ഒരു ദിവസത്തെ ഷൂട്ടിംഗ് ബക്കിയാക്കി ഹിന്ദി ട്രാഫിക്ക്; സ്വപ്നം മാത്രമായ് മോട്ടോര്‍ സൈക്കിള്‍ ഡയറീസ്
(ജയമോഹനന് എം) Published on 28 February, 2016
മിലി എന്ന സിനിമയുടെ ഷൂട്ടിംഗ് എറണാകുളത്ത് നടക്കുമ്പോഴാണ് രാജേഷ് പിള്ളയെ
അവസാനമായി കാണുന്നത്. ഒരു സംവിധായകന്റെ, അതും ഒരു ഹിറ്റ് സംവിധായകന്റെ
സ്ഥിരം ജാഡകള്‍ ഒന്നുമില്ലാത്ത ഒരു സാധാരണക്കാരന്‍. ട്രാഫിക്കിന് ശേഷം
മോട്ടോര്‍ സൈക്കിള്‍ ഡയറീസ് എന്ന ബിഗ് ബജറ്റ് ചിത്രം അനൗണ്‍സ് ചെയ്തിരുന്നു
രാജേഷ് പിള്ള. അതിന്റെ അണിയറ പ്രവര്‍ത്തനങ്ങളിലായിക്കും രാജേഷ് എന്ന്
കരുതിയിരിക്കുമ്പോഴാണ് മിലിയുടെ ഷൂട്ടിംഗ് ആരംഭിച്ചത്. എന്തുകൊണ്ട്
ട്രാഫിക്കിന് ശേഷം നീണ്ട ഒരു ഇടവേള എന്നായിരുന്നു രാജേഷിനോട് ആദ്യം
ചോദിച്ചത്. അപ്പോഴാണ് ഒരു സൂപ്പര്‍ഹിറ്റ് സിനിമ, അതും മലയാള സിനിമയുടെ ഗതി
തിരിച്ചു വിട്ട പരീക്ഷണ സിനിമ ചെയ്ത രാജേഷ് പിള്ള എന്ന സംവിധായകന്‍ പിന്നീടും
അനുഭവിച്ച ദുരിതങ്ങളുടെ കഥ കേട്ടത്.
""ഇനിയും ഒരു ദിവസത്തെ ഷൂട്ടിംഗ് കൂടി ബാക്കിയുണ്ട് സുഹൃത്തേ ട്രാഫിക്ക് ഹിന്ദിയില്‍ പൂര്‍ത്തിയാവാന്‍. അങ്ങനെയാണ് രാജേഷ് പിള്ള പറഞ്ഞത്. അവിടെ ഞാന്‍ അനുഭവിച്ച കഷ്ടപ്പാടുകള്‍ക്ക് കണക്കില്ല. പക്ഷെ എന്തു വന്നാലും ഞാന്‍ ട്രാഫിക്ക് ബോളിവുഡില്‍ പൂര്‍ത്തിയാക്കും. അതെന്റെ വാശിയാണ്. മിലിക്ക് ശേഷം ട്രാഫിക്ക് ഹിന്ദിയില്‍ പൂര്‍ത്തിയാക്കുക എന്നതാണ് എന്റെ ലക്ഷ്യം''... - പക്ഷെ ലക്ഷ്യം പൂര്‍ത്തികരിക്കാന്‍ കഴിയാതെ രാജേഷ് സിനിമയെ വിട്ടു പോയി. ഒരു ദിവസത്തെ ഷൂട്ടിംഗ് ബാക്കിയാക്കി ട്രാഫിക്ക് ഹിന്ദിയില്‍ ഇപ്പോഴും എഡിറ്റിംഗ് ടേബിളില്‍ പോലുമെത്താതെ നില്‍ക്കുന്നു.
മലയാളത്തില്‍ സൂപ്പര്‍ഹിറ്റൊരുക്കി വലിയൊരു അവസരം തേടി ഹിന്ദിയിലേക്ക് പോയ രാജേഷ് പിള്ളയെ കാത്തിരുന്നത് വര്‍ഷങ്ങള്‍ക്ക് മുമ്പ് ഹിന്ദിയിലേക്ക് പോയ സംവിധായകന്‍ കമലിന്റെ അതേ അവസ്ഥകളായിരുന്നു. മഴയെത്തും മുമ്പേ എന്ന സിനിമയുടെ റീമേക്കുമായി ഹിന്ദിയിലെത്തിയ കമലിന് നിര്‍മ്മാതാക്കളുടെ ഭാഗത്തു നിന്നും നേരിട്ട തിരിച്ചടികള്‍ കാരണം സിനിമ പൂര്‍ത്തിയാക്കാന്‍ കഴിയാതെ തിരിച്ചു വരേണ്ടി വന്നു.
ഇങ്ങനെയല്ലെങ്കിലും രാജേഷിനും ബോളിവുഡില്‍ വലിയ പ്രതിസന്ധികളാണ് കാത്തിരുന്നത്. സിനിമയോടുള്ള സ്‌നേഹവും കരുത്തും കൊണ്ടാണ് രാജേഷ് ട്രാഫിക്കിന്റെ ഹിന്ദി റീമേക്ക് മുമ്പോട്ടു കൊണ്ടുപോയത്. പക്ഷെ എന്നിട്ടും യാത്രയുടെ അവസാന ലാപ്പിന് മുമ്പേ അവസാനിപ്പിക്കേണ്ടി വന്നു.
പക്ഷെ ഒരു കാര്യം ഉറപ്പാണ്. ആ ഒരു ദിവസത്തെ ഷൂട്ടിംഗ് പൂര്‍ത്തിയാക്കി ട്രാഫിക്ക് ഹിന്ദിയില്‍ പുറത്തിറങ്ങിയാല്‍ അത് ബോളിവുഡ് ഇന്‍ഡസ്ട്രിയിലും പുതിയ കാഴ്ചപ്പാടുകള്‍ സൃഷ്ടിക്കും. അതിനുള്ള കഴിവ് തീര്‍ച്ചയായും രാജേഷ് പിള്ളയ്ക്കുണ്ടായിരുന്നു. ആ പ്രതിഭയുടെ കൈയ്യൊപ്പ് തീര്‍ച്ചയായും ചിത്രത്തിലുമുണ്ടാകും.
കൂടികാഴ്ചയില്‍ മിലിയെക്കുറിച്ച് രാജേഷ് പറഞ്ഞത് ഇപ്പോഴുമോര്‍ക്കുന്നു. എല്ലാവരുടെയും ഉള്ളില്‍ ഏറ്റക്കുറച്ചിലുകളോടെ ഒരു അന്തര്‍മുഖ കഥാപാത്രം ഉണ്ടാവും. ഏറിയ അളവില്‍ അന്തര്‍മുഖമായ സ്വഭാവം പേറുന്നവളാണ് മിലി. അവളുടെ തിരിച്ചു വരവിന്റെ കഥയാണ് മിലി. ഇനി ആരാണ് മിലി എന്ന് ചോദിച്ചപ്പോള്‍. മിലി അവളല്ല, മറിച്ച് അവനാണ് എന്നായിരുന്നു രാജേഷിന്റെ മറുപടി.
അവന്‍ എന്ന് വെച്ചാല്‍ രാജേഷ് പിള്ള തന്നെ. അതെ ഏറെ അന്തര്‍മുഖനായിരുന്ന എല്ലാവരോടും തീര്‍ത്തും ബഹുമാനത്തോടെ ഇടപെട്ടിരുന്ന ഒരു പാവത്താനായിരുന്നു രാജേഷ് പിള്ള. അതുകൊണ്ടു തന്നെയാവണം മിലി എന്ന സിനിമ തിരഞ്ഞെടുക്കാനും രാജേഷ് തീരുമാനിച്ചത്.
എന്നാല്‍ മിലിയും അവസാന ചിത്രമായ വേട്ടയുമൊന്നുമായിരുന്നില്ല രാജേഷ് പിള്ളയുടെ യഥാര്‍ഥ സ്വപ്നം. അത് മോട്ടോര്‍ സൈക്കിള്‍ ഡയറീസ് എന്ന ചിത്രമായിരുന്നു. ഒരു പക്ഷെ മലയാള സിനിമയെ ഇന്റര്‍നാഷണല്‍ ലെവലില്‍ എത്തിക്കാന്‍ കഴിയുമായിരുന്ന ചിത്രം. ഏതൊരു യുവാവിന്റെയും പാഷനായ ബുള്ളറ്റായിരുന്നു ചിത്രത്തിലെ പ്രധാന കഥാപാത്രം. മൂന്ന് കാലഘട്ടങ്ങളില്‍ ഈ ബുള്ളറ്റ് മൂന്ന് പേരുടെ കൈകളിലാണ്. അങ്ങനെ മൂന്ന് കാലഘട്ടത്തില്‍ ഉശിരും ചെറുപ്പവും പ്രതിഷേധവും വിപ്ലവവും ചോരയും കണ്ണീരും പ്രണയവുമെല്ലാം കണ്ടു പോകുന്ന ബുള്ളറ്റിന്റെ കഥയാണ് മോട്ടോര്‍ സൈക്കിള്‍ ഡയറീസ്. കുഞ്ചാക്കോ ബോബനും നിവിന്‍ പോളിയുമൊക്കെയായിരുന്നു അഭിനേതാക്കളായി രാജേഷ് പിള്ള കണ്ടിരുന്നത്. സ്വന്തമായി രാജേഷ് പിള്ള തയാറാക്കാന്‍ ഒരുങ്ങിയ തിരക്കഥയും ഇതു തന്നെയായിരുന്നു. ചിത്രത്തിന്റെ ഒഫിഷ്യല്‍ അനൗണ്‍സ്‌മെന്റ് രാജേഷ് കൊച്ചിയില്‍ നടത്തിയിരുന്നുവെങ്കിലും ചിത്രം നീണ്ടു പോയി. വലിയ ബജറ്റും നിരവധി ലൊക്കേഷനുകളും ആവശ്യമായ ചിത്രത്തിന്റെ നിര്‍മ്മാണം ഹിമാലയന്‍ ടാസ്ക് തന്നെയായിരുന്നു. ഒരു സംവിധായകനെ സംബന്ധിച്ചിടത്തോളും വലിയൊരു വെല്ലുവിളി. എന്നാല്‍ ഏത് പ്രതിസന്ധിയെയും അതിജീവിച്ച് മോട്ടോര്‍ സൈക്കിള്‍ ഡയറീസ് താന്‍ സാക്ഷാത്കരിക്കും എന്ന് രാജേഷ് ധീരമായി പറഞ്ഞു. മോട്ടോര്‍ സൈക്കിള്‍ ഡയറീസ് തന്നെയാണ് തന്റെ ഡ്രീം പ്രോജക്ട് എന്ന് പല ആവര്‍ത്തി കുടികാഴ്ചയില്‍ രാജേഷ് പറഞ്ഞു.
പക്ഷെ സ്വപ്നം ബാക്കിയാക്കി രാജേഷ് പിള്ള എന്ന പ്രതിഭ സിനിമയെ വിട്ടു പോയിരിക്കുന്നു. രാജേഷിന്റെ സ്വപ്നം ഇനി ആരാണ് പൂര്‍ത്തിയാക്കുക. കുറഞ്ഞ പക്ഷം ട്രാഫിക്കിന്റെ ഹിന്ദിയെങ്കിലും പുറത്തിറങ്ങിയെങ്കില്‍ എന്ന് ആഗ്രഹിച്ചു പോകുകയാണ്. അനന്തതയിലിരുന്ന് രാജേഷിന്റെ ആത്മാവിന് ട്രാഫിക്ക് ഹിന്ദി സംസാരിക്കുന്നത് കാണാന്‍ കഴിഞ്ഞെങ്കില്‍ ഇന്ന് പ്രതീക്ഷിച്ചു പോകുകയാണ്. അങ്ങനെയെങ്കില്‍ മണ്‍മറഞ്ഞ് പോയെങ്കിലും തിയറ്ററില്‍ കൈയ്യടികള്‍ സൃഷ്ടിക്കുവാനുള്ള അപൂര്‍വ്വ ഭാഗ്യം രാജേഷിന് കൈവരും, ഒരു മരണാനന്തര ബഹുമതി എന്ന പോലെ. സിനിമ എന്ന മാധ്യമത്തിന് സത്യമുണ്ടെങ്കില്‍ തീര്‍ച്ചയായും അത് സംഭവിക്കുക തന്നെ ചെയ്യും.
""ഇനിയും ഒരു ദിവസത്തെ ഷൂട്ടിംഗ് കൂടി ബാക്കിയുണ്ട് സുഹൃത്തേ ട്രാഫിക്ക് ഹിന്ദിയില്‍ പൂര്‍ത്തിയാവാന്‍. അങ്ങനെയാണ് രാജേഷ് പിള്ള പറഞ്ഞത്. അവിടെ ഞാന്‍ അനുഭവിച്ച കഷ്ടപ്പാടുകള്‍ക്ക് കണക്കില്ല. പക്ഷെ എന്തു വന്നാലും ഞാന്‍ ട്രാഫിക്ക് ബോളിവുഡില്‍ പൂര്‍ത്തിയാക്കും. അതെന്റെ വാശിയാണ്. മിലിക്ക് ശേഷം ട്രാഫിക്ക് ഹിന്ദിയില്‍ പൂര്‍ത്തിയാക്കുക എന്നതാണ് എന്റെ ലക്ഷ്യം''... - പക്ഷെ ലക്ഷ്യം പൂര്‍ത്തികരിക്കാന്‍ കഴിയാതെ രാജേഷ് സിനിമയെ വിട്ടു പോയി. ഒരു ദിവസത്തെ ഷൂട്ടിംഗ് ബാക്കിയാക്കി ട്രാഫിക്ക് ഹിന്ദിയില്‍ ഇപ്പോഴും എഡിറ്റിംഗ് ടേബിളില്‍ പോലുമെത്താതെ നില്‍ക്കുന്നു.
മലയാളത്തില്‍ സൂപ്പര്‍ഹിറ്റൊരുക്കി വലിയൊരു അവസരം തേടി ഹിന്ദിയിലേക്ക് പോയ രാജേഷ് പിള്ളയെ കാത്തിരുന്നത് വര്‍ഷങ്ങള്‍ക്ക് മുമ്പ് ഹിന്ദിയിലേക്ക് പോയ സംവിധായകന്‍ കമലിന്റെ അതേ അവസ്ഥകളായിരുന്നു. മഴയെത്തും മുമ്പേ എന്ന സിനിമയുടെ റീമേക്കുമായി ഹിന്ദിയിലെത്തിയ കമലിന് നിര്‍മ്മാതാക്കളുടെ ഭാഗത്തു നിന്നും നേരിട്ട തിരിച്ചടികള്‍ കാരണം സിനിമ പൂര്‍ത്തിയാക്കാന്‍ കഴിയാതെ തിരിച്ചു വരേണ്ടി വന്നു.
ഇങ്ങനെയല്ലെങ്കിലും രാജേഷിനും ബോളിവുഡില്‍ വലിയ പ്രതിസന്ധികളാണ് കാത്തിരുന്നത്. സിനിമയോടുള്ള സ്‌നേഹവും കരുത്തും കൊണ്ടാണ് രാജേഷ് ട്രാഫിക്കിന്റെ ഹിന്ദി റീമേക്ക് മുമ്പോട്ടു കൊണ്ടുപോയത്. പക്ഷെ എന്നിട്ടും യാത്രയുടെ അവസാന ലാപ്പിന് മുമ്പേ അവസാനിപ്പിക്കേണ്ടി വന്നു.
പക്ഷെ ഒരു കാര്യം ഉറപ്പാണ്. ആ ഒരു ദിവസത്തെ ഷൂട്ടിംഗ് പൂര്‍ത്തിയാക്കി ട്രാഫിക്ക് ഹിന്ദിയില്‍ പുറത്തിറങ്ങിയാല്‍ അത് ബോളിവുഡ് ഇന്‍ഡസ്ട്രിയിലും പുതിയ കാഴ്ചപ്പാടുകള്‍ സൃഷ്ടിക്കും. അതിനുള്ള കഴിവ് തീര്‍ച്ചയായും രാജേഷ് പിള്ളയ്ക്കുണ്ടായിരുന്നു. ആ പ്രതിഭയുടെ കൈയ്യൊപ്പ് തീര്‍ച്ചയായും ചിത്രത്തിലുമുണ്ടാകും.
കൂടികാഴ്ചയില്‍ മിലിയെക്കുറിച്ച് രാജേഷ് പറഞ്ഞത് ഇപ്പോഴുമോര്‍ക്കുന്നു. എല്ലാവരുടെയും ഉള്ളില്‍ ഏറ്റക്കുറച്ചിലുകളോടെ ഒരു അന്തര്‍മുഖ കഥാപാത്രം ഉണ്ടാവും. ഏറിയ അളവില്‍ അന്തര്‍മുഖമായ സ്വഭാവം പേറുന്നവളാണ് മിലി. അവളുടെ തിരിച്ചു വരവിന്റെ കഥയാണ് മിലി. ഇനി ആരാണ് മിലി എന്ന് ചോദിച്ചപ്പോള്‍. മിലി അവളല്ല, മറിച്ച് അവനാണ് എന്നായിരുന്നു രാജേഷിന്റെ മറുപടി.
അവന്‍ എന്ന് വെച്ചാല്‍ രാജേഷ് പിള്ള തന്നെ. അതെ ഏറെ അന്തര്‍മുഖനായിരുന്ന എല്ലാവരോടും തീര്‍ത്തും ബഹുമാനത്തോടെ ഇടപെട്ടിരുന്ന ഒരു പാവത്താനായിരുന്നു രാജേഷ് പിള്ള. അതുകൊണ്ടു തന്നെയാവണം മിലി എന്ന സിനിമ തിരഞ്ഞെടുക്കാനും രാജേഷ് തീരുമാനിച്ചത്.
എന്നാല്‍ മിലിയും അവസാന ചിത്രമായ വേട്ടയുമൊന്നുമായിരുന്നില്ല രാജേഷ് പിള്ളയുടെ യഥാര്‍ഥ സ്വപ്നം. അത് മോട്ടോര്‍ സൈക്കിള്‍ ഡയറീസ് എന്ന ചിത്രമായിരുന്നു. ഒരു പക്ഷെ മലയാള സിനിമയെ ഇന്റര്‍നാഷണല്‍ ലെവലില്‍ എത്തിക്കാന്‍ കഴിയുമായിരുന്ന ചിത്രം. ഏതൊരു യുവാവിന്റെയും പാഷനായ ബുള്ളറ്റായിരുന്നു ചിത്രത്തിലെ പ്രധാന കഥാപാത്രം. മൂന്ന് കാലഘട്ടങ്ങളില്‍ ഈ ബുള്ളറ്റ് മൂന്ന് പേരുടെ കൈകളിലാണ്. അങ്ങനെ മൂന്ന് കാലഘട്ടത്തില്‍ ഉശിരും ചെറുപ്പവും പ്രതിഷേധവും വിപ്ലവവും ചോരയും കണ്ണീരും പ്രണയവുമെല്ലാം കണ്ടു പോകുന്ന ബുള്ളറ്റിന്റെ കഥയാണ് മോട്ടോര്‍ സൈക്കിള്‍ ഡയറീസ്. കുഞ്ചാക്കോ ബോബനും നിവിന്‍ പോളിയുമൊക്കെയായിരുന്നു അഭിനേതാക്കളായി രാജേഷ് പിള്ള കണ്ടിരുന്നത്. സ്വന്തമായി രാജേഷ് പിള്ള തയാറാക്കാന്‍ ഒരുങ്ങിയ തിരക്കഥയും ഇതു തന്നെയായിരുന്നു. ചിത്രത്തിന്റെ ഒഫിഷ്യല്‍ അനൗണ്‍സ്‌മെന്റ് രാജേഷ് കൊച്ചിയില്‍ നടത്തിയിരുന്നുവെങ്കിലും ചിത്രം നീണ്ടു പോയി. വലിയ ബജറ്റും നിരവധി ലൊക്കേഷനുകളും ആവശ്യമായ ചിത്രത്തിന്റെ നിര്‍മ്മാണം ഹിമാലയന്‍ ടാസ്ക് തന്നെയായിരുന്നു. ഒരു സംവിധായകനെ സംബന്ധിച്ചിടത്തോളും വലിയൊരു വെല്ലുവിളി. എന്നാല്‍ ഏത് പ്രതിസന്ധിയെയും അതിജീവിച്ച് മോട്ടോര്‍ സൈക്കിള്‍ ഡയറീസ് താന്‍ സാക്ഷാത്കരിക്കും എന്ന് രാജേഷ് ധീരമായി പറഞ്ഞു. മോട്ടോര്‍ സൈക്കിള്‍ ഡയറീസ് തന്നെയാണ് തന്റെ ഡ്രീം പ്രോജക്ട് എന്ന് പല ആവര്‍ത്തി കുടികാഴ്ചയില്‍ രാജേഷ് പറഞ്ഞു.
പക്ഷെ സ്വപ്നം ബാക്കിയാക്കി രാജേഷ് പിള്ള എന്ന പ്രതിഭ സിനിമയെ വിട്ടു പോയിരിക്കുന്നു. രാജേഷിന്റെ സ്വപ്നം ഇനി ആരാണ് പൂര്‍ത്തിയാക്കുക. കുറഞ്ഞ പക്ഷം ട്രാഫിക്കിന്റെ ഹിന്ദിയെങ്കിലും പുറത്തിറങ്ങിയെങ്കില്‍ എന്ന് ആഗ്രഹിച്ചു പോകുകയാണ്. അനന്തതയിലിരുന്ന് രാജേഷിന്റെ ആത്മാവിന് ട്രാഫിക്ക് ഹിന്ദി സംസാരിക്കുന്നത് കാണാന്‍ കഴിഞ്ഞെങ്കില്‍ ഇന്ന് പ്രതീക്ഷിച്ചു പോകുകയാണ്. അങ്ങനെയെങ്കില്‍ മണ്‍മറഞ്ഞ് പോയെങ്കിലും തിയറ്ററില്‍ കൈയ്യടികള്‍ സൃഷ്ടിക്കുവാനുള്ള അപൂര്‍വ്വ ഭാഗ്യം രാജേഷിന് കൈവരും, ഒരു മരണാനന്തര ബഹുമതി എന്ന പോലെ. സിനിമ എന്ന മാധ്യമത്തിന് സത്യമുണ്ടെങ്കില്‍ തീര്‍ച്ചയായും അത് സംഭവിക്കുക തന്നെ ചെയ്യും.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala