ചന്ദ്രനിൽ
ഐസും ബിയറുമുണ്ടത്രെ!
എങ്കിൽ തൊട്ടു നക്കാൻ
കരിമീൻകറി ടിന്നിലാക്കി
കേരളം കയറ്റി അയക്കട്ടെ!
ബിയർ സാർ
കരടിയാണത്രെ!
എങ്കിൽ കരടിക്ക്
കെട്ടിപ്പിടിച്ച് ഉഡാൻസ് ചെയ്യാൻ
ഒരു രംഭയെ ഔട്ട്സോഴ്സ് ചെയ്ത്
ഇന്ത്യ കയറ്റി അയക്കട്ടെ!
രാശിക്കളത്തിൽ
ചന്ദ്രൻ ഒരു ഭാവമാണത്രെ!
പൂമീന്ന് നോക്കുമ്പം
ഒരു പാവമാണത്രെ!
കറുത്ത വാവു നാൾ
ഒരഭാവമാണത്രെ!
ഹിന്ദിക്കുട്ടികൾക്ക്
ചന്ദാമാമനെങ്കിൽ
കേരനാടൻകുട്ടികൾക്ക്
വീഡിയോമാമനത്രെ!
ഭൂലോകത്തിൽ
ജനിച്ചോരാരും കണ്ടിട്ടില്ല
അമ്പിളിയുടെ
മറുപുറം
പെണ്ണിന്റെ മറുമുഖം
ദർശിച്ച ചരിതവുമില്ല
ഭൂമിയിലെ
ഒരു ക്രോമസോമനും!