ആറ്റുകാലമ്മയ്ക്ക്, പതിനെട്ടുവര്ഷം പൊങ്കാലയിട്ട അമേരിക്കയിലെ ഡോ.ഡയാന
ജനറ്റ്, ആറ്റുകാല് ദേവീക്ഷേത്രത്തെക്കുറിച്ച് തയ്യാറാക്കിയ 590
പേജുകളുള്ള ഗവേഷണഗ്രന്ഥം ദേവസ്വം മന്ത്രി വി.എസ്. ശിവകുമാര് പ്രകാശനം
ചെയ്തു. മുഖ്യമന്ത്രിയുടെ പൊളിറ്റിക്കല് സെക്രട്ടറി കെ.എസ്.
വാസുദേവശര്മ്മ ആദ്യപ്രതി ഏറ്റുവാങ്ങി. സാംസ്കാരിക വകുപ്പിന്റെ,
തൃപ്പൂണിത്തുറ സെന്റര് ഫോര് ഹെറിട്ടേജ് സ്റ്റഡീസ് ആണ് പ്രസാധകര്.
ലോകത്തില് ഏറ്റവും കൂടുതല് സ്ത്രീകള് ഒത്തുകൂടുന്ന ആറ്റുകാല് പൊങ്കാല
മഹോത്സവത്തിനും എല്ലാ ഭക്തജനങ്ങള്ക്കും മന്ത്രി വി.എസ്. ശിവകുമാര്
ആശംസകള് നേര്ന്നു.
പി.ആര് ചേംബറില് ചേര്ന്ന ചടങ്ങില്, ഡോ. ഡയാന
ജെനറ്റ്, സെന്റര് ഫോര് ഹെറിട്ടേജ് സ്റ്റഡീസിന്റെ ഡയറക്ടര് ജനറല് ഡോ.
ടി.പി. ശങ്കരന്കുട്ടി നായര്, ഡീന് പ്രൊഫ. രമാ രാജന്, ഡോ. ടി.പി.എസ്.
നായര് എന്നിവര് പ്രസംഗിച്ചു.