നഷ്ടപ്പെട്ടത്
ഒരു വര്ഷമല്ല
കൂടെ നടന്ന
കുറെ മുഖങ്ങളാണ്
ചുവരില് തറച്ച
ആണികളില്
തുളകള് വീണത്
ഇടനെഞ്ചിലാണ്
ഓര്മ്മകളില് എന്നും
പുഞ്ചിരിച്ചു നിന്ന
ചില ചിത്രങ്ങളില്
കണ്ണീര് പടര്ന്നിരിക്കുന്നു
മാര്ച്ചിന്റെ
അപരാഹ്നത്തില്
പടര്ന്ന തീ
ഇനിയുമണഞ്ഞിട്ടില്ല
അനിശ്ചിതത്വത്തിന്റെ
പകല് യാത്രകളില്
ചേര്ത്തു പിടിച്ച കൈകള്
വിറപൂണ്ട് നില്ക്കുന്നു
നിദ്രയുടെ ആഴങ്ങളില്
ഒരു ദു:സ്വപ്നം പോലെ
കൊഴിഞ്ഞവര്ഷത്തിന്റെ
അവസാന ചിറകടികള്
ജീവിതത്തിന്റെ
ബാലന്സ് ഷീറ്റില്
നഷ്ടക്കണക്കുകളുടെ
ശൂന്യമായ കോളങ്ങള്
ചോദ്യ ചിഹ്നങ്ങള് തീര്ക്കുന്ന
നാളെയുടെ പ്രതീക്ഷകളില്
തളരാത്ത ചില കൈകള്
ഇപ്പോഴും സാന്ത്വനം പകരുന്നു ....
ഒഴിഞ്ഞ
ഉമ്മറ കസേരയിലേയും
അടുക്കള തിണ്ണയിലേയും
അദൃശ്യ ചിത്രങ്ങള്..