Image

ഓർമ്മ (കവിത: സുജാത കെ പിള്ള)

Published on 27 March, 2020
ഓർമ്മ (കവിത: സുജാത കെ പിള്ള)
ഓർമ്മയുടെ സ്വരുക്കൂട്ടിയ
ശേഷിപ്പുകളിൽ നമ്മളില്ല;
നീയും ഞാനുമാണുളളത്.

ബാല്യവും കൗമാരവും
നമ്മളായിരുന്നു.

യൗവ്വനത്തിൽ 
തീക്ഷ്ണ വികാരങ്ങളുടെ 
തീയും പുകയുമേറ്റ് 
ഒരുമിച്ചുല്ലസിക്കാനാവാതെ
കൊഴിഞ്ഞ പ്രണയം തിരിച്ചറിഞ്ഞു.

നിന്നിൽ നിന്നിറ്റിറ്റു വീണ
മൗനത്തിന്റെ തുളളികൾ 
എന്നെ ഉന്മാദത്തിന്റെ വക്കോളമെത്തിച്ചു.

ഒടുവിൽ പിരിയുമ്പോൾ
നമ്മൾ  വീണ്ടും നമ്മളായി 
പുഴയുടെ ആത്മാവിലേക്ക്
ഊളിയിട്ടു....


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക