ഡെമോക്രാറ്റിക് പ്രസിഡന്റ് പദകാംക്ഷികള് ഏറ്റുമുട്ടുന്ന ഏഴാമത് ഡിബേറ്റില് പങ്കെടുക്കുവാനുള്ള യോഗ്യതകള് വളരെ വൈകിയാണെങ്കിലും ബില്യണറായ ടോം സ്റ്റേയര് നേടി. ഡിമോയിന് അയോവയില് നടക്കുന്ന കോക്കസില് പങ്കെടുക്കുന്നവരുടെ ഇടയില് 12% വും സൗത്ത് കാരലിന ഗ്യാലപ്പോളില് 15% വും സൗത്ത് കാരലിന ഗ്യാലപ് പോളില് 15% വും പിന്തുണ കാലിഫോര്ണിയ ബില്യണയര് നേടിയതായി രണ്ട് മാധ്യമ ഏജന്സികള് റിപ്പോര്ട്ട് ചെയ്തു. ഇതോടെ ഡിബേറ്റില് ഏറ്റുമുട്ടുന്നവര് ആറായി.
ഡിബേറ്റില് പങ്കെടുക്കുവാനുള്ള യോഗ്യതകള് 2,25,000 വ്യക്തികളായി ദാതാക്കള് 20 യു.എസ്. സംസ്ഥാനങ്ങളില് ഓരോന്നില് നിന്നും 1,000 എങ്കിലും വീതം, യു.എസ്. ടെറിട്ടറികളും ഡിസ്ട്രിക്ട് ഓഫ് കൊളംബിയയും ഉള്പ്പെടെ. സ്റ്റേയര്ക്കൊപ്പം ഈ വര്ഷത്തെ ആദ്യത്തെ ഡെമോക്രാറ്റിക് പ്രസിഡന്ഷ്യല് ഡിബേറ്റില് മുന് വൈസ് പ്രസിഡന്റ് ജോ ബൈഡന്, സൗത്ത് ബെന്ഡ്, ഇന്ത്യാന മുന് മേയര് പീറ്റ് ബട്ടീജീജ്, മിനിസോട്ട സെനറ്റര് ഏമിക്ലോബുച്ചാര്, വെര്മോണ്ട് സെനറ്റര് ബേണി സാന്ഡേഴ്സ്, മാസച്യൂസറ്റ്സ് സെനറ്റര് എലിസബെത്ത് വാറന് എന്നിവരാണ് വാദപ്രതിവാദം നടത്തുക. അവസാനനിമിഷം ഏതെങ്കിലും സ്ഥാനാര്ത്ഥി ഇവരോടൊപ്പം യോഗ്യത നേടിയെന്ന് വരാം. സിഎന്എനും ഡിമോയിന് രജിസ്റ്റര് അറ്റ് ഡ്രേക്ക് യൂണിവേഴ്സിറ്റിയും ആതിഥേയത്വം വഹിക്കും.
2019 ജൂലൈയില് മത്സര രംഗത്തെത്തിയതിന്ശേഷം സ്റ്റേയര് ടെലിവിഷന് പരസ്യത്തിന് 80 മില്യന് ഡോളറോളം ചെലവഴിച്ചതായാണ് കണക്ക്. നെവാഡയില് ലാസ് വേഗസ്, റെനോമാര്ക്കറ്റുകളില് മാത്രം 8.7 മില്യന് ഡോളര്, സൗത്ത് കരാലിന നാലു മാര്ക്കറ്റുകളിലായി 8.4 മില്യന് ഡോളര് എന്നിങ്ങനെ ചെലവഴിച്ചു.
താരതമ്യം ചെയ്യുമ്പോള് ഏറ്റവും കൂടുതല് തുക ടിവി പരസ്യത്തിന് ചെലവഴിച്ച സാന്ഡേഴ്സ് ചെലവഴിച്ചത് മൊത്തം 6.5 മില്യന് ഡോളറാണ്. മറ്റേതെങ്കിലും ഒരു സ്ഥാനാര്ത്ഥി(വെളുത്ത വര്ഗക്കാരനല്ലാത്ത) അവസാന നിമിഷം യോഗ്യത നേടിയില്ലെങ്കിലും ഡിബേറ്റ് നടക്കുക വെളുത്ത വര്ഗക്കാരായ സ്ഥാനാര്ത്ഥികള് തമ്മിലായിരിക്കും. ഡിസംബറില് നടന്ന കഴിഞ്ഞ ഡിബേറ്റില് ഏഷ്യന് വംശജനായ വ്യവസായ പ്രമുഖന് ആന്ഡ്രൂയാംഗ് അവസാനനിമിഷം യോഗ്യത നേടിയിരുന്നു. ഇത്തവണ യാംഗ് യോഗ്യത നേടാനുള്ള സാധ്യത വിദൂരമാണ്.
യാംഗ് പറയുന്നത് അദ്ദേഹം അടുത്ത (ഫെബ്രുവരിയിലെ) ഡിബേറ്റില് നിശ്ചയമായും ഉണ്ടായിരിക്കും. അയോവ കോക്കസില് വലിയ നേട്ടം നേടും എന്നുമാണ്. ഇ്പ്പോള് യാംഗിന് നാല് പോളുകളില് 5% പിന്തുണ നേടാന് കഴിഞ്ഞിട്ടുണ്ട്. ഇപ്പോള് രംഗത്തുള്ളവരും പിന്വാങ്ങിയവരും ഈ പ്രൈമറി ഡിബേറ്റുകളിലെ യോഗ്യത മാനദണ്ഡത്തെ വിമര്ശിച്ച് രംഗത്ത് വന്നിട്ടുണ്ട്.
കറുത്ത വര്ഗക്കാരനായ ന്യൂജേഴ്സി സെനറ്റര് കോറിബുക്കര്, ഹവായ് പ്രതിനിധി സൗത്ത് ഈസ്റ്റ് ഏഷ്യന്, പോളിനേഷ്യന്, കോക്കേഷ്യന് വംശജ തുള്സി ഗബാര്ഡ്, ആഫ്രിക്കന് അമേരിക്കന് മുന് മാസച്യൂസറ്റ്സ് ഗവര്ണ്ണര് ഡേവല് പാട്രിക്ക് എന്നിവര് ഇവരില് പ്രമുഖരാണ്. ഇതിനിടയില് ഗ്രന്ഥകര്ത്രിയും തത്വചിന്തകയുമായ മരിയാന് വില്യംസണ് തന്റെ പ്രചരണം തല്ക്കാലം നിറുത്തി വയ്ക്കുകയാണെന്ന് അറിയിച്ചു.
ഇതിനിടയില് താല്പര്യജനകമായ ചില ഫലങ്ങള് പുറത്തു വന്നു. ന്യൂഹാംഷെയറില് നടത്തിയ അഭിപ്രായ സര്വെയില് ബട്ടീജീജ് മുന്നിലെത്തി. തൊട്ടുപിന്നില് ബൈഡനും സാന്ഡേഴ്സും ഏറെ പിന്നിലായി വാറനും അമേരിക്കയില് പ്രസിഡന്റ് തിരഞ്ഞെടുപ്പില് ഇലക്ടൊറല് വോട്ടുകള് 538 ആണ്. 538 എന്നൊരു വെബ്സൈറ്റില് അയോവയില് ആകെയുള്ള 4.1 പ്രതിനിധികളില് ബൈഡന് 13 നും 28നും ഇടയ്ക്ക് പ്രതിനിധികളെ നേടാന് സാധ്യതയുണ്ടെന്ന് പ്രവചിക്കുന്നു. ബൈഡന് ഭൂരിപക്ഷം ലഭിക്കുവാന് 5 ല് 2 സാധ്യതയും സാന്ഡേഴ്സിന് 4 ല് 1 ഉം സാധ്യതയുണ്ട്. ബൈഡന് 27% വോട്ടുകള് ലഭിക്കും എന്നിങ്ങനെയാണ് മറ്റ് പ്രവചനകള്. അയോവയില് കോക്കസുകളില് പങ്കെടുക്കുന്ന വോട്ടര്മാരുടെ ഹിതം പ്രവചനാതീതമായതിനാല് ഈ പ്രചവനം യാഥാര്ത്ഥ്യമാവുമോ എന്നറിയാന് കാത്തിരിക്കാം.