ന്യു യോർക്ക്: പ്രവാസി ഭാരതീയ ദിവസ് ആഘോഷങ്ങളോടനുബന്ധിച്ച് ന്യു യോർക്കിലെ ഇന്ത്യൻ കോൺസുലേറ്റിൽ നടന്ന ചടങ്ങിൽ ഫോമാ പ്രസിഡന്റ് അനിയൻ ജോർജിനെ ബഹുമതി പത്രം നൽകി ആദരിച്ചു.
അർപ്പണബോധത്തോടെ എല്ലാ കാലത്തും ഇന്ത്യൻ അമേരിക്കൻ സമൂഹത്തിനു നൽകിയ സേവനങ്ങൾക്ക് അനിയൻ ജോജിനെ ആദരിക്കുന്നതായി ബഹുമതി പത്രത്തിൽ പറയുന്നു.
സാമൂഹിക- അരാഷ്ട്രീയ രംഗങ്ങളിൽ സജീവമായി പ്രവർത്തിച്ചു കൊണ്ട് വളരെ വർഷങ്ങളായി അദ്ദേഹം സമൂഹത്തെ സേവിക്കുന്നു. വിവിധ സംഘടനകളിൽ ഉന്നത സ്ഥാനങ്ങൾ അദ്ദേഹം വഹിച്ചു. ഇന്ത്യയുമായും ഇന്ത്യൻ അമേരിക്കൻ ജനതയുമായുള്ള യു.എസ് . ബന്ധം മെച്ചപ്പെടുത്തുന്നതിനും അദ്ദേഹം നിസ്തുലമായ പങ്കു വഹിച്ചു-ബഹുമതി പത്രത്തിൽ ചൂണ്ടിക്കാട്ടി.
ഡെപ്യുട്ടി കോണ്സൽ ജനറൽ ശത്രുഘൻ സിൻഹ ബഹുമതി പത്രം സമ്മാനിച്ചു.
see also