Image

കോവിഡ്: മനുഷ്യരിലെ വാക്‌സിന്‍ പരീക്ഷണം വിജയമെന്ന് അമേരിക്കന്‍ കമ്പനി

Published on 19 May, 2020
കോവിഡ്: മനുഷ്യരിലെ വാക്‌സിന്‍ പരീക്ഷണം വിജയമെന്ന് അമേരിക്കന്‍ കമ്പനി
ന്യൂയോര്‍ക്ക്: ലോകത്തിന് പ്രതീക്ഷയേകി കോവിഡ് വാക്‌സിന്‍  പരീക്ഷണത്തില്‍ ശുഭസൂചന. അമേരിക്കയില്‍ മനുഷ്യരില്‍ നടത്തിയ പരീക്ഷണത്തിലാണ് വാക്‌സിന്‍ സുരക്ഷിതവും കൊറോണ വൈറസിനെ പ്രതിരോധിക്കുന്നതുമാണെന്ന് കണ്ടെത്തിയത്. മാര്‍ച്ച് മുതല്‍ രണ്ട് ഡോസ് വാക്‌സിന്‍ വീതം സ്വീകരിച്ച എട്ട് പേരുടെ ഫലമാണ് അനുകൂലമായതെന്ന് വാക്‌സിന്‍ നിര്‍മാതാക്കളായ അമേരിക്കന്‍ കമ്പനി ‘മോഡേണ’ അവകാശപ്പെട്ടു. 

വാക്‌സിന്‍ പരീക്ഷണത്തിന് സന്നദ്ധരായവരുടെ  ആന്‍റിബോഡി(പ്രതിരോധ ഘടകം) കോവിഡ് ബാധിത മനുഷ്യ കോശത്തില്‍ പരീക്ഷിച്ചപ്പോള്‍ വൈറസിന്‍െറ പകര്‍പ്പുണ്ടാകുന്നില്ലെന്നാണ് കണ്ടെത്തിയത്. വാക്‌സിന്‍ ഫലപ്രദമാണോ എന്ന് തീരുമാനിക്കുന്നതില്‍ നിര്‍ണായക പ്രാധാന്യമാണ് ഈ ഘട്ടത്തിനുള്ളത്. രോഗം അതിജീവിച്ചവരുടെ ശരീരത്തിലെ ആന്‍റിബോഡിയും വാക്‌സിന്‍ സ്വീകരിച്ചവരുടെ ആന്‍റിബോഡിയും സമാനമാണെന്ന് കണ്ടെത്തിയതായും കമ്പനി പറഞ്ഞു. അടുത്തഘട്ടത്തില്‍ 600 പേരിലാണ് പരീക്ഷണം. ജൂലൈയില്‍ മൂന്നാംഘട്ടം തുടങ്ങും. ഇതില്‍ ആരോഗ്യവാന്‍മാരായ ആയിരക്കണക്കിനാളുകളെ ഉള്‍പ്പെടുത്തും.

അമേരിക്കയിലെ ഫുഡ് ആന്‍ഡ്് ഡ്രഗ് അഡ്മിനിസ്‌ട്രേഷന്‍ (എഫ്.ഡി.എ) രണ്ടാംഘട്ട പരീക്ഷണത്തിന് മോഡേണക്ക് അനുമതി നല്‍കി. എല്ലാ പരീക്ഷണങ്ങളും വിജയമായാല്‍ ഈ വര്‍ഷം അവസാനമോ അല്ലെങ്കില്‍ അടുത്ത വര്‍ഷം തുടക്കത്തിലോ വാക്‌സിന്‍ ലഭ്യമാകുമെന്ന് കമ്പനിയുടെ മുഖ്യ മെഡിക്കല്‍ ഓഫിസര്‍ താല്‍ സക്‌സ് പറഞ്ഞു. കുറഞ്ഞ അളവില്‍, മിതമായി, ഉയര്‍ന്ന അളവില്‍ എന്നിങ്ങനെ വാക്‌സിന്‍ നല്‍കിയായിരുന്നു പരീക്ഷണം. ഇതില്‍ ആദ്യ രണ്ടു രീതിയില്‍ വാക്‌സിന്‍ നല്‍കിയതിന്‍െറ ഫലമാണ് ഇപ്പോള്‍ പുറത്തു വന്നിരിക്കുന്നത്. വാക്‌സിന്‍ എടുത്ത ഒരാളുടെ കൈയില്‍ ചുവന്ന് തടിപ്പുണ്ടായത് മാത്രമാണ് പാര്‍ശ്വഫലം. എന്നാല്‍, ഉയര്‍ന്ന അളവില്‍ വാക്‌സിന്‍ കൊടുത്ത  മൂന്നുപേര്‍ക്ക് പനി, പേശീവേദന, തലവേദന എന്നിവയുണ്ടായി. ഒരു ദിവസത്തിനുശേഷം ഇത് ഇല്ലാതായെന്നും സക്‌സ് പറഞ്ഞു.


Join WhatsApp News
Anurag Johnson. UK 2020-05-21 14:54:38
INDEPENDENT. UK Reports:- Trump to lose 2020 election in a landslide defeat, model predicts. A national election model has predicted that Donald Trump will suffer a “historic defeat” in November’s election due to the coronavirus economic recession. The model by Oxford Economics uses unemployment, disposable income and inflation to forecast election results to predict the elections outcome. According to the model, Mr Trump will lose in a landslide, capturing just 35 per cent of the popular vote, acco What is the first thing you'll do after hearing that Trump has lost the election?
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക