ഫോമാ ഇലക്ഷനില് പാനലിന്റെ പേരില് അനാവശ്യമായ മല്സരവും ചെളിവാരിയെറിയലും നടക്കുന്നതില് ഖേദമുണ്ടെന്നു പ്രസിഡന്റ് സ്ഥാനാര്ഥി അനിയന് ജോര്ജ്.
സമാന ചിന്താഗതിക്കാര് ഒരുമിച്ചു നില്ക്കുന്നതു നല്ലതാണെന്നതാണ് തന്റെ നിലപാട്. ഇതല്ലാതെ ഒരു പാനല് എന്നത് തന്റെ ചിന്തഗാതിയില് ഇല്ല. പ്രധാനകാരണം എല്ലാവരും തന്റെ സുഹ്രുത്തുക്കളാണെന്നതാണ്. ആ ബന്ധങ്ങള് നഷ്ടപ്പെടാന് ആഗ്രഹിക്കുന്നില്ല.
ഭിന്നതയിലേക്കും പരസ്പര ബന്ധങ്ങള് നഷ്ടപ്പെടുന്നതിലേക്കും നയിക്കുന്ന പ്രചാരണത്തിനു ഒരു ന്യായീകരണവുമില്ല. അതിനു താനുണ്ടാവില്ല. ഒരു സൗഹ്രുദ മല്സരത്തിനപ്പുറം ഇതൊരു പോരാട്ടമാക്കുന്നത് ശരിയല്ല-അനിയന് ജോര്ജ് വ്യക്തമാക്കി.