ഒന്നാലോചിച്ചു നോക്കൂ കുറഞ്ഞതു പത്തു ദിവസമെങ്കിലും 100 സെനറ്റര്മാരെ ഒരു വാക്കു പോലും ഉരിയാടുന്നതിന് അനുവാദിക്കാത് ഒരു മുറിയില് പിടിച്ചിടുക, ഇതില് കൂടുതല് ശിക്ഷ എന്താണ്? ഒരു രാഷ്ട്രീയക്കാരന്റ്റെ വായ മൂടിക്കെട്ടുക. ആര്ക്കു സാധിക്കും ഇത്?
അതേസമയം ട്രമ്പ് ഒരു കൂസലും കൂടാതെ ഇമ്പീച്ച്മെന്റ് പുറംകാലുകൊണ്ടു തട്ടി യൂറോപ്പില് കറങ്ങി നടക്കുന്നു. ആദ്യദിനം തുടക്കം മുതല് വളരെ ശ്രദ്ധയോടെ എന്തു നടക്കുന്നു എന്നറിയുന്നതിനുള്ള ആശയില് ടെലിവിഷനു മുന്നില് ഇരുന്നു.
രണ്ടാം ദിവസം ഒരു മണിക്കൂര് കഴിഞ്ഞപ്പോള് മടുത്തു, ടി വി ഓഫാക്കി. കാരണം തലേ ദിനം കേട്ടതു തന്നെ വീണ്ടും ആവര്ത്തിക്കുന്നു. അതേ നടന്മാര് അതേസ്ക്രിപ്റ്റ്. വേഷവും അതുതന്നെ. ഇനിയും രണ്ടു നാളുകള് കൂടി ഇതേ നാടകം അരങ്ങേറിക്കൊണ്ടിരിക്കും.
ടി വി ചാനലുകള് എത്രനാള് അവരുടെ പരസ്യ വരുമാനം ഉപേക്ഷിച്ചു ഇതെല്ലാം പ്രക്ഷേപണം നടത്തും എന്നു കണ്ടറിയാം? ആദം ഷിഫ്റ്റിനെ പോലുള്ള അറു ബോറന്മാരുടെ ആവര്ത്തനസംഭാഷണം കേള്ക്കുന്നതും കയ്പ്പുനീരു കുടിച്ചു വിശപ്പടക്കുവാന് ശ്രമിക്കുന്നതും ഒരുപോലെ.
മറ്റൊരു കൂട്ടര് സെനറ്റില് അരിശം മൂത്തു ഇരിക്കുന്നുണ്ട്. അപ്പന് തല്ലിയാല് തിരികെ തല്ലാന് പറ്റുമോ? ഇവര് വരുന്ന പ്രൈമറി തിരഞ്ഞെടുപ്പുകളില് മത്സരിക്കുന്ന നാലു ഡെമോക്രാറ്റ് സെനറ്റര്മാര്. ഇവര് 24മണിക്കൂറും പ്രചാരണം നടത്തേണ്ട സമയമാണ്. വേദികള്എതിരാളികള്ക്ക് വിട്ടുകൊടുത്തിട്ട് കയ്യുംകെട്ടി മുറിയില് ഇരിക്കേണ്ടൊരവസ്ഥ.
ഒരു നാലോ അഞ്ചോ പോട്ടെ എട്ടുമണിക്കൂര് അതില് കൂടുതല് സമയം എന്തിന് ഈ ഇമ്പീച്ച് നാടകം സെനറ്റിലും നമ്മുടെ മുന്നിലും അവതരിപ്പിക്കുന്നു? ഇതെല്ലാം എത്രനാളുകളായി കേള്ക്കുന്നവ. ഒന്നും പുതുതായിട്ടില്ല.
ശനിയാഴ്ച അരങ്ങ് ട്രമ്പ് പക്ഷത്തിനു കിട്ടും. റിപ്പബ്ലിക്കന് ഭാഗത്തു നിന്നുമുള്ള അഭിനേതാക്കള് ഒട്ടുമുക്കാലും വെറും രാഷ്ട്രീയക്കാരല്ല. ആയതിനാല് ബോറടി അധികം കാണില്ല എന്നാശിക്കാം. ഇവര്ക്കും ഒരുദിനത്തില് കൂടുതല് സമയം ആവശ്യമില്ല എതിര്വാദം അവതരിപ്പിക്കുന്നതിന്.
ആരോ പറയുന്നതു കേട്ടു പല സെനറ്റര്മാരും സെനറ്റിലിരുന്ന് ഉറക്കമാണെന്ന്. അവരെ പഴിക്കുവാന് പറ്റില്ല. ഒരുനല്ല ഭാഗം എഴുപതു വയസുകഴിഞ്ഞവരാണ്. അവര്ക്ക് ഇടക്കിടക്ക് ഉറങ്ങണം എന്നാലേ ഊര്ജ്ജം കിട്ടൂ . എന്തായാലും കാത്തിരുന്നു കാണാം ഈ നാടകം എവിടെവരെ പോകുമെന്ന്.