ചില മഞ്ഞുശിലാപാളികള്
ആ അവസ്ഥയിലിരിക്കുമ്പോള് മാത്രമേ
ഭംഗിയുണ്ടാകൂ....
ആസ്വദിക്കാന് കഴിയൂ...
അവയൊരിക്കലും ഉരുകിയൊലിക്കാതിരിക്കട്ടെ.....!
കാലത്തിന്റെ ചൂടോ, മനുഷ്യപ്രവൃത്തികളുടെ ചൂടോ
ആ ശിലാപാളിയെ ഉരുക്കിയാല്
ചിലപ്പോള് വമിക്കുന്നത് ദുര്ഗന്ധമായിരിക്കാം...
കാണേണ്ടിവരുന്നത് ,
സത്യത്തിന്റെയും ധര്മ്മത്തിന്റെയും
നീതിയുടെയും ന്യായത്തിന്റെയും
ആത്മാര്ത്ഥതയുടെയും,
പരിശുദ്ധ പ്രണയത്തിന്റെയും
ശവപ്പറമ്പുകളായിരിക്കാം....!
പോയകാല സ്മൃതികളെ ജീവനോടെ
വീണ്ടും അടക്കം ചെയ്യേണ്ടിവരുമവിടെ....
പകയുടെയും പുച്ഛത്തിന്റെയും
പരിദേവനങ്ങളുടെയും പാതിയെരിഞ്ഞ
മൃതശരീരങ്ങളില് നിന്ന് വമിക്കുന്ന
കറുത്ത പുകച്ചുരുളുകള്
അതിജീവനം തേടിയലഞ്ഞുതുടങ്ങും....
വേണ്ട....! മഞ്ഞുശിലാപാളികള്
ഇന്നുമെന്നും ഉരുകാതിരിക്കട്ടെ...!