Image

ഇര (കവിത: അരുൺ.വി.സജീവ്)

Published on 08 April, 2021
ഇര (കവിത: അരുൺ.വി.സജീവ്)
കഥ തുടരും..
കാട്ടിലിരുൾ പടരും;
കിതപ്പോടിര
തിരയുമൊളിയിടം.
കഥ തുടരും..
ആ കാടുലയും;
വേടനവളുടെ
അരികിൽ വരും.
കഥ തുടരും..
പുൽക്കൊടി ചതയും;
നീറ്റലവളുടെയുയിരിൽ
തീർത്തവൻ മറയും.
കഥ തുടരും..
അവളുടെ പേരടരും
പിന്നിരയെന്നൊന്ന്
പുതുതായ് വരും!.
കഥ തുടരും..
അഴലിൽ ദ്യുതിചിതറും
ഇര പലകുറി
വരികളിൽനിറയും!.
കഥ തുടരും..
ന്യായവിധി തിരയും
അവൾ പലവുരു
വാക്കാൽ മുറിയും!.
കഥ തുടരും..
ഒടുവിൽ അവൾ തളരും
ഇരുളിൽ വിടനുടെ
ചിരി തുടരെ വിടരും!.
വീണ്ടും കഥ തുടരും..
കാട്ടിലിരുൾ പടരും..
മറ്റൊരിര;
തിരയുമൊളിയിടം..!.


Join WhatsApp News
RAJU THOMAS 2021-04-08 18:40:38
Wow! Super!
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക