Image

ഫോമാ ജോ. സെക്രട്ടറി സ്ഥാനാര്‍ഥി അശോക് പിള്ളയുടെ അഭ്യര്‍ഥന

Published on 23 September, 2020
ഫോമാ ജോ. സെക്രട്ടറി സ്ഥാനാര്‍ഥി അശോക് പിള്ളയുടെ അഭ്യര്‍ഥന
(ഫോമാ ജൊ. സെക്രട്ടറി സ്ഥാനാര്‍ഥി അശോക് പിള്ളയുടെ അഭ്യര്‍ഥന. പെട്ടെന്നുണ്ടായ ശ്വാസതടസം മൂലം എല്ലാവരോടും നേരിട്ടു സംസാരിക്കുക വിഷമകരമായതിനാലാണു ഈ അഭ്യര്‍ഥന)

ഞാന്‍ അശോക് പിള്ള. നാട്ടില്‍ കോട്ടയം സ്വദേശിയാണ്. 2006ല്‍ അമേരിക്കയിലേക്ക് കുടിയേറി ഫ്‌ളോറിഡയില്‍ കുടുംബസമേതം താമസിച്ചുവരുന്നു.

ഞാന്‍ ഇവിടെ പോസ്റ്റാഫീസില്‍ (U.S.P.S) ജോലി ചെയ്യുന്നു. വിദ്യാര്‍ത്ഥി രാഷ്ട്രീയത്തിലൂടെ പൊതുരംഗത്തേക്ക് കടന്നുവന്ന ഞാന്‍, കഴിഞ്ഞ 12 വര്‍ഷമായി, മലയാളി അസോസിയേഷന്‍ ഓഫ് സൗത്ത് വെസ്റ്റ് ഫ്‌ളോറിഡയുടെ എക്‌സിക്യൂട്ടീവ് കമ്മറ്റി അംഗമാണ്. 2 വര്‍ഷകാലം ട്രഷററായും ചുമതല വഹിച്ചു. ആ കാലഘട്ടത്തില്‍ നാട്ടിലുണ്ടായ പ്രളയവുമായി ബന്ധപ്പെട്ട് 50,000 ഡോളര്‍ ഫണ്ട് റൈസിംഗ് നടത്തുന്നതിലും, ഫോമയുടെ കടപ്ര വില്ലേങ് പ്രോജക്റ്റിലേക്ക് 2 വീടുകള്‍ നിര്‍മ്മിച്ച് നല്‍കുന്നതിലും, ബാക്കി വന്ന തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യുന്നതിലും നിര്‍ണ്ണായക പങ്ക് വഹിച്ചത് എന്റെ ജീവിതത്തിലെ ഒരു വലിയ ഭാഗ്യമായി ഞാന്‍ കരുതുന്നു.

നിലവില്‍ ഫോമയുടെ സണ്‍ഷൈന്‍ റീജിയണ്‍ പി.ആര്‍.ഒ ആയി പ്രവര്‍ത്തിക്കുന്നു.

അമേരിക്കയില്‍ ഉടനീളം ഉള്ള സുഹൃത്ത് ബന്ധങ്ങളുടെ പിന്തുണ എന്റെ മുതല്‍ക്കൂട്ടാണെന്നത് എനിക്ക് കൂടുതല്‍ ആത്മവിശ്വാസം നല്‍കുന്നു. കൂടാതെ നിലവില്‍ ആര്‍ട് ലൗവേഴ്‌സ് ഓഫ് അമേരിക്കയുടെ (A.L.A ) ബോര്‍ഡ് ഓഫ് ട്രസ്റ്റീസ് മെമ്പറും, നാഷണല്‍ ട്രഷററും ആണ്. ഞാന്‍ എല്ലാവിധ ജീവകാരുണ്യപ്രവര്‍ത്തനങ്ങളില്‍ സജീവമായി പങ്കെടുക്കാറുണ്ട് എന്നതില്‍ അഭിമാനിക്കുന്നു.

ഫോമയെന്ന സംഘടനയുടെ പ്രവര്‍ത്തനങ്ങളില്‍ ആല്‍മാര്‍ത്ഥതയോടെ പ്രവര്‍ത്തിക്കാന്‍ ഒരവസരം ലഭിച്ചാല്‍, വിജയിച്ചു വരുന്ന എല്ലാ പ്രതിനിധികളോടൊപ്പം, ജാതിമത രാഷ്ട്രീയ ചിന്തകള്‍ക്ക് അതീതമായി നിലകൊള്ളുമെന്നും, ഫോമ എന്ന പ്രസ്ഥാനത്തിന്റെ മുന്നോട്ടുള്ള വളര്‍ച്ചയിലും, അതിന്റെ എല്ലാ പ്രവര്‍ത്തനങ്ങളിലും, മലയാളി സമൂഹത്തിന്റെ ഉന്നമനത്തിനും, 100% സത്യസന്ധതയോടെയും, ആത്മാര്‍ത്ഥതയോടെയും, പ്രവൃത്തിക്കുമെന്ന്, ഞാന്‍ നിങ്ങള്‍ക്ക് ഉറപ്പു തരുന്നു.

ഫോമായുടെ എല്ലാ അംഗ സംഘടനകളും, ജനറല്‍ കൗണ്‍സില്‍ അംഗങ്ങളും, നിങ്ങളുടെ ആത്മാര്‍ത്ഥമായ പിന്തുണ എനിക്ക് നല്‍കി, എന്നെ വിജയിപ്പിക്കണമെന്ന് ഞാന്‍ താഴ്മയായി നിങ്ങളോട് അപേക്ഷിക്കുന്നു.
എന്നോടൊപ്പം ഈ തിരഞ്ഞെടുപ്പില്‍ മത്സരിക്കുന്ന, എല്ലാ സ്ഥാനാത്ഥികള്‍ക്കും വിജയാശംസകള്‍ നേരുന്നു.

അശോക് പിള്ള
ജോയിന്റ് സെക്രട്ടറി സ്ഥാനാര്‍ത്ഥി
ഫോമാ ജോ. സെക്രട്ടറി സ്ഥാനാര്‍ഥി അശോക് പിള്ളയുടെ അഭ്യര്‍ഥന
Join WhatsApp News
Johnson Mundanmalayil 2020-09-24 16:25:14
Last Foma Election all Fort Myers vote sold to outside non members. All Fortmyers delegate vote done by someone from california.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക