Image

കുവൈത്ത് കെഎംസിസി ചാര്‍ട്ടേര്‍ഡ് വിമാന സര്‍വ്വീസിനു തയാറെടുക്കുന്നു

Published on 18 May, 2020
കുവൈത്ത് കെഎംസിസി ചാര്‍ട്ടേര്‍ഡ് വിമാന സര്‍വ്വീസിനു തയാറെടുക്കുന്നു

കുവൈത്ത് സിറ്റി: കുവൈത്ത് കെഎംസിസി പ്രമുഖ ട്രാവല്‍ ഏജന്‍സിയായ അല്‍ ഹിന്ദുമായി ചേര്‍ന്ന് പ്രത്യേക വിമാന സര്‍വ്വീസിനു തയ്യാറെടുക്കുന്നതായി ഭാരവാഹികള്‍ അറിയിച്ചു. സധാരണ രീതിയില്‍ വിമാന സര്‍വീസിനു ഇനിയും കാലതാമസം നേരിടുമെന്ന് മനസ്സിലാക്കിയതിന്റെ അടിസ്ഥാനത്തില്‍ വിമാനം ചാര്‍ട്ടര്‍ ചെയ്ത് സര്‍വ്വീസ് നടത്തി പ്രയാസമനുഭവിക്കുന്നവരെ ഉടന്‍ നാട്ടിലെത്തിക്കാന്‍ കഴിമെന്നും നേതാക്കള്‍ പറഞ്ഞു.

ആഴ്ചയില്‍ ഒന്നോ രണ്ടോ വിമാന സര്‍വ്വീസ് നടത്തിക്കൊണ്ടുള്ള ഇപ്പോഴത്തെ സര്‍വ്വിസുകള്‍ അപര്യാപ്ത്മാണെന്നും അത് ഇനിയും നോക്കി നില്‍ക്കാനാവില്ലെന്നും കുവൈത്ത് കെ.എം.സി.സി. സംസ്ഥാന പ്രസിഡന്റ് ഷറഫുദ്ദീന്‍ കണ്ണേത്തും ജനറല്‍ സെക്രട്ടറി എം.കെ.അബ്ദുള്‍ റസാഖും പറഞ്ഞു. ഇതുമായി ബന്ധപ്പെട്ട കാര്യങ്ങള്‍ എത്രയും പെട്ടെന്ന് പൂര്‍ത്തീകരിക്കാന്‍ വൈസ് പ്രസിഡന്റ് മുഹമ്മദ് അസ് ലം കുറ്റിക്കാട്ടൂരിനെ ചുമതലപ്പെടുത്തിയതായും കണ്ണേത്ത് പറഞ്ഞു.വിശദ വിവരങ്ങള്‍ ഉടന്‍ പുറത്തിറക്കുമെന്നും അദ്ദേഹം പറഞ്ഞു. ഇന്ത്യന്‍ സിവില്‍ ഏവിയ്യേഷന്റെ അനുമതി ലഭിക്കുന്ന മുറയ്ക് സര്‍വ്വീസ് ആരംഭിക്കാനാവുമെന്ന് ട്രാവല്‍ ഏജന്‍സി ഭാരവാഹികളും അറിയിച്ചു.

റിപ്പോര്‍ട്ട്: സലിം കോട്ടയില്‍

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക