യു.എസ് തെരഞ്ഞെടുപ്പുകളിലെ വിവരങ്ങള് സുസൂക്ഷ്മം വിശകലനം ചെയ്ത് പ്രവചനങ്ങള് നടത്തുന്ന ഫൈവ് തേര്ട്ടി എയ്റ്റ് (ഇലക്ടറല് കോളജിലെ മൊത്തം വോട്ടുകള്) ചല കണക്കുകളുമായി മുന്നോട്ടുവന്നിരിക്കുകയാണ്.
കഴിഞ്ഞ 100 ദിവസത്തിനുള്ളില് പ്രസിഡന്റ് ഡൊണാള്ഡ് ട്രംപിന് ലീഡ് ലഭിച്ചിട്ടില്ലാത്ത ചില സംസ്ഥാനങ്ങളുണ്ട്. അതുപോലെ ചില സംസ്ഥാനങ്ങളില് 45% ശതമാനത്തില് കൂടുതല് പിന്തുണ ട്രംപിന് ലഭിച്ചിട്ടില്ല. ഇതാണ് ഫൈവ് തേര്ട്ടി എയ്റ്റിന്റെ പോളിംഗ് ആവറേജുകള് പറയുന്ന കഥ. 2016-ല് തീരുമാനം എടുത്തിട്ടില്ലാത്ത വോട്ടര്മാര് 50% കൂടുതല് പോളിംഗ് ദിവസം ട്രംപിന് വോട്ട് ചെയ്തു. എന്നാല് ഇത്തവണ ബൈഡന് വോട്ട് ചെയ്യുന്നവരുടെ മനസ് മാറുമോ? 20 സംസ്ഥാനങ്ങളില് കഴിഞ്ഞ 100 ദിവസത്തിനുള്ളില് ഒരു സ്ഥാനാര്ത്ഥി 55 % പിന്തുണ നേടിയിട്ടുണ്ട്. കഴിഞ്ഞ 100 ദിവസത്തിനുള്ളില് എതിര് സ്ഥാനാര്ത്ഥി 20 സംസ്ഥാനങ്ങളില് 40% കുറവ് പിന്തുണ രേഖപ്പെടുത്തുകയും ചെയ്തു. 13 സംസ്ഥാനങ്ങളില് മുന് വൈസ് പ്രസിഡന്റും ഡമോക്രാറ്റിക് സ്ഥാനാര്ത്ഥിയുമായ ജോ ബൈഡന് തുടര്ച്ചയായി ലീഡ് നിലനിര്ത്തി. 14 സംസ്ഥാനങ്ങളില് ട്രംപ് തുടര്ച്ചയായി ലീഡ് നേടി. എന്നാല് ട്രംപിന് ലീഡുള്ള സംസ്ഥാനങ്ങളില് (അലാസ്ക, മൊണ്ടാന, യൂട്ട പോലെയുള്ളവയില്) ഇലക്ടറല് വോട്ടുകള് കുറവാണ്. ശരാശരി 6.9 ഇലക്ടറല് വോട്ടുകള് വീതമുള്ള സംസ്ഥാനങ്ങള്. എന്നാല് ബൈഡന് ലീഡുള്ള സംസ്ഥാനങ്ങളില് ശരാശരി 12 ഇലക്ടറല് വോട്ടുകള് വീതമുണ്ട്.
അതായത് ബൈഡന് 182 ഇലക്ടറല് വോട്ടുകളെങ്കിലും ഉറപ്പാണ്. ഇതിനു പുറമെ ബൈഡന് സ്ഥിരമായി ലീഡ് ചെയ്യുന്ന "സീലിംഗ് സ്റ്റേറ്റ്സ്' നല്കുന്ന 152 വോട്ടുകളും കൂടിച്ചേരുമ്പോള് 334 ഇലക്ടറല് വോട്ടുകളായി. ജയിക്കാന് ആവശ്യമായ 270 വോട്ടുകള് ഇങ്ങനെ തരണം ചെയ്യുമെന്ന് ഫൈവ് തേര്ട്ടി എയ്റ്റ് പറയുന്നു. ട്രംപിന്റെ മൊത്തം ഇലക്ടറല് വോട്ടുകള് 182 ആയിരിക്കുമെന്നും സ്ഥാപനം കണക്കുകൂട്ടുന്നു. മാറ്റംവരാന് സാധ്യതയുള്ള ഫിലഡല്ഫിയ, ഫ്ളോറിഡ, നോര്ത്ത് കരോലിന സംസ്ഥാനങ്ങളുടെ ഫലങ്ങളില് നിന്നാണ്. 2016-ല് എല്ലാ പ്രവചനങ്ങളും തെറ്റിച്ച് ട്രംപ് പ്രസിഡന്സി വിജയിച്ചു. പക്ഷെ ട്രംപ് മത്സരിച്ചത് സ്വന്തം സീലിംഗില് തന്നെ ഇടിച്ച ഒരു സ്ഥാനാര്ത്ഥിക്കെതിരേ ആയിരുന്നു.
ഫൈവ് തേര്ട്ടി എയ്റ്റില് 55% കൂടുതല് ഒരു സ്ഥാനാര്ത്ഥി മുന്നില് നിന്നപ്പോള് എതിരാളി രണ്ടില് ഓരോ സ്റ്റേറ്റില് വീതം 40% ല് താഴെ നിന്നു. 27 സംസ്ഥാനങ്ങളില് ഒരു സ്ഥാനാര്ത്ഥിയുടെ ഏറ്റവും കുറഞ്ഞ പിന്തുണ എതിര് സ്ഥാനാര്ത്ഥിയുടെ ഏറ്റവും ഉയര്ന്ന പിന്തുണയേക്കാള് കൂടുതലാണ്. ഫൈവ് തേര്ട്ടി എയ്റ്റിന്റെ കണക്കുകൂട്ടല് അനുസരിച്ച് ട്രംപിന് വിജയിക്കുവാന് 90 ഇലക്ടറല് വോട്ടുകള് കൂടി വേണം. കഴിഞ്ഞ 100 ദിവസത്തിനുള്ളില് ലീഡ് നേടിയിട്ടില്ലാത്ത ചില സംസ്ഥാനങ്ങള് വിജയിച്ചേ മതിയാകൂ. ഇത് അസാധ്യമല്ല. ഈ രണ്ട് സംസ്ഥാനങ്ങള് മാറ്റിമറിക്കാന് കഴിഞ്ഞാല് ബൈഡന്റെ ഉറപ്പുള്ള 152 വോട്ടുകളില് നിന്ന് 44 വോട്ടുകള് തനിക്ക് അനുകൂലമാക്കാന് ട്രംപിന് കഴിയും.
മറ്റ് സംസ്ഥാനങ്ങള് കൂടി നേടാന് കഴിഞ്ഞാല് ട്രംപിന് വിജയിക്കാം. പെന്സില്വേനിയയില് 2016-ന്റെ തനിയാവര്ത്തനത്തിന് ട്രംപിന് കഴിയണം. മാധ്യമ വ്യവസായ ഭീമനും മുന് ന്യൂയോര്ക്ക് മേയറുമായ മൈക്ക് ബ്ലൂംബര്ഗ് ബൈഡന്റെ ടെക്സസിലേയും, ഒഹായോയിലേയും തെരഞ്ഞെടുപ്പ് പ്രചാരണത്തിന് 15 മില്യന് ഡോളര് സംഭാവന നല്കുന്നതായി അദ്ദേഹത്തിന്റെ ഇന്ഡിപെന്ഡന്റന്സ് പൊളിറ്റിക്കല് ആക്ഷന് കമ്മിറ്റി അറിയിച്ചു.പി.എസി ടെക്സസിലും ഒഹായോയിലും ടെലിവിഷന് പരസ്യങ്ങള് വര്ധിപ്പിച്ച് ബൈഡന് -കമലാ ഹാരിസ് ടീമിന് വോട്ട് അഭ്യര്ത്ഥിക്കുകയാണ്. ലേബര് ഡേയ്ക്കുശേഷം ടെക്സസിലെ ടെലിവിഷന് പരസ്യത്തിന് ബൈഡന് 4.8 മില്യന് ഡോളര് മാറ്റിവച്ചിരുന്നു. ബ്ലൂംബര്ഗിന്റെ സംഭാവനയില് ടെക്സസിന്റെ പങ്ക് എത്രയാകും എന്ന് വ്യക്തമല്ല. ഇതുവരെ ബൈഡന് ടെക്സസില് ചെലവഴിച്ച പരസ്യതുക മറ്റൊരു ഡമോക്രാറ്റിക് സ്ഥാനാര്ത്ഥിയും ചെലവഴിച്ചിട്ടില്ല. ക്വിന്നിലിയാക് യൂണിവേഴ്സിറ്റി അഭിപ്രായ സര്വ്വെയില് 47 ശതമാനം വീതം പിന്തുണ ബൈഡനും ട്രംപും നേടി തുല്യത പാലിച്ചു. എന്നാല് ഡമോക്രാറ്റിക് ചായ്വുള്ള ഡൈലസ് മോണിംഗ് ന്യൂസും യൂണിവേഴ്സിറ്റി ഓഫ് ടെക്സസ് അറ്റ് ടൈലര് സര്വ്വെ ബൈഡന് 48 ശതമാനവും ട്രംപിന് 45 ശതമാനവും പിന്തുണ കണ്ടെത്തി.