മുംബൈ: രാജ്യത്ത് ഏറ്റവും കൂടുതല് കോവിഡ് രോഗികളുള്ള മഹാരാഷ്ട്രയില് 24 മണിക്കൂറിനിടെ അയ്യായിരത്തിലധികം കോവിഡ് കേസുകള് സ്ഥിരീകരിച്ചു.
5,257 പേര്ക്കുകൂടി രോഗബാധ സ്ഥിരീകരിച്ചതോടെ സംസ്ഥാനത്ത് ആകെ കോവിഡ് ബാധിതരുടെ എണ്ണം 1,69,883 ആയി.
ഇന്ന് 181 പേരാണ് മരിച്ചത്. മഹാരാഷ്ട്രയില് ആകെ മരണസംഖ്യ 7,610 ആയി. നിലവില് മഹാരാഷ്ട്രയിലെ കോവിഡ് മരണ നിരക്ക് 4.48 ശതമാനമാണ്. 73,298 പേരാണ് ഇപ്പോള് മഹാരാഷ്ട്രയില് കോവിഡ് ബാധിച്ച് ചികിത്സയിലുള്ളത്. 88,960 പേര് ഇതുവരെ രോഗമുക്തരായി. തിങ്കളാഴ്ച മാത്രം രോഗമുക്തി നേടിയത് 2,358 പേരാണ്. രോഗമുക്തി നിരക്ക് 52.37 ശതമാനമാണ്.