2023 ഒരു കവിതാ വിദ്യാർത്ഥി എന്ന നിലയിൽ എനിക്ക് ഒരു നല്ല വർഷമായിരുന്നു. ഇ മലയാളിയുടെ നിർലോഭമായ സഹകരണത്തിന് ഞാൻ കടപ്പെട്ടിരിക്കുന്നു. വാട്ട്സാപ്പിലൂടെ കവിതകൾ ഷെയർ ചെയ്യുമ്പോൾ കിട്ടുന്ന പ്രതികരണങ്ങൾ തുടർന്നും എഴുതുവാൻ പ്രേരണ നൽകുന്നുണ്ട്. ശ്രീ സുധീർ പണിക്കവീട്ടിൽ പലപ്പോഴായി എഴുതിയ ആസ്വാദനക്കുറിപ്പുകളും പ്രചോദിപ്പിക്കുന്നവയായിരുന്നു. എനിക്കെതിരെ അജ്ഞാത നാമാക്കളുടെ ഒരു ഡ്റാക്കുളഗാംഗ് പ്രവർത്തിക്കുന്നുണ്ടെന്ന കാര്യം ഇ മലയാളിയുടെ മാന്യ വായനക്കാർ ഇതിനകം മനസ്സിലാക്കിയിട്ടുണ്ടാകുമല്ലൊ. പലപ്പോഴും ഗാംഗ് തലവനും അനുയായികളും ഒറ്റ മേച്ഛനാണെന്ന വസ്തുത കമൻറുകളുടെ നിലവാരം നോക്കിയാൽ മനസ്സിലാക്കാം. Ignore these ghost writers and concentrate on Literary pursuits. ഇതാണ് എന്റെ ഒരു പുതുവർഷ പ്രതിജ്ഞ! ഞാൻ കുങ്കമം വാരികയിൽ കഥകളെഴുതിയിരുന്ന കാലത്ത് പ്രൊഫസർ കൃഷ്ണൻ നായർ എന്റെ രചനകളെ നിശിതമായി വിമർശിച്ചിരുന്നു. അദ്ദേഹത്തിന്റെ വിമർശനം യുക്തിഭദ്രമായിരുന്നു. അദ്ദേഹത്തെ പോലെയുള്ള ഒരു മഹാപ്രതിഭയുടെ ദൃഷ്ടി ഈ എളിയവന്റെ മേൽ പതിഞ്ഞത് തന്നെ ഒരഭിമാനമായി അന്നൊക്കെ കൊണ്ടു നടന്നിരുന്നു. യുക്തിഭദ്രമായ വിമർശനങ്ങളെ ഞാൻ എന്നും ഉൾക്കൊണ്ടിരുന്നു. പക്ഷെ മുൻവിധികളിലൂടെ അസഭ്യവും പരിഹാസവും നഗ്നതാ പ്രദർശനവും കാഴ്ചവെക്കുന്ന മ്ളേച്ഛനെ നോക്കി ഹാ! കഷ്ടം!! എന്നേ പറയാൻ കഴിയൂ. 2023 വിട പറയുന്ന ഈ അവസരത്തിൽ ടീം ഇ മലയാളിക്കും മാന്യവായനക്കാർക്കും സമകാലീനകവിതക്ക് വ്യത്യസ്തമായ രീതികളുണ്ടെന്ന് അറിയാത്ത മ്ളേഛപ്രമാണിമാർക്കും ഹൃദയംഗമമായ നവവത്സരാശംസകൾ നേർന്നു കൊള്ളട്ടെ!