നിദ്രയെ പുണരാൻ കാത്തു കിടന്നു ഞാൻ, "എനിക്കിന്നുറക്കത്തിൻ സുഖം അറിയണം "
നിദ്രയുടെ വരവും തലോടലും, എന്നെ മറ്റൊരു ലോകത്തേക്ക് ഉയർത്തുമോ?
സാവധാനം ഇളം കാറ്റിലൂടെ ഒഴുകി ഒഴുകി കിടക്കയിൽ എത്തുമോ ?
ചിന്തിച്ചും, കൺതുറന്നു മനതാരിൽ കിനാവ് കണ് ടും, ഞാൻ കിടന്നു
ഉറക്കത്തിൽ കിട്ടും സുഖം എന്താണ്? മനസ്സിനോ, ചിന്തക്കോ, മെയ്യിനോ ?
വിഘ്നമില്ലാ ശാന്തതയൊ, ആഗ്രഹ പ്രതികാരചിന്ത യില്ലാ നിമിഷങ്ങളോ?
കുറ്റമില്ലാതെ പോയ ഭൂതകാലചിന്തയോ , സൽ പ്രതീക്ഷകൾ നൽകും ഭാവിയൊ?
എന്തായാലും അതെനിക്ക് അനുഭവിച്ചു അറിയണം.
മാലാഖമാരോ മീനാക്ഷിമാരോ മദ്യ ചഷകവുമായി വന്നില്ല,
പാട്ടും കുളിർകാറ്റും തലോടലും ഒന്നും ഉണ്ടായില്ലാ ....
പിറ്റേന്ന് സുഖമായി ഉണർന്നു, അത്ഭുതത്തോടെ ചിന്തിച്ചു,
"ഉറക്കത്തിന്റെ സുഖം, മറ്റെല്ലാം പോലെ, ഉണർച്ചയിലേ അറിയൂ".