ബിജെപി അധ്യക്ഷനായി കെ സുരേന്ദ്രന് ചുമതലയേറ്റു; കുമ്മനവും ശോഭാ സുരേന്ദ്രനും വിട്ടുനിന്നു
Published on 22 February, 2020
തിരുവനന്തപുരം: ബിജെപി സംസ്ഥാന പ്രസിഡന്റായി കെ. സുരേന്ദ്രന് ചുമതലയേറ്റു. കുന്നുകുഴിയിലെ ബിജെപി ആസ്ഥാനത്ത്‌ നടന്ന ചടങ്ങില്‍ കേന്ദ്ര മന്ത്രി വി. മുരളീധരന്‍, ഒ. രാജഗോപാല്‍, പി.പി മുകുന്ദന്‍ തുടങ്ങിയ നേതാക്കള്‍ പങ്കെടുത്തു. എന്നാല്‍ കുമ്മനം രാജശേഖരന്‍, ശോഭാ സുരേന്ദ്രന് എന്നീ നേതാക്കള്‍ ചടങ്ങില്‍ പങ്കെടുത്തില്ല.
സ്ഥാനമേറ്റെടുക്കാനെത്തിയ സുരേന്ദ്രന് തിരുവനന്തപുരം റെയില്‍വേ സ്റ്റേഷനില്‍ വലിയ സ്വീകരണമാണ്‌ നല്‍കിയത്‌. ജില്ലാ പ്രസിഡന്റ്‌ വിവി രാജേഷ്‌, എം.ടി രമേശ്‌ അടക്കമുള്ള നേതാക്കളുടെ നേതൃത്വത്തിലായിരുന്നു സ്വീകരണം. തുടര്‍ന്ന്‌ റോഡ്‌ ഷോയുടെ അകമ്‌ബടിയോടെ ബിജെപി ആസ്ഥാനത്തെത്തി സ്ഥാനമേറ്റു.
ബിഡിജെഎസ്‌ നേതാവ്‌ തുഷാര്‍ വെള്ളാപ്പള്ളിയും ചടങ്ങിനെത്തി. എ.എന്‍ രാധാകൃഷ്‌ണന്‍ യോഗം അവസാനിക്കാറായപ്പോള്‍ എത്തിച്ചേര്‍ന്നു
കെ. സുരേന്ദ്രനൊപ്പം സംസ്ഥാന അധ്യക്ഷ സ്ഥാനത്തേയ്‌ക്ക്‌ എ.എന്‍ രാധാകൃഷ്‌ണന്‍, ശോഭാ സുരേന്ദ്രന് എന്നിവര്‍ പരിഗണിക്കപ്പെട്ടിരുന്നതായി വാര്‍ത്തകളുണ്ടായിരുന്നു.
സംസ്ഥാനപ്രസിഡന്റ്‌ സ്ഥാനം ലഭിക്കാത്തതില്‍ പി.കെ. കൃഷ്‌ണദാസ്‌ പക്ഷത്തെ നേതാക്കള്‍ക്ക്‌ അതൃപ്‌തിയുണ്ടെന്നും നേരത്തെ റിപ്പോര്‍ട്ടുകള്‍ പുറത്തുവന്നിരുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala