ഫോമാ അഡ്വൈസറി കൗൺസിൽ ചെയർ ആയി വിജയിപ്പിക്കണെമെന്ന് ഫോമായുടെ സീനിയര് നേതാവായ പോള് സി. മത്തായി അഭ്യർത്ഥിക്കുന്നു.
സൗത്ത് ജെഴ്സി അസോസിയേഷന് ഓഫ് കേരളൈറ്റ്സ് എൻഡോഴ്സ് ചെയ്തിട്ടുള്ള അദ്ദേഹത്തെ മിഡ് അറ്റലാന്റിക് റീജിയനും പിന്തുണക്കുന്നു.
എല്ലാ കാലത്തും സംഘടയോടൊപ്പം നിന്ന നേതാവാണ്. വിജയവും പരാജയവും ഒരു പോലെ കാണുന്ന വ്യക്തി
അമേരിക്കയില് സംഘടനകള്ക്ക് തുടക്കമിട്ട ആദുകാല നേതാക്കളിലൊരാളാണ്. അവിഭക്ത ഫൊക്കാനയിലും പിന്നീട് ഫോമയുടെ തുടക്കം മുതലും സജീവ പ്രവര്ത്തനങ്ങൾ കാഴ്ച വച്ചു. ഫോമാ ജൂഡിഷ്യല് കൗണ്സില് അംഗമായി നാലു വര്ഷവും ചെയര് ആയി നാലു വര്ഷവും പ്രവര്ത്തിച്ചു. നാഷനല് കമ്മിറ്റി അംഗവുമായിരുന്നു. സംഘടനയില് അസ്വാരസ്യങ്ങള്ക്കും തര്ക്കങ്ങള്ക്കും വഴി നല്കാതെ സൗഹ്രുദപൂര്ണമായ പ്രവര്ത്തനത്തിനു ജുഡീഷ്യല് കൗണ്സില് ചെയര് എന്ന നിലയില് മികച്ച സേവനമാണു കാഴ്ച വച്ചത്.
കുറുപ്പും പടി സ്വദേശിയായ പോള് ചിറക്കല് മത്തായി (മത്തായിക്കുട്ടി) 1966-ല് ആണു അമേരിക്കയിലെത്തിയത്. 1971-ല് എം.ബി.എ ബിരുദമെടുത്ത ശേഷം ടെമ്പിള് യൂണിവേഴ്സിറ്റിയില് 1976 വരെ ബജറ്റ് ഡയറക്ടറും സ്റ്റുഡന്റ് ഡീനുമായി. പിന്നീട് മോബില് കോര്പറേഷനില് ഫൈനാന്ഷ്യല് അനലിസ്റ്റായി.
അതിനു സേഷം സ്വന്തമായി ബിസിനസ് രംഗത്തെക്കു പ്രവേശിച്ചു. ന്യു ജെഴ്സിയിലെ ബി. ആന്ഡ് ഡബ്ലിയു മോട്ടോഴ്സ്, ഫിലഡല്ഫിയയില് വിംഗ്സ് ടു ഗോ, സോഫ്ട്വെയര് ഡിസൈന് കമ്പനി മ്യൂസ് ടെക്നോളജി തുടങ്ങിയവ ഇവയില് ചിലതാണ്.
ബന്സലെമിലെ (പെന്സില്വേനിയ) സെന്റ് ഗ്രിഗോറിയസ് ഓര്ത്തഡോക്സ് ചര്ച്ച് സ്ഥാപകാംഗമാണ്. 5 വര്ഷം സെക്രട്ടറി ആയിരുന്നു. ഇപ്പോള് ട്രസ്റ്റി ബോര്ഡംഗം.
കല, ഫിലഡല്ഫിയ, സൗത്ത് ജെഴ്സി അസോസിയേഷന് ഓഫ് കേരളൈറ്റ്സ് എന്നിവയുടെ സ്ഥാപകാംഗമാന്.സൗത്ത് ജെഴ്സി അസോസിയേഷന്റെ ബോര്ഡ് ചെയര്മാനാണു ഇപ്പോള്.
ചാരിറ്റി രംഗത്തും സജീവം. വിദ്യാര്ഥികള്ക്ക് സ്കോളര്ഷിപ് നല്കുന്നു.
അദ്ധേഹത്തിന്റെ പത്നി അമേരിക്കക്കാരിയായ ജോവാന് ലൂയിസെ ഹേബര്മാന് ഫോമാ അംഗമാണ്. എല്ലാ കണ്വന്ഷനിലും എത്തുന്നു. അവര് 1971-ല് വിവാഹിതരായി. മൂത്ത പുത്രന് സ്റ്റീഫന് മത്തായിയും ഭാര്യ മെരഡിത്തും ഡോക്ടര്മാര്. പുത്രി ക്രിസ്റ്റീന മത്തായി ചെറി ഹില് സ്കൂള് ഡിസ്ട്രിക്ടില് അധ്യാപിക. ഭര്ത്താവ് സോണ് സൈക്കോളജിസ്റ്റ്.
ന്യു ജെഴ്സി ചെറി ഹില്ലില് 45 വര്ഷമായി കുടുംബ സമേതം താമസിക്കുന്നു.