ന്യു യോര്ക്ക്: ജോര്ജ് ഫ്ലോയ്ഡ് വധത്തില് പ്രതിഷേധിച്ചു ബ്രൂക്ക്ലിനില് പ്രകടനത്തിനിടയില് പോലീസിനു നേരെ മോളട്ടോവ് കോക്ക്ടെയില് (കുപ്പിയില് പെട്രോള് ഒഴിച്ചു നിര്മ്മിക്കുന്ന ഫയര് ബോംബ്)എറിഞ്ഞ അറ്റോര്ണിമാരെ ഫെഡറല് ചര്ജില് അറസ്റ്റ് ചെയ്തു. ഒരു ദിവസത്തിനു ശേഷം, കോടതി കര്ശന നിബന്ധനയില് രണ്ടര ലകഷം ഡോളര് ജാമ്യത്തില് ഇരുവരെയും വിട്ടയച്ചു.
സിറ്റിയില് കോര്പറേറ്റ് ലോ ഫേമില് ജോലി ചെയ്യുന്ന കോളിന്ഫോര്ഡ് മാറ്റിസ്, ഉറൂജ് രഹ്മാന് (31) എന്നിവരാണു ഫെഡറല് കുറ്റത്തിനു അറസ്റ്റിലായത്. ഉറൂജ് റഹ്മാന് ഇന്ത്യന് വംശജയാണെന്നു കരുതുന്നു.
രാത്രി ഒരു മണിക്കാണു പെട്രോള് നിറച്ച ബിയര് കുപ്പിയില് തുണിയും തിൂകി പോലീസ് കാറിനു നേര്ക്ക് എറിഞ്ഞത്. എന്നാല് അത് തീപിടിച്ചില്ല. അതോടെ വന്ന വാഹനത്തില് സ്ഥലം വിട്ട ഇരുവരെയും പോലീസ് പിന്തുടര്ന്ന് പിടി കൂടുകയയിരുന്നു. വാഹനത്തില്ഫയര് ബോംബിനുള്ള സാമഗ്രികളും കണ്ടെത്തി.
പ്രിന്സ്ടണില് പഠിച്ച മാറ്റിസ് ഈസ്റ്റ് ന്യു യോര്ക്ക് കമ്യൂണിറ്റി ബോര്ഡ് അംഗവുമാണ്.
ഫോര്ധം യൂനിവേഴ്സിറ്റിയില് നിന്നു പാസായ ഉറൂജ് റഹ്മാന്റെ ജോലി ഈയിടേ നഷ്ടപ്പെട്ടതിനെത്തുടര്ന്ന് സാമ്പത്തികമായി വിഷമത്തിലായിരുന്നുവത്രെ.
ഉന്നത വിദ്യാഭാസമുള്ള രണ്ട് യുവാക്കള് ഈ ഹീന ക്രുത്യം ചെയ്തത് പൊതുവില് ഞെട്ടലായി. ഫയര് ബോംബ് മറ്റുള്ളവര്ക്കും നല്കാന് റഹ്മാന് ശ്രമിച്ചിരുന്ന്വെന്നു കുറ്റപത്രത്തില് പറയുന്നു. ഫെഡറല് ചാര്ജില് ശിക്ഷയും കടുത്തതായിരിക്കും