മൂന്നാര്: മണ്ണിടിഞ്ഞ് ഉണ്ടായ അപകടത്തില് രാജമലയില് മരിച്ചവരുടെ എണ്ണം 55 ആയി. ഇന്ന് മൂന്നാമത്തെ മൃതദേഹവും തെരച്ചിലില് കണ്ടെത്തി. ഒരു ആണ്കുട്ടിയുടെ മൃതദേഹവും മറ്റ് രണ്ട് പേരുടെ മൃതദേഹങ്ങളുമാണ് കണ്ടെത്തിയത്. ഇവര് ആരാണെന്ന് തിരിച്ചറിഞ്ഞിട്ടില്ല. ഇതോടെ ഇനി 15 പേരെയാണ് കണ്ടെത്താനുള്ളത്.
കന്നിയാറിന്റെ കരയില് നിന്നാണ് രാവിലെ ആദ്യത്തെ മൃതദേഹം കണ്ടെത്തിയത്. ഇനി കണ്ടെത്താനുള്ളത് ഏറെയും കുട്ടികളെയാണ്. പ്രദേശത്ത് തെരച്ചില് തുടരുകയാണ്.
നേരത്തെ ലയങ്ങള് നിന്നിരുന്ന സ്ഥലത്ത് ജെസിബി ഉപയോഗിച്ചുള്ള തെരച്ചില് പൂര്ത്തിയാക്കിയിരുന്നു. പത്തു പേരടങ്ങുന്ന ടീമുകളായി വിന്യസിച്ചായിരുന്നു തെരച്ചില്. അപകടം നടന്ന സ്ഥലത്തുനിന്നും കിലോമീറ്ററുകള് മാറിയാണ് ചൊവ്വാഴ്ച പല മൃതദേഹങ്ങളും കണ്ടെത്തിയത്.
എന്ഡിആര്എഫ്, പോലീസ്, ഫയര്ഫോഴ്സ്, വനംവകുപ്പ്, സ്കൂബാ ഡൈവിംഗ് ടീം, റവന്യു, ആരോഗ്യം, പഞ്ചായത്ത്, സന്നദ്ധപ്രവര്ത്തകര്, തമിഴ്നാട് വെല്ഫെയര് തുടങ്ങിയ സംഘങ്ങളാണ് വിവിധയി ടങ്ങളിലെ തെരച്ചിലിനു നേതൃത്വം നല്കുന്നത്.
പ്രതികൂല കാലാവസ്ഥയെത്തുടര്ന്ന്ചൊവ്വാഴ്ച തെരച്ചില് വൈകുന്നേരം നാലോടെ അവസാനിപ്പിച്ചിരുന്നു. ഇന്ന് രാവിലെയാണ് വീണ്ടും തെരച്ചില് ആരംഭിച്ചത്.