ഇതൊരു ഫോട്ടോ പ്രദർശനം ആയി കമന്റ് വരികില്ല എന്ന് കരുതട്ടെ? അതിനൊരു മുൻകൂർ ജാമ്യം എടുക്കുന്നു. ഫോട്ടോ പ്രദര്ശിപ്പിക്കേണ്ട ആവശ്യം റോക്ക്ലാൻഡ് മലയാളി അസോസിയേഷനില്ല (റോമാ). അതിനൊക്കെയുള്ള തട്ടകം ഞങ്ങൾക്ക് വേറെ ഉണ്ട്. അല്ലെങ്കിൽ തന്നെ കുറെ പേർ ഫോട്ടോ കണ്ടത് കൊണ്ട് എന്ത് നേടാൻ! ആർകെങ്കിലും ഇ ആർട്ടിക്കിൾ ബോറിങ് ആയാൽ അപ്പോൾ നിർത്തുക. ഇനിയും കാര്യത്തിലേക്കു വരട്ടെ!
ഞങ്ങളുടെ പ്രശ്നങ്ങൾക്ക് ഇപ്പോഴു൦ പരിഹാരം ആയിട്ടില്ല. എപ്പോഴും പ്രശ്നങ്ങൾ പരിഹരിക്കുന്നതല്ലേ നന്ന്. ഫൊക്കാനയിൽ ഇപ്പോൾ ഞാൻ അറിഞ്ഞത് ശരിയാണെങ്കിൽ ലീല മാരേട്ട് അടുത്ത പ്രസിഡണ്ട് എലെക്ട്.
കാര്യങ്ങൾ രമ്യതയിൽ എത്തിക്കാൻ അവർക്കൊരു മനസ് ഉണ്ടായി. അവരുടെ ഒക്കെ വലിയ മനസിന് നന്ദി.
അങ്ങനെ ഫൊക്കാനയുടെ അമരത്തേക്ക് മറിയാമ്മ പിള്ളക്ക് ശേഷം മറ്റൊരു വനിത കൂടി. ഫൊക്കാനയിലെ മഞ്ഞുരുകി എന്നു തന്നെ കാണട്ടെ?
ഫുട് ബോൾ കളിക്കാർ (സോക്കർ) തൊണ്ണുറു മിനിട്ടു കളിക്കും. ആരും വിജയിച്ചില്ലായെങ്കിൽ പെനാൽട്ടി ഗോളിലൂടെ വിജയിയെ നിശ്ചയിക്കും. ഗോളി റെഡി. എന്നാൽ റഫറി വിസിൽ അടിക്കണം. ലൈൻ മാനും അതിനോടോപ്പും ഉണ്ടാകും. എന്തോ റെഫെറിക്ക് വിസിൽ അടിക്കാൻ മടി. ലൈൻ മാൻ ഫ്ലാഗ് വീശുന്നു. ഒന്നും നടക്കുന്നില്ല. ഇതാണ് ന്യൂ യോർക്ക് എംപയർ റീജിയണൽ വൈസ് പ്രസിഡന്റ് ആയി മത്സരിച്ച രണ്ടു പേരുടെ അവസ്ഥ. റഫറിയും ലൈൻമാനും അന്തിച്ചു നില്കുന്നു. ജുഡീക്ഷറിയും, ഇലക്ഷൻ കമ്മീഷണറും ഒന്നും ചെയ്യാൻ ആകാതെ ചിലരുടെ കൈകളിലെ പാവകളെ പോലെ അന്തിച്ചു നില്കുന്നു. ഇവരൊക്കെ വെറും റബർ സ്റ്റാമ്പുകൾ. തോക്കുന്നവർക്കല്ലേ വേദനയുള്ളു?
ഫോമയുടെ റീജിയണൽ തർക്കം സംസാരിച്ചു തീർക്കാവുന്നതല്ലേ? അതെന്തുകൊണ്ട് തീർത്തുകൂടാ. നേതൃത്വം ഓരോ വര്ഷം തുല്യ വോട്ടുകൾ കിട്ടിയ വിജയികൾക്ക് വീതിച്ചു കൊടുക്കുക. അത് കേൾക്കാൻ ഒരാൾ സമ്മതിക്കുന്നില്ല എങ്കിൽ സമ്മതിക്കുന്ന വിജയിക്ക് ഒരു വര്ഷം കൊടുത്തു പ്രശ്നം തീർക്കുക. തുല്യത കിട്ടിയ മറ്റുസ്ഥാനാർത്ഥി അടുത്ത ഇലെക്ഷനിൽ ഭൂരിപക്ഷം കിട്ടി ഒറ്റയ്ക്ക് ഭരിക്കട്ടെ! ഫോമയുടെ ബൈലോയിൽ തുല്യ വോട്ടുകിട്ടിയ സ്ഥാനാർത്ഥികളുടെ സമ്മതം തേടാൻ ഒരു നിയമം അനു ശ്വാസിക്കുന്നില്ല. ഇല്ലാത്ത നിയമം പറഞ്ഞു എന്തനീ യാത്ര.
ജയിപ്പിച്ചു വിടുന്ന എംഎൽഎ, അല്ലെങ്കിൽ എംപി ചിരിച്ചുകൊണ്ട് നമ്മളെ സന്തോഷിപ്പിക്കാറുണ്ട്. നാലു വര്ഷം കഴിയുമ്പോൾ വോട്ടിനു വേണ്ടി ഒരു ഉളുപ്പും ഇല്ലാതെ മൂക്കിള ഒലിപ്പിച്ചു നടക്കുന്ന കുട്ടികളെ മാറോടുചേർത്തു വോട്ടു ചോദിക്കും. അത് തന്നെ അല്ലെ ഇവിടെയും.
കബീർ കെ ഡോഹെ എന്നൊരു ഹിന്ദി കവിത ഓർമ്മവരുന്നു. അതിനിവിടെ പ്രസക്തി ഉണ്ടെന്നു തോന്നുന്നു. കസ്തൂരി മൃഗം തന്റെ നാഭിയിൽ നിന്നും വരുന്ന കസ്തൂരി മണം അറിയാതെ, ആ മണം അന്വേഷിച്ചു പുല്ലുകളിൽ പരതുന്നു. ആബേൽ അച്ഛന്റെ "ഈശ്വരനെ തേടി ഞാൻ നടന്നു" എന്ന ഗാനം പോലെ. പാട്ടിന്റെ അവസാനം ഹൃദയത്തിലാണ് ഈശ്വരൻ എന്നാണ്. ഉള്ളിലുള്ള ഈശ്വരനെ കാണാതെ പുറം ലോകം മുഴുവൻ തേടി നടക്കുന്നു. ഇതിൽ നിന്നും ഒക്കെ നാം പഠിക്കേണ്ട പാഠം എല്ലാം നമ്മളിൽ തന്നെ ഉണ്ട്.
ഇലക്ഷൻ കമ്മീഷനും ജുഡീക്ഷറിയും ഒക്കെ അവരിൽ നിക്ഷിപ്തമായിരിക്കുന്ന ജോലി ചെയ്താൽ മതി. ആരുടെയും നിർബന്ധങ്ങൾക്ക് വഴങ്ങാതിരുന്നാൽ മതി. ഇനിയും താമസിക്കാതെ അതിനൊരു തീരുമാനം എടുക്കു, അങ്ങനെ ഒരു തീരുമാനം ഉണ്ടാകട്ടെ! ഇപ്പോൾ നടക്കുന്ന സൂം മീറ്റിങ്ങിൽ ഒരാൾ ഒരു വര്ഷം ഇരിക്കട്ടെ. ഈ കൊറോണ കാലത്തു എന്തിനീ വാശിയും വൈരാഗ്യവും. ഈ വാശിയും വൈരാഗ്യവും കൊണ്ട് നമ്മൾ എന്ത് നേടുന്നു?
ചാമത്തിലിന്റെ വെള്ളപ്പൊക്ക ഫണ്ടിൽ ഒറ്റയ്ക്ക് ഒരു വീട് എംപയർ റീജിയനിൽ നിന്നും കൊടുത്ത ഏക ആൾ മോൻസി വർഗീസ് മാത്രം. സ്റ്റേജിൽ വിളിച്ചു ഒന്ന് അനുമോദിക്കാൻ പോലും അവരുടെ തിരക്കിടിനയിൽ സാധിച്ചില്ല. മോളമ്മ വർഗീസ് മോൻസിന്റെ ഭാര്യ. അവരോടു ഒരു സ്ത്രീയോടുള്ള പരിഗണയും കാണിച്ചിട്ടില്ല. തീരുമാനം ഉണ്ടാകാതെ നീട്ടികൊണ്ടു കൊണ്ടുപോകാൻ റോമാ പ്രസിഡന്റെ എന്ന നിലയിൽ ചില ബുദ്ധിമുട്ടുണ്ട്. രണ്ടാഴ്ചക്കുള്ളിൽ പരിഹാരം കണ്ടില്ല എങ്കിൽ നിയമ വശം നോക്കേണ്ടിവരും.
ഇതിനൊരു പരിഹാരം ഫോമാ പ്രസിഡണ്ട് കണ്ടേ തീരു. ഭഗവത് ഗീതയിൽ പറയുന്നത് പോലെ, നടന്നതും, നടക്കുന്നതും ഇനിയും നടക്കാൻ പോകുന്നതും എല്ലാം നല്ലതിന് . അങ്ങനെ ആകട്ടെ!
അടുത്ത ഇലെക്ഷനിലേക്ക് സ്ഥാനാർത്ഥിത്വം പ്രഖ്യാപിച്ചു പലരും വിളിച്ചിരുന്നു. പുതിയ ഭരണ സമിതി 2
മില്യൺ ഡോളർ പ്രൊജക്ടുമായി രംഗത്ത് വരികയും ചെയ്തു. ഇതൊക്കെ നല്ല കാര്യങ്ങൾ തന്നെ. ഭാവി ഭരണ സമതി ബില്യൺ (2022 -24 ) എത്തിക്കോട്ടെ എന്നും ആശംസിക്കുന്നു. എന്നാൽ ഞങ്ങളുടെ പ്രശ്നം എത്രയും വേഗം പരിഹാരം കാണാൻ എല്ലാ നേതാക്കളും ഒത്തുകൂടെനെ എന്ന് താഴ്മയായി അപേഷിച്ചുകൊള്ളുന്നു. ഒരു കുഞ്ഞാടിനെ കാണാതാകുഴമ്പോൾ മറ്റു കൂട്ടത്തെ വിട്ടു കാണാതെ പോയ ആടിനെ തേടിപിടിക്കാൻ നിങ്ങൾക്കെ ഒരു മനസ്ടുണ്ടാകട്ടെ!