'അല' കേരള സോഷ്യൽ ഡയലോഗ്സ് - സെഷൻ 2 : ' ദി ഫോർത് എസ്റ്റേറ്റ് ' ഒക്ടോബർ 24-ന്
Published on 21 October, 2020
ന്യുജേഴ്സി:
അമേരിക്കയിലെ മലയാളികളുടെ കലാസാംസ്കാരിക കൂട്ടായ്മയായ അല ( ആർട് ലവേഴ്സ്
ഓഫ് അമേരിക്ക) 64-ാം കേരളപ്പിറവിയോടനുബന്ധിച്ച് സംഘടിപ്പിക്കുന്ന കേരള
സോഷ്യൽ ഡയലോഗ്സ് സീരീസിന്റെ രണ്ടാം സെഷൻ ‘ദി ഫോർത് എസ്റ്റേറ്റ് ‘ ഒക്ടോബർ
ഇരുപത്തിനാലിന് ഓൺലൈനായി നടത്തും. ശനിയാഴ്ച ഈസ്റ്റേൺ സമയം രാവിലെ പതിനൊന്ന്
മുപ്പതിനാണ് പരിപാടി. ‘ദി ഫോർത് എസ്റ്റേറ്റ്’എന്ന സംവാദ പരിപാടിയിൽ,
മാദ്ധ്യമ രംഗത്തെ പ്രമുഖരായ മുൻ എംപി പി രാജീവ് (ദേശാഭിമാനി) , ജോണി
ലൂക്കോസ് (മനോരമ ന്യൂസ്), ഷാഹിന നഫീസ (ദി ഫെഡറൽ), ഡോ.അരുൺ കുമാർ (24
ന്യൂസ്), അഭിലാഷ് മോഹനൻ (മീഡിയ വൺ) എന്നിവർ പങ്കെടുക്കും.
മാദ്ധ്യമപ്രവർത്തക അനുപമ വെങ്കിടേഷ് ചർച്ച മോഡറേറ്റ് ചെയ്യും.
സെഷനിൽ
പങ്കെടുക്കാൻ ആഗ്രഹിക്കുന്നവർക്ക് പ്രാദേശിക സമയങ്ങളിൽ താഴെ പറയുന്ന സൂം
ഐഡി ഉപയോഗിക്കാവുന്നതാണ്. ഇത് കൂടാതെ അലയുടെ ഫേസ്ബുക് പേജ് വഴിയും
തത്സമയസംപ്രേക്ഷണം ഉണ്ടായിരിക്കുന്നതാണ് . സൂം മീറ്റിംഗ് ലിങ്ക് : https://us02web.zoom.us/j/89904500614 സൂം മീറ്റിംഗ് ഐഡി : 899 0450 0614 അല ഫേസ്ബുക് പേജ് ലിങ്ക് : https://www.facebook.com/ArtLoversOfAmerica/
കേരളപ്പിറവിയുടെ
എഴുപത്തിനാലാം വാർഷികത്തോടനുബന്ധിച്ച് ഒക്ടോബർ പതിനേഴ് മുതൽ നവംബർ
പതിനാലു വരെയാണ് അല സോഷ്യൽ ഡയലോഗ്സ് സീരീസ് നടത്തുന്നത്. ഒക്ടോബർ
പതിനേഴിനു നടന്ന ആദ്യസെഷനിൽ എം ബി രാജേഷ് (എക്സ് എംപി) ഉത്ഘാടനം
ചെയ്യുകയും തുടർന്ന് ‘കേരള ചരിത്രത്തിന്റെ കാണാപ്പുറങ്ങൾ’ എന്ന വിഷയത്തിൽ
ഡോ മാളവിക ബിന്നി പ്രഭാഷണം നടത്തുകയും ചെയ്തു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല