ഓസ്ട്രേലിയക്കെതിരെ ഇന്ത്യ ഐതിഹാസിക ടെസ്റ്റ് പരമ്ബര വിജയിച്ചതോടെ ക്രിക്കറ്റ് ലോകം ടീമിന് അഭിനന്ദനങ്ങളുമായി രംഗത്തെത്തി. പ്രധാനമന്ത്രിയും രാഷ്ട്രപതിയും വരെ ഇന്ത്യയുടെ ചരിത്ര നേട്ടത്തെ അഭിനന്ദിച്ച് ട്വീറ്റിട്ടിരുന്നു. നിരവധി അഭിനന്ദനങ്ങള്ക്കിടെയാണ് ഐ.പി.എല്ലില് കിങ്സ് ഇലവന് പഞ്ചാബിന്റെ സഹ ഉടമയായ പ്രീതി സിന്റയും ചരിത്ര വിജയത്തില് ട്വിറ്ററിലൂടെ ഇന്ത്യക്ക് അഭിനന്ദനവുമായെത്തിയത്. എന്നാല് അഭിനന്ദനത്തില് പറ്റിയ പിഴവുമൂലം സോഷ്യല് മീഡിയയില് ട്രോളുകള്ക്ക് ഇരയാവുകയാണ് പ്രീതി. ഓസ്ട്രേലിയയില് ഒരു ടെസ്റ്റ് മത്സരം വിജയിക്കുന്ന ആദ്യ ഏഷ്യന് ടീമായ ഇന്ത്യക്ക് അഭിനന്ദനങ്ങള് എന്നായിരുന്നു ട്വീറ്റ്. എന്നാല് ഓസ്ട്രേലിയയില് ടെസ്റ്റ് പരമ്ബര നേടുന്ന ആദ്യ ഏഷ്യന് രാജ്യമാണ് ഇന്ത്യ.