കലാഭവന് മണിയുടെ മരണത്തില് ദുരൂഹതയേറുകയാണിപ്പോള്. മണിയുടെ മരണം
കരള് രോഗം മൂലമാണെന്നായിരുന്നു പൊതുവെ കരുതപ്പെട്ടത്. എന്നാല് മരണത്തെ
സംബന്ധിച്ച് ചില അഭ്യൂഹങ്ങളും ദുരൂഹതകളും അന്ന് മുതല് തന്നെ
നിലനിന്നിരുന്നു. പക്ഷെ മണിക്ക് ഏറെക്കാലമായി കരള് രോഗമുണ്ടായിരുന്നു
എന്നതിനാല് മരണകാരണം ആരോഗ്യ്രപശ്നം തന്നെയാണെന്നായിരുന്നു
വിലയിരുത്തല്. മണിയെ അറിയുന്ന സുഹൃത്തക്കളും സിനിമാ പ്രവര്ത്തകരുമെല്ലാം
മണിയുടെ കരള് രോഗത്തെക്കുറിച്ച് പറഞ്ഞിരുന്നു. മോഹന്ലാലിന്റെ
ഓര്മ്മക്കുറിപ്പില് പോലും മണിയുടെ കരള് രോഗത്തെ സംബന്ധിച്ച്
പരാമര്ശിച്ചിരുന്നു. കരള് രോഗത്തില് നിന്നും രക്ഷപെടാനുള്ള വഴികള്
തങ്ങള് ചര്ച്ച ചെയ്തിരുന്നു എന്നായിരുന്നു ലാല് പരാമര്ശിച്ചത്.
എന്നാലിപ്പോള് സിപിഎം സംസ്ഥാന സെക്രട്ടറി കൊടിയേരി ബാലകൃഷ്ണന്,
മണിയുടെ ഭാര്യ നിമ്മി, സഹോദരന് രാമകൃഷ്ണന് എന്നിവര് ശക്തമായി തന്നെ
മരണത്തിന് പിന്നില് ദുരൂഹതയുണ്ടെന്നും അത് അന്വേഷണത്തിലൂടെ
പരിഹരിക്കണമെന്നും പറയുന്നു. ഏറ്റവും ശക്തമായ വാദഗതികള്
ഉയര്ത്തിയിരിക്കുന്നത് സഹോദരന് രാമകൃഷ്ണനാണ്. മണിയെ തകര്ത്തത്
അദ്ദേഹത്തിന്റെ സുഹൃത്തുക്കള് തന്നെയാണെന്ന് രാമകൃഷ്ണന് പറയുന്നു.
ചാലക്കുടിയിലെ പാഡി എന്ന ഔട്ട് ഹൗസില് മിക്കപ്പോഴും സുഹൃത്തുക്കളുമായി
സല്ക്കാരങ്ങളില് ഏര്പ്പെട്ടിരുന്ന മണി അവിടെ വെച്ച് ഒരുപാട്
വഴിതെറ്റിപ്പോയി എന്നാണ് സഹോദരന്റെ ആരോപണം. പലപ്പോഴും ലക്ഷങ്ങളുമായി
ഔട്ട്ഹൗസില് എത്തിയിരുന്ന മണിയെ മദ്യപിച്ച് അബോധാവസ്ഥയിലാക്കി പണം
തട്ടിയിരുന്നുവെന്ന് വരെ പറയപ്പെടുന്നു. സിനിമയില് നിന്നും മണിയെ
അകറ്റിയതും ഈ സുഹൃത്തുക്കളാണെന്നും പോഗ്രാമുകള് സംഘടിപ്പിച്ച് കാശ്
തട്ടുകയായിരുന്നു സുഹൃത്തുക്കളുടെ പരിപാടിയുമെന്നാണ് ആരോപണം.
ഈ ആരോപണം ഏറെക്കുറെ ശരിയാണെന്നാണ് ഇപ്പോള് മണിയുടെ സിനിമാ
സുഹൃത്തുക്കളും പറയുന്നത്. സിനിമയില് നിന്നും മണിയെ അകറ്റിയത്
സുഹൃത്തുക്കളാണെന്നും മണിയെ ഫോണ് വിളിച്ചാല്പ്പോലും കിട്ടാത്ത
അവസ്ഥയിലാക്കിയതും ഈ സുഹൃത്തുക്കളാണെന്നും പറയപ്പെടുന്നു. ഈയൊരു
സാഹചര്യത്തില് ചില നിര്മ്മാതാക്കള് മണിയെക്കുറിച്ച് പരാതിയും
പറഞ്ഞിരുന്നു. ലൊക്കേഷനില് സമയത്ത് എത്താതിരിക്കുക തുടങ്ങിയുള്ള
പ്രശ്നങ്ങളുടെ പിന്നിലും സുഹൃത്തുക്കള് തന്നെയായിരുന്നു. ഇതിന്റെ ഫലം
നല്ല സിനിമകളില് നിന്നും മണി ഒഴിവാക്കപ്പെട്ടു എന്നതായിരുന്നു.
സിനിമയില് മണിയുടെ കരിയര് സമീപകാലത്ത് പൂര്ണ്ണമായും തകര്ന്നു
എന്നു തന്നെ പറയാം. മലയാളത്തില് ആമേന് ശേഷം നല്ലൊരു സിനിമയിലേക്ക് മണി
എത്തിയിട്ടില്ല. പക്ഷെ സ്റ്റേജ് പോഗ്രാമുകളുമായി മണി എപ്പോഴും തിരക്കില്
തന്നെയായിരുന്നു. ഈ രീതിയിലേക്കുള്ള മാറ്റമാണ് മണിയെ മൊത്തത്തില്
തകര്ത്തത് എന്നും പറഞ്ഞു കേള്ക്കുന്നു.
മരിക്കുന്നതിന് ഒരുമാസം
മുമ്പു മുതല് മണി കാര്യമായി മദ്യപിച്ചിരുന്നു എന്നും പറയപ്പെടുന്നു.
മിക്കപ്പോഴും പാഡിയിലുണ്ടാകുമായിരുന്നു മണിയെന്നാണ് അറിയുന്നത്. മരണ
ശേഷം മണിയുടെ കുടുംബ ബന്ധത്തില് പ്രശ്നങ്ങളുണ്ടായിരുന്നു എന്ന് വരുത്തി
തീര്ക്കാന് നടന്ന ശ്രമവും സംശയാസ്പദമാണ്. ഇങ്ങനെയൊരു പ്രശ്നം ഇല്ലാ
എന്നിരിക്കെ എന്തിനാണ് ചിലര് പൊതുജന ശ്രദ്ധ കുടുംബത്തിലേക്ക് തിരിച്ചു
വിടാന് ശ്രമിച്ചതെന്നതും ശ്രദ്ധേമാണ്.
എന്തായാലും മണിയുടെ
മരണകാരണം മദ്യമല്ല കീടനാശിനിയും ഉള്ളില് ചെന്നിരുന്നു എന്ന് ഫോറന്സിക്
റിപ്പോര്ട്ട് വന്നതോടെ കാര്യങ്ങള് കൂടുതല് ദുരൂഹമായിരിക്കുകയാണ്.
ചാനല് പോഗ്രാമുകളില് സജീവമായ നടന് സംശയത്തിന്റെ നിഴലിലായിരുന്നു.
താന് ഇക്കാര്യത്തില് ഉത്തരവാദിയല്ല എന്ന നടന്റെ വിശദീകരണം
മാധ്യമങ്ങളിലൂണ്ട്. എന്തായാലും ആറു പേരെ പോലീസ് കസ്റ്റഡിയില് എടുത്ത്
ചോദ്യം ചെയ്യുന്നു എന്നത് തന്നെ മണിയുടെ മരണത്തിന് പിന്നിലെ ദുരൂഹത
വര്ദ്ധിപ്പിക്കുന്നതാണ്. മരണകാരണം കീടനാശിനി ഉള്ളില് ചെന്നത്
തന്നെയെന്ന് വന്നാല് മണിയെ ഹോസ്പിറ്റലിലേക്ക് എത്തിച്ചതിനു ശേഷം പാഡി
ഔട്ട്ഹൗസ് പൊടുന്നനെ വൃത്തിയാക്കിയത് എന്തിന് എന്ന പോലീസിന്റെ പ്രധാന സംശയം
വീണ്ടും ബലപ്പെടുക തന്നെ ചെയ്യും. ഔട്ട് ഹൗസില് ചാരായം എത്തിയിരുന്നു എന്നതും
തീര്ച്ചയായും ദുരൂഹത വരുത്തുന്ന കാര്യം തന്നെ. ബിയര് മാത്രം കഴിച്ചിരുന്ന
മണിയെ ആരെങ്കിലും നിര്ബന്ധിപ്പിച്ച് ചാരായം കഴിപ്പിച്ചിരുന്നോ എന്നതാണ്
പലരും മുമ്പോട്ടു വെക്കുന്ന സംശയം.
എന്തായാലും ആഭ്യന്തര മന്ത്രി തന്നെ
നേരിട്ട് ഇടപെട്ട് അന്വേഷണം ശക്തമാക്കിയിരിക്കുന്ന സാഹചര്യത്തില്
മണിയുടെ മരണത്തിന് പിന്നിലെ ദുരൂഹതകള് വേഗം പരിഹരിക്കാന് കേരളാ
പോലീസിന് കഴിയുമെന്ന് പ്രതീക്ഷിക്കാം.