കടന്നുപോവുന്ന കാലത്തിന്റെ കാലൊച്ചകൾക്ക്
പണ്ടത്തെക്കാൾ
ചടുലതയേറിയതായ്
തോന്നുന്നു...
കേൾക്കെ, കേൾക്കെയ- തുച്ചത്തിലാവുകയും
നഗ്നമാം കാതുകൾക്ക-
പ്രാപ്യമാം ശബ്ദവീചികളായ്
പ്രപഞ്ചത്തിലതു
വിലയം പ്രാപിക്കുകയും ചെയ്യുന്നു..
.
കടന്നുപോവുന്ന
കാലത്തിന്റെ നിശ്വാസങ്ങൾക്ക് പണ്ടത്തെക്കാൾ
വേഗതകുറയുന്നതായ് തോന്നുന്നു...
ഒരാസ്തമാരോഗിയെപ്പോലെ കാലം
സർവശക്തിയും
ഉള്ളിലേക്കാവാഹിച്ചാ- ഞ്ഞുവലിക്കുന്നപോൽ...
പുറത്തേക്കിറ്റുവീഴുന്ന വായുവിൽ
കാലത്തിന്റെ നെറികേടുകളെല്ലാം
ഒളിഞ്ഞിരിക്കുന്നപോൽ...