അജ്മാന് : യു.എ.ഇ - ലെ ആരോഗ്യ വിദ്യാഭ്യാസ മേഖലയില് സജീവമായി പ്രവര്ത്തിയ്ക്കുന്ന തുംബെ ഗ്രൂപ്പിന്റെ ആഭിമുഖ്യത്തില് ആരംഭിച്ച 'തുംബെ യൂണിവേഴ്സിറ്റി ഹോസ്പിറ്റല് അജ്മാന്' ഒന്നാം വാര്ഷികം ആഘോഷിച്ചു.
തുംബെ ഗ്രൂപ്പ് സ്ഥാപക പ്രസിഡന്റ് ഡോ. തുംബെ മൊയ്തീന്, ഗള്ഫ് മെഡിക്കല് യൂണിവേഴ്സിറ്റി ചാന്സലര് പ്രൊഫസര് ഹൊസാം ഹംദി, തുംബെ ഗ്രൂപ്പ് ആരോഗ്യ സംരക്ഷണ വിഭാഗം വൈസ് പ്രസിഡന്റ് അക്ബര് മൊയ്ദീന് തുംബെ, മന്വീര് സിംഗ് വാലിയ (ചീഫ് ഓപ്പറേറ്റിംഗ് ഓഫീസര്), ഡോ. ഫോസി ഡാകില (മെഡിക്കല് ഡയറക് ടര് ), നാന്സി മെന്ഡോങ്ക (ചീഫ് നഴ്സിംഗ് ഓഫീസര്) എന്നിവര് ചടങ്ങില് മുഖ്യാതിഥികളായി പെങ്കെടുത്തു.
2019 ഡിസംബര് 9 - ന് അജ്മാന് കിരീടാവകാശി ഷെയ്ഖ് അമര് ബിന് ഹുമൈദ് അല് നുയിമി ഉദ്ഘാടനം ചെയ്തു അജ്മാനില് പ്രവര്ത്തനം ആരംഭിച്ച തുംബെ യൂണിവേഴ്സിറ്റി ഹോസ്പിറ്റല്, ഗള്ഫ് മെഡിക്കല് യൂണിവേഴ്സിറ്റി അക്കാദമിക് ഹെല്ത്ത് ഡിവിഷന്റെ ഭാഗമായി പ്രവര്ത്തിയ്ക്കുന്നു. ഗള്ഫ് മെഡിക്കല് യൂണിവേഴ്സിറ്റിയിലെ വിദ്യാര്ത്ഥികള്ക്ക് ക്ളീനിക്കല് പരിശീലനം നല്കുന്ന സ്ഥാപനമാണിത് .
തുംബെ ഗ്രൂപ്പിന്റെ ആഭിമുഖ്യത്തില് അക്കാദമിക് ആശുപത്രികള്, ഫാമിലി ക്ലിനിക്കുകള്, ഡേ കെയര് ആശുപത്രികള് തുടങ്ങിയ സ്വകാര്യ അക്കാദമിക് ആശുപത്രികളുടെ വലിയ ശൃംഖലയാണ് യു.എ.ഇ - ല് പ്രവര്ത്തിയ്ക്കുന്നത്.
തുംബെ യൂണിവേഴ്സിറ്റി ഹോസ്പിറ്റല് അജ്മാന്റെ ഒന്നാം വാര്ഷികം തുംബെ ഗ്രൂപ്പിന് അഭിമാനകരമായ നാഴികക്കല്ലാണെന്ന് ഡോ. തുംബെ മൊയ്ദീന് പറഞ്ഞു. അജ്മാന് ഗള്ഫ് മെഡിക്കല് യൂണിവേഴ്സിറ്റിയിലെ വിദ്യാര്ത്ഥികള്ക്ക് മതിയായ പരിശീലന സൗകര്യങ്ങള് നല്കുക എന്ന ലക്ഷ്യത്തോടെയായിരുന്നു
'തുംബെ യൂണിവേഴ്സിറ്റി ഹോസ്പിറ്റല് അജ്മാന്' ആരംഭിച്ചത്. ഇന്ന് യു.എ.ഇ - യിലെ ഏറ്റവും മികച്ച ആശുപത്രികളിലൊന്നായും, ഈ മേഖലയിലെ പ്രശസ്തമായ ഒരു മെഡിക്കല് ടൂറിസം കേന്ദ്രമായും ഇത് നിലകൊള്ളുന്നു.
'മൂന്ന് ആശുപത്രികളും ഒരു യൂണിവേഴ്സിറ്റിയും അടങ്ങുന്ന അജ്മാനിലെ 'തുംബെ മെഡിസിറ്റി' ആരോഗ്യ സംരക്ഷണം, മെഡിക്കല് വിദ്യാഭ്യാസം, ഗവേഷണം എന്നിവയില് മികവ് പുലര്ത്തുന്ന സ്ഥാപനമായി വളര്ന്നു''
ഒരു വര്ഷത്തിനുള്ളില് ലോകമെമ്പാടുമുള്ള രോഗികളെ ആകര്ഷിക്കുന്ന രാജ്യത്തെ ഒരു പ്രധാന ആശുപത്രിയായി തുംബെ യൂണിവേഴ്സിറ്റി ഹോസ്പിറ്റല് വളര്ന്നുവെന്ന് തുംബെ ഗ്രൂപ്പ് ആരോഗ്യ സംരക്ഷണ വിഭാഗം വൈസ് പ്രസിഡന്റ് അക്ബര് മൊയ്ദീന് തുംബെ അഭിപ്രായപ്പെട്ടു. ഗള്ഫ് മെഡിക്കല് യൂണിവേഴ്സിറ്റിയിലെ ബിരുദധാരികള്ക്ക് ക്ലിനിക്കല് പരിശീലനത്തിന് അവസരം നല്കുന്ന 'തുംബെ യൂണിവേഴ്സിറ്റി ഹോസ്പിറ്റല്' - തുംബെ ഗ്രൂപ്പിന്റെ ആരോഗ്യ സംരക്ഷണ വിഭാഗത്തിന് കീഴിലുള്ള ഏറ്റവും വലിയ ആശുപത്രിയാണ്.
തംബെ യൂണിവേഴ്സിറ്റി ഹോസ്പിറ്റലില് 100 കിടക്കകളുള്ള ലോംഗ് ടേം കെയര് ആന്റ് റിഹാബിലിറ്റേഷന് യൂണിറ്റ്, 10 ആധുനിക ശസ്ത്രക്രിയാ സ്യൂട്ടുകള്, സെന്റര് ഫോര് ഇമേജിംഗ്, കാത്ത് ലാബ്, ഐസിയു / സി സി യു / എന് ഐ സി യു / പി ഐ സി യു, 10 ബെഡ് ഡയാലിസിസ് യൂണിറ്റ്, 10 ലേബര് ആന്ഡ് ഡെലിവറി റൂമുകള് തുടങ്ങിയ സൗകര്യങ്ങള് ക്രമീകരിച്ചിരിയ്ക്കുന്നു.