Image

ടെക്‌സസ്സില്‍ വിഷവാതകം ശ്വസിച്ച് നാലു കുട്ടികള്‍ മരിച്ചു

പി. പി. ചെറിയാന്‍ Published on 02 January, 2017
ടെക്‌സസ്സില്‍ വിഷവാതകം ശ്വസിച്ച് നാലു കുട്ടികള്‍ മരിച്ചു
അമരില്ലൊ (ടെക്‌സസ്സ്): വീടിനകത്ത് വിഷ വാതകം ശ്വസിച്ച് നാല് കുട്ടികള്‍ മരിക്കുകയും, 6 പേരെ ആശുപത്രിയില്‍ പ്രവേശിപ്പിക്കുകയും ചെയ്ത അതിദാരുണ സംഭവം അമരില്ലോവില്‍ നിന്നും റിപ്പോര്‍ട്ട് ചെയ്യപ്പെട്ടു.

ജനുവരി 2 തിങ്കളാഴ്ച രീവിലെ ലഭിച്ച അടിയന്തിര സന്ദേശമനുരിച്ച് എത്തിച്ചേര്‍ന്ന് പോലീസ് വിഷവാതകം ശ്വസിച്ച് അവശ നിലയിലായ 9 പേരെ ആശുപത്രിയില്‍ എത്തിച്ചു. 

ഒരാള്‍ ഇതിനകം തന്നെ മരിച്ചിരുന്നു. ആശുപത്രിയില്‍ എത്തിച്ച മുന്ന് കുട്ടികള്‍ പിന്നീട് മരണത്തിന് കീഴടങ്ങി.

ഒരു കുടുംബത്തിലെ മാതാവുള്‍പ്പെടെ പത്തു പേരാണ് മൊബൈല്‍ ഹോമില്‍ താമസിച്ചിരുന്നു. 7 മുതല്‍ 17 വയസ്സ് വരെയുള്ളവരാണ് മരിച്ചവര്‍.

വീടിനകത്ത് അടിച്ചിരുന്ന പെക്‌സിസൈഡ് വെള്ളം ഉപയോഗിച്ച് കഴുകി കളയുന്നതിനിടെ രൂപം കൊണ്ട വിഷ വാതകമാണ് മരണത്തിനിടയാക്കിയതെന്ന് അമറില്ലൊ ഫയര്‍ കാപ്റ്റന്‍ ലാറി ഡേവിസണ്‍ പറഞ്ഞു. മരിച്ചവരുടെ വിവരങ്ങള്‍ പൂര്‍ണ്ണമായും പോലീസ് പുറത്ത് വിട്ടിട്ടില്ല.


പി. പി. ചെറിയാന്‍

ടെക്‌സസ്സില്‍ വിഷവാതകം ശ്വസിച്ച് നാലു കുട്ടികള്‍ മരിച്ചുടെക്‌സസ്സില്‍ വിഷവാതകം ശ്വസിച്ച് നാലു കുട്ടികള്‍ മരിച്ചു
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക