``ഒത്തു പോകാന്‍ കഴിയാതെ വന്നപ്പോള്‍ വേര്‍പിരിയാന്‍ തീരുമാനിച്ചു'' ശ്രിത ശിവദാസ്‌
Published on 12 August, 2020
ഓര്‍ഡിനറി എന്ന ചിത്രത്തില്‍ കുഞ്ചാക്കോ ബോബന്റെ നായികയായി എത്തിയ നാട്ടിന്‍പുറത്തുകാരി കല്യാണിയെ അവതരിപ്പിച്ചാണ്‌ ശ്രിത ശിവദാസ്‌ എന്ന പാര്‍വതി മലയാളത്തില്‍ ശ്രദ്ധിക്കപ്പെട്ടതും പ്രേക്ഷകരുടെ പ്രിയങ്കരിയായതും.
`ഗവിയിലെ പെണ്‍കുട്ടി' എന്ന്‌ പ്രേക്ഷകര്‍ വിളിച്ച ശ്രിത പിന്നീട്‌ ഒരുപിടിസിനിമകളില്‍ വേഷമിട്ടു. ഇപ്പോഴിതാ സിനിമയില്‍ നിന്നും മാറി നില്‍ക്കാനുള്ള കാരണവും വിവാഹ ജീവിതത്തിലുണ്ടായ തകര്‍ച്ചയും തുറന്നു പറയുകയാണ്‌ താരം.
2014 ലായിരുന്നു ശ്രിതയുടെ വിവാഹം. 2015ല്‍ `റാസ്‌പുടിന്‍' എന്ന ചിത്രത്തിനു ശേഷം പിന്നീട്‌ ശ്രിതയെ മലയാളത്തില്‍ ആരും കണ്ടതേയില്ല. പിന്നീട്‌ രമ്യ നമ്പീശന്‍ നിര്‍മ്മിച്ച ഒരു ആല്‍ബത്തിലൂടെയാണ്‌ ശ്രിത വീണ്ടും എത്തിയത്‌. ഇനി വെള്ളിത്തിരയിലേക്കുള്ള വരവാണ്‌.
2014 ലായിരുന്നു ശ്രിതയുടെ വിവാഹം. 2015ല്‍ `റാസ്‌പുടിന്‍' എന്ന ചിത്രത്തിനു ശേഷം പിന്നീട്‌ ശ്രിതയെ മലയാളത്തില്‍ ആരും കണ്ടതേയില്ല. പിന്നീട്‌ രമ്യ നമ്പീശന്‍ നിര്‍മ്മിച്ച ഒരു ആല്‍ബത്തിലൂടെയാണ്‌ ശ്രിത വീണ്ടും എത്തിയത്‌. ഇനി വെള്ളിത്തിരയിലേക്കുള്ള വരവാണ്‌.
``വിവാഹത്തിനു ശേഷം സ്‌ത്രീകള്‍ സിനിമ വിട്ടു പോകുന്നത്‌ ഇപ്പോള്‍ കുറഞ്ഞിട്ടുണ്ട്‌. വിവാഹമാണെങ്കിലും വിവാഹമോചനമാണെങ്കിലും അത്‌ തികച്ചും വ്യക്തിപരമാണെന്നും അത്‌ സിനിമയുമായി കൂട്ടിക്കുഴയ്‌ക്കേണ്ട ആവശ്യമില്ലെന്നും പലരും തിരിച്ചറിഞ്ഞു തുടങ്ങിയിട്ടുണ്ട്‌.
``2014ല്‍ ആയിരുന്നു വിവാഹം.കഷ്‌ടിച്ച്‌ ഒരു വര്‍ഷം മാത്രമേ വിവാഹ ജീവിതം നീണ്ടു നിന്നുള്ളൂ. പരസ്‌പരം ഒത്തു പോകാന്‍ കഴിയില്ലെന്നു വന്നപ്പോള്‍ വേര്‍പിരിയാന്‍ തീരുമാനിച്ചു. ആ സമയത്ത്‌ വ്യക്തിപരമായ നിരവധി പ്രശ്‌നങ്ങള്‍ ഉണ്ടായിരുന്നതിനാല്‍ കൂടുതല്‍ സിനിമകള്‍ ചെയ്‌തിരുന്നില്ല.''
`` പിന്നീട്‌ തമിഴിലായിരുന്നു ഗംഭീര തുടക്കം ലഭിച്ചത്‌. സന്താനവുമൊത്തുള്ള ഒരു ഹൊറര്‍ കോമഡി ചിത്രം. അതിനു ശേഷം കാര്‍ത്തിക്‌ രാജ്‌ സംവിധാനം ചെയ്‌ത ഒരു ചിത്രത്തിലും അഭിനയിച്ചു. ആ സിനിമ ഇതുവരെ റിലീസ്‌ ചെയ്‌തിട്ടില്ല. '' ശ്രിത പറയുന്നു.
ദുല്‍ഖര്‍ സല്‍മാന്‍ നിര്‍മ്മിക്കുന്ന `മണിയറയില്‍ അശോകന്‍' എന്ന ചിത്രത്തിലൂടെ മലയാളത്തിലേക്ക്‌ ഒരു മടങ്ങിവരവിനൊരുങ്ങുകയാണ്‌ ശ്രിത. ജേക്കബ്‌ ഗ്രിഗറിയും അനുപമ പരമേശ്വരനും കേന്ദ്ര കഥാപാത്രങ്ങളായി എത്തുന്ന ചിത്രത്തില്‍ശ്രദ്ധേയമായ വേഷമാണ്‌ ശ്രിത അഭിനയിക്കുന്നത്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala