില്‍സയിലായിരുന്ന ശശികല (41) ആണ്‌ മക്കളെ തനിച്ചാക്കി ഇന്നലെ മരിച്ചത്‌. മറ്റ്‌ ബന്ധുക്കള്‍ ഇല്ലാത്ത ഇവര്‍ സ്‌കൂളില്‍ നിന്ന്‌ അവധിയെടുത്ത്‌ ഊഴമിട്ട്‌ കാവലിരുന്നു പരിചരിക്കുകയായിരുന്നു. നിയമപ്രകാരം വിവാഹിതയാകാത്ത ശശികല ഒന്‍പതു വര്‍ഷത്തോളമായി മക്കളുമായി തനിച്ചാണു താമസിച്ചിരുന്നത്‌.

മൂത്ത മകന്‍ ജിത്ത്‌ (14), ഇരട്ടകളായ അജിത്‌ (12), വിജിത്‌ (12) എന്നിവരും ബിജിന്‍ (ഒന്‍പത്‌) എന്ന കുഞ്ഞനിയനും ചേര്‍ന്നാണ്‌ അമ്മയെ പരിചരിച്ചിരുന്നത്‌. രോഗം മൂര്‍ച്‌ഛിച്ചതിനെത്തുടര്‍ന്ന്‌ ഒന്‍പതു ദിവസം മുന്‍പാണ്‌ ശശികലയെ ആശുപത്രിയില്‍ പ്രവേശിപ്പിച്ചത്‌. കൈപ്പട്ടൂര്‍ ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥികളായ ഇവര്‍ ഓരോരുത്തരായി അവധിയെടുത്താണ്‌ അമ്മയ്‌ക്കു കൂട്ടിരുന്നത്‌.

പലപ്പോഴും സ്‌കൂളില്‍ നിന്നുള്ള ഉച്ചക്കഞ്ഞിയായിരുന്നു അവരുടെ ഭക്ഷണം. ഇവര്‍ക്ക്‌ ബന്ധുക്കളും അധികമാരുമില്ല. സമീപവാസി നിര്‍മിച്ചു നല്‍കിയ കൊച്ചുവീട്ടിലാണു കഴിഞ്ഞിരുന്നത്‌. സമീപത്തെ വീടുകളില്‍ ജോലി ചെയ്‌താണ്‌ ശശികല മക്കളെ വളര്‍ത്തിയിരുന്നത്‌. കൈപ്പട്ടൂര്‍ സേവാഭാരതിയുടെ `മാധവം ട്രസ്‌റ്റും ഇവര്‍ക്കു സഹായം നല്‍കിയിരുന്നു.

ആശുപത്രിയില്‍ നിന്ന്‌ മൃതദേഹം ഏറ്റുവാങ്ങാനോ കൊണ്ടുപോകാനോ ആളില്ലാത്തതു കാരണം വാര്‍ഡിലെ മറ്റു രോഗികളും കൂട്ടിരിപ്പുകാരുമാണ്‌ അമ്മ മരിച്ച കുഞ്ഞുങ്ങള്‍ക്കു തുണയായത്‌. ഉച്ചക്കഞ്ഞി വിതരണം നടത്തിയിരുന്ന ജനശ്രീ മിഷന്‍ പ്രവര്‍ത്തകര്‍ വഴി മന്ത്രി അടൂര്‍ പ്രകാശിനെയും ചിറ്റയം ഗോപകുമാര്‍ എംഎല്‍എയെയും അവര്‍ ബന്ധപ്പെട്ടു. തുടര്‍ന്ന്‌ ആംബുലന്‍സില്‍ മൃതദേഹം വീട്ടിലെത്തിക്കുകയായിരുന്നു.

ആശുപത്രിയിലെ രോഗികളും മറ്റുള്ളവരും ചേര്‍ന്നു 4,600 രൂപയും പിരിച്ചു നല്‍കി. വൈകിട്ടോടെ സംസ്‌കാരം നടത്തി. വാര്‍ഡ്‌ അംഗം നിര്‍മല സാമിന്റെ നേതൃത്വത്തില്‍ കുടുംബശ്രീ അംഗങ്ങളാണ്‌ സംസ്‌കാര ചെലവുകള്‍ വഹിച്ചത്‌. അമ്മയും നഷ്‌ടപ്പെട്ടതോടെ നാലു കുട്ടികളുടെയും പഠനവും ഭാവിയും അനിശ്‌ചിതത്വത്തിലായി. ഇവര്‍ക്കിനി ആരുണ്ട്‌?

Facebook Comments

Comments

  1. james

    2013-06-04 17:16:51

    <div>ഇവരെ എങ്ങനെ ബന്ടപെടാൻ കഴിയും</div><div><br></div>

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

എൽവിന് തല ഉയർത്താൻ വേണം നിങ്ങളുടെ കൈത്താങ്ങ്

ആരാധനയ്‌ക്കായ്‌ നീട്ടൂ ഒരു കൈത്താങ്ങ്‌

ഹൃദയതാളം വീണ്ടെടുക്കാന്‍ അഷിതമോള്‍ക്ക്‌ വേണം നിങ്ങളുടെ കൈത്താങ്ങ്‌

ക്യാന്‍സറിനോടുള്ള പോരാട്ടത്തില്‍ ലിജിയെ സഹായിക്കുക

ആര്‍ദ്ര ഹൃദയങ്ങളുടെ കരുണ കാത്ത് ഈ ദമ്പതികള്‍

ചികിത്സാ ധനസഹായം കൈമാറി

സഹൃദയരുടെ കനിവിനായ് കാത്തിരിക്കുന്നു

ഒരു കൈത്താങ്ങിനായ് സുനന്ദാമണി കേഴുന്നു

ഹൃദ്രോഗിയായ കോഴിക്കോട് സ്വദേശി കനിവു തേടുന്നു

ഒരു കുഞ്ഞിന്റെ ജീവനുവേണ്ടി ഒരു ഗ്രാമം ഒന്നായി പ്രാര്‍ത്തിക്കുന്നു

കരുണ കാത്ത് ഹൃദ്രോഗികളായ ദമ്പതികള്‍

സഹായം തേടുന്നു

രണ്ടു വൃക്കയും തകരാറില്‍ ആയ യുവാവ് സുമനസ്സുകളുടെ സഹായം തേടുന്നു

ഫോമാ ജനറല്‍ സെക്രട്ടറി സ്ഥനത്തേക്ക് ജിബി തോമസിനെ കാഞ്ച് നിര്‍ദ്ദേശിച്ചു

സുമനസുകളുടെ കരുണയ്‌ക്കായി ചെറിയാനും കുടുംബവും

ശസ്ത്രക്രിയക്കു സഹായം തേടുന്നു

ബൈക്കപകടത്തില്‍ തലയ്‌ക്കേറ്റ പരിക്ക്‌ മൂന്നരവര്‍ഷമായി മാത്യുവിനെ ആശുപത്രി കിടക്കയില്‍ തളച്ചിടുന്നു

രണ്ടു കരുന്നുകളുടെ അമ്മയായ യുവതി ജീവന്‍ നിലനിര്‍ത്താന്‍ കരുണ തേടുന്നു

സങ്കടങ്ങളുമായി കമലക്കുന്നിലെ പുഷ്പയും മക്കളും

ബഹ്‌റൈന്‍ ലാല്‍ കെയെര്‍സ് ചികിത്സാ ധനസഹായം നല്‍കി

ശിരസിന്റെ ക്രമാതീതമായ വളര്‍ച്ച , ഒന്‍പതു വയസുകാരന്‍ ഫാസില്‍ കരുണ തേടുന്നു

ഒഴുക്കില്‍പെട്ട് മരണമടഞ്ഞ മങ്കരത്തൊടി ജാഫര്‍ കുടുംബസഹായ കമ്മിറ്റി രൂപവത്കരിച്ചു

പോലീസിന്റെ മനസ്സലിഞ്ഞു: ധനസഹായ കമ്മിറ്റിക്ക് രൂപം നല്‍കി

രക്താര്‍ബുദം ബാധിച്ച ഏഴാം ക്ലാസുകാരന്‍ സഹായം തേടുന്നു

ഓട്ടിസം തകര്‍ത്ത ബാല്യവുമായി 12 കാരന്‍ രാഹുല്‍ കരുണ തേടുന്നു, നമുക്കും കൈകോര്‍ക്കാം

ജീവന്‍ നിലനിര്‍ത്താന്‍ അമ്മയുടെ വൃക്ക, പക്ഷെ പണം എവിടെനിന്ന്‌?

ഇതുവരെ കണ്ടിട്ടില്ലാത്ത പെണ്‍കുട്ടിക്ക്‌ വൃക്ക ദാനം ചെയ്‌ത്‌ അധ്യാപിക മാതൃകയാകുന്നു

തലച്ചൊറില്‍ ട്യുമര്‍ ബാധിച്ച യുവാവ്‌ പ്രവാസി മലയാളികളില്‍ നിന്നും ചികിത്സസഹായം അഭ്യര്‍ത്ഥിക്കുന്നു

ഐസക്കിന്‌ കൈത്താങ്ങ്‌ നല്‍കുമോ?

നഴ്‌സ്, അമ്മയുടെ ചികിത്സക്കു കാരുണ്യം തേടുന്നു

View More