പിച്ചകപ്പൂക്കൾ നിറഞ്ഞ കിനാവുകളിൽ
ദുരിതമാറാപ്പുകൾ തിണർത്ത കൈകളിൽ
കാണാതെ പോയൊരു
മൈലഞ്ചിച്ചുവപ്പ്..
സ്ത്രീധനത്തിന്റെ തീരാത്ത കണക്കുകളിൽ
സ്വർണ്ണത്തിന്റെ കുറഞ്ഞു പോയ തൂക്കങ്ങളിൽ
കേൾക്കാതെ പോയ
ഹൃദയത്തുടിപ്പ്..
അഴിയാത്ത കുരുക്കിലെ അവസാനശ്വാസത്തിൽ
തിരിച്ചറിയപ്പെട്ടിരുന്നെങ്കിൽ എന്ന് കൊതിച്ച
അറിയാതെ പോയ
പാവം പെൺമനസ്സ്.
[മാർച്ച് 8.. അന്താരാഷ്ട്ര വനിതാ ദിനത്തിൽ എല്ലാ സഹോദരിമാർക്കും..]