കൊയിലാണ്ടി: വടകരയിലെ എല്ഡിഎഫ് സ്ഥാനാര്ഥി പി.ജയരാജനെ തട്ടികളയുമെന്ന് ഫോണില് ഭീഷണി. കൊയിലാണ്ടിയില് തെരഞ്ഞെടുപ്പ് പ്രചരണം നടത്തുന്നതിനിടെയാണ് ഫോണ് സന്ദേശമെത്തിയത്. കൊയിലാണ്ടി പോലീസ് കേസെടുത്തു അന്വേഷണം ആരംഭിച്ചു.
സ്ഥാനാര്ഥിത്വത്തില് നിന്നും പിന്മാറണമെന്നും തട്ടിക്കളയുമെന്നുമായിരുന്നു ഭീഷണി. ഇന്റര്നെറ്റ് കോള്വഴിയാണ് ഭീഷണി വന്നത്. ഇതുസംബന്ധിച്ച് തെരഞ്ഞെടുപ്പ് കമ്മിറ്റി ജനറല് കണ്വീനര് എ.എന്.ഷംസീര് എംഎല്എ വടകര എസ്പിക്ക് പരാതി നല്കി. തുടര്ന്ന് കൊയിലാണ്ടി പോലീസ് വെള്ളിയാഴ്ച രാത്രിയോടെ കേസെടുത്ത് അന്വേഷണം തുടങ്ങി.