മെരിലാന്ഡ്: അവിഭക്ത ഫൊക്കാനയുടെ സ്ഥാപകരിലൊരാളും പിന്നീട് ജനറല് സെക്രട്ടറിയും കണവന്ഷന് ചെയറുമായ സണ്ണി വൈക്ലിഫ് അന്തരിച്ചു. മലയാളി സമൂഹത്തില് മാത്രമല്ല, ഇന്ത്യന് സമൂഹത്തിലും മുഖ്യധാരയിലും നിറഞ്ഞു നിന്ന വ്യക്തിത്വമാണ്.
ബാത്ത്റൂമില് വീണതിനെ തുടര്ന്ന് ഒരാഴ്ചയായി ചികിത്സയിലായിന്നു അദ്ദേഹം.
വാഷിംഗ്ടണില് ഫൊക്കാന കണ്വന്ഷന് നടക്കുമ്പോള് (1992) ആണു ഭാഷക്കൊരു ഡോളര് എന്ന ആശയവുമായി ഡോ. എം.വി. പിള്ള മുന്നോട്ടു വന്നത്. അന്ന് പ്രസിഡന്റായിരുന ഡോ. പാര്ഥസാരഥി പിള്ള, സെക്രട്ടറി മാത്യു കൊക്കൂറ, കണ്വന്ഷന് ചെയര് സണ്ണി വൈക്ലിഫ് എന്നിവര് അതിനു പൂര്ണ പിന്തുണ നല്കി. പതിറ്റാണ്ടുകള് കഴിഞ്ഞിട്ടും ഭാഷക്കൊരു ഡോളര് ഒരു പ്രസ്ഥാനമായി നിലകൊള്ളുന്നു.
മുഖ്യധാര സംഘടനകളിലും ഇന്ത്യന് സംഘടനകളിലും സണ്ണി വൈക്ലിഫിന്റെ പ്രവര്ത്തനം ശ്രദ്ധേയമായിരുന്നു. വാഷിംഗ്ടണ്, ഡി.സി, മെരിലാന്ഡ് മേഖലകളിലെ ഇന്ത്യന് നേതാക്കളില് ഒരാളാണ്.
തിരുവനന്തപൂരം സ്വദേശിയായ അദ്ദേഹം സെവന്ത് ഡേ അഡ്വന്റിസ്റ്റ് സഭാ രംഗത്തും സജീവമായിരുന്നു. ഭാര്യ ട്രീസയും അറിയപ്പെടുന്ന സമൂഹിക പ്രവര്ത്തകയാണ്. മക്കള്: ജെയ്സണ് വൈക്ലിഫ്, ജീന, ജോയി വൈക്ലിഫ്, ജെഫ് വൈക്ലിഫ്