ഡാളസ് : ലോകമെങ്ങും നാളെ (വ്യാഴം ) പെസഹാ ആചരിക്കുമ്പോള് ഡാളസിലെ ഇര്വിംഗ് സെന്റ് തോമസ് ക്നനായ യാക്കോബായ പള്ളിയില് (727 Metker St, Irving, Tx 75062) വൈകിട്ട് 4.30 ന് മലങ്കര സുറിയാനി യാക്കോബായ സഭയുടെ ഇടുക്കി ഭദ്രാസന മെത്രാപ്പോലിത്തായും, പ്രമുഖ ധ്യാനഗുരുവും ആയ ബിഷപ് സഖറിയാസ് മോര് ഫിലിക്സിനോസ് മെത്രാപ്പോലിത്താ പന്ത്രണ്ട് വൈദീകരുടെ കാല്പാദം കഴുകി കാല്കഴുകല് ശുശ്രൂഷക്ക് നേതൃത്വം നല്കുന്നു.
യേശു തന്റെ ശിഷ്യന്മാരുടെ പാദങ്ങള് കഴുകിയതിനെ അനുസ്മരിച്ചു കൊണ്ട് എളിമയുടെയും, സ്നേഹത്തിന്റെയും, സേവനത്തിന്റെയും പ്രാധാന്യം വ്യക്തമാക്കുന്നതാണ് ഈ ശുശ്രൂഷ കൊണ്ട് ലക്ഷ്യമാക്കുന്നത്. കൂടാതെ ക്രിസ്ത്യാനികള്ക്ക് അവരുടെ വിശ്വാസത്തിന്റെ മൂല്യങ്ങള് ഉള്കൊള്ളുവാനും യേശുവിന്റെ കാല്ച്ചുവടുകള് പിന്തുടരാനുമുള്ള ഒരു ആഹ്വാനവും കൂടിയാണ് ഈ ചടങ്ങ്.
ഒരു മെത്രാപ്പോലീത്തായുടെ നേതൃത്വത്തില് പന്ത്രണ്ട് വൈദീകരുടെ കാല്പാദം കഴുകുന്ന ശുശ്രൂഷ വളരെ അപൂര്വ്വമായിട്ടാണ് ഡാളസില് നടത്തപ്പെടുന്നത്. ഈ ശുശ്രൂഷയില് പങ്കാളികള് ആകുവാന് എല്ലാ വിശ്വാസികളെയും ക്ഷണിക്കുന്നതായി ഇടവക വികാരി വെരി. റവ.മൂഴിയില് ചെറിയാന് കോര് എപ്പിസ്കോപ്പ അറിയിച്ചു.