-->

America

വി സി ജോര്‍ജ്ജ് ഇനി ഓര്‍മ്മ.... ആ പുല്ലാങ്കുഴല്‍ നാദവും : രവിമേനോന്‍

Published

on

പാതി ചാരിയ ചന്ദനമണിവാതിലിലൂടെ മലയാളികളുടെ സംഗീതമനസ്സില്‍ പറന്നിറങ്ങിയ നാദശലഭങ്ങള്‍. ബി ശശികുമാറിന്റെ വയലിനും വി സി ജോര്‍ജ്ജിന്റെ ഫ്‌ലൂട്ടുമില്ലാതെ ``മരിക്കുന്നില്ല ഞാനി''ലെ ചന്ദനമണിവാതില്‍ പാതിചാരി എന്ന വേണുഗോപാല്‍ ഗാനമുണ്ടോ?  

അവരില്‍, വി സി ജോര്‍ജ്ജ് ഇനി ഓര്‍മ്മ.  മലയാളത്തിലെ ഒട്ടനവധി മനോഹര ചലച്ചിത്രഗാനങ്ങള്‍ക്കും തരംഗിണി ആല്‍ബങ്ങള്‍ക്കും പിന്നില്‍ പുല്ലാങ്കുഴല്‍ നാദമായി നിറഞ്ഞുനിന്ന ജോര്‍ജ്ജേട്ടന്‍ വിടപറഞ്ഞത് ഇന്നലെ. സ്വപ്നങ്ങളൊക്കെയും പങ്കുവെക്കാം, ചന്ദനം മണക്കുന്ന പൂന്തോട്ടം, മൗനം പോലും മധുരം കോകിലേ തുടങ്ങി നൂറുകണക്കിന് ചലച്ചിത്ര ഗാനങ്ങള്‍, എന്‍ ഹൃദയപ്പൂത്താലവും ഉത്രാടപ്പൂനിലാവേയും ശങ്കരധ്യാനപ്രകാരവും പോലുള്ള തരംഗിണിയുടെ ആദ്യകാല ഉത്സവഗാനങ്ങള്‍, ഗ്രാമീണ ഗാനങ്ങള്‍... ജോര്‍ജ്ജേട്ടന്റെ  മുരളീനാദം കൂടിയുണ്ട് ആ പാട്ടുകളുടെ ആസ്വാദ്യതയ്ക്ക് പിന്നില്‍.


ഗുണസിംഗിന്റെ ശിഷ്യന്‍, ജോണ്‍സന്റെ ഹാര്‍മോണിയം ഗുരു, ഗിറ്റാറിസ്റ്റ് ആറ്റ്‌ലിക്കും ഗായകന്‍ അക്ബര്‍ ഷായ്ക്കുമൊപ്പം  വോയിസ് ഓഫ് തൃശൂര്‍ എന്ന പേരെടുത്ത ഗാനമേളാ ട്രൂപ്പിന്റെ ശില്പികളിലൊരാള്‍... വിശേഷണങ്ങള്‍ പലതുണ്ട് വി സി ജോര്‍ജ്ജിന്.  ജന്മനാടായ നെല്ലിക്കുന്നിലെ സെന്റ് സെബാസ്റ്റ്യന്‍സ് പള്ളിയ്ക്കും ലൂര്‍ദ് പള്ളിക്കും വേണ്ടി  ഭക്തിഗാനങ്ങള്‍ ചിട്ടപ്പെടുത്തിക്കൊണ്ട് സംഗീതലോകത്ത് അരങ്ങേറുമ്പോള്‍ ജോര്‍ജ്ജിന് പ്രായം കഷ്ടിച്ച് പതിനഞ്ച് വയസ്സ്. പില്‍ക്കാലത്ത് സെന്റ് തോമസ് കോളേജില്‍ വിദ്യാര്‍ത്ഥിയായിരിക്കെ സുഹൃത്തുക്കള്‍ക്കൊപ്പം പാരമൗണ്ട് റെവല്‍റി എന്ന പേരിലൊരു ഗാനമേളാ ഗ്രൂപ്പിന് രൂപം കൊടുത്തു അദ്ദേഹം. അതു കഴിഞ്ഞായിരുന്നു എത്രയോ പ്രഗത്ഭരുടെ പരിശീലനക്കളരിയായിരുന്ന വോയിസ് ഓഫ് തൃശൂരിന്റെ പിറവി.


നെല്ലിക്കുന്നില്‍ ജോര്‍ജ്ജേട്ടന്റെ വീടിനടുത്തായിരുന്നു ജോണ്‍സന്റെ വീട്. ഹാര്‍മോണിയത്തിന്റെ ബാലപാഠങ്ങള്‍ അഭ്യസിക്കാനായി പിതാവിനൊപ്പം തന്റെ വീടിന്റെ പടികടന്നുവന്ന പത്തുവയസ്സുകാരന്റെ ചിത്രം ജോര്‍ജ്ജേട്ടന്‍ എന്നും വാത്സല്യത്തോടെ ഓര്‍മ്മയില്‍ സൂക്ഷിച്ചു. നല്ലൊരു പാട്ടുകാരന്‍ കൂടിയായിരുന്നു കൊച്ചു ജോണ്‍സണ്‍ എന്നോര്‍ക്കുന്നു അദ്ദേഹം. ജാനകിയുടെയും സുശീലയുടേയുമൊക്കെ ഗാനങ്ങള്‍ മധുരമായി പാടും. പെട്ടി വായിക്കാന്‍ പഠിപ്പിച്ചതോടൊപ്പം ശിഷ്യനെ തൃശൂരിലെ ഗാനമേളക്കാര്‍ക്ക് പരിചയപ്പെടുത്തുക കൂടി ചെയ്തു ജോര്‍ജ്ജേട്ടന്‍. സ്‌പെഷ്യല്‍ എഫക്റ്റ്‌സിനായി ഉപയോഗിച്ചിരുന്ന കബാസ എന്ന ഉപകരണമാണ് ആദ്യകാലത്ത് ജോണ്‍സണ്‍ ഗാനമേളകളില്‍ കൈകാര്യം ചെയ്തത്. മലയാളികള്‍ വിസ്മയത്തോടെ ഓര്‍മ്മയില്‍ സൂക്ഷിക്കുന്ന ഒരു സംഗീത ജൈത്രയാത്രയുടെ തുടക്കം അവിടെനിന്നായിരുന്നു. ആ യാത്രയുടെ ഭാഗമാകാന്‍ കഴിഞ്ഞതില്‍ എന്നും അഭിമാനിച്ചു വി സി ജോര്‍ജ്ജ്.

കൊച്ചിന്‍ കലാഭവനില്‍ വെച്ചായിരുന്നു യേശുദാസുമായുള്ള ആദ്യ കൂടിക്കാഴ്ച്ച -- 1970 കളുടെ തുടക്കത്തില്‍. ചെന്നൈയിലേക്ക് ക്ഷണിച്ചതും സിനിമയിലെ ഏറ്റവും  തിരക്കേറിയ ഫ്‌ലൂട്ടിസ്റ്റായ ഗുണസിംഗിനെ പരിചയപ്പെടുത്തിക്കൊടുത്തതും യേശുദാസ്.  ``വെള്ള ഫിയറ്റ് കാറില്‍ എന്നെ സ്വീകരിക്കാന്‍ സെന്‍ട്രല്‍ സ്റ്റേഷനില്‍ കാത്തുനിന്ന യേശുദാസിന്റെ രൂപം ഇന്നുമുണ്ട് ഓര്‍മയില്‍.'' -- ജോര്‍ജ്ജ്.  ഹിന്ദുസ്ഥാനിയില്‍ സാമുവല്‍ മാസ്റ്ററും കര്‍ണ്ണാട്ടിക്കില്‍ പൊതുവാള്‍ മാസ്റ്ററുമായിരുന്നു പുല്ലാങ്കുഴലിലെ ആദ്യ ഗുരുക്കന്മാരെങ്കിലും റെക്കോര്‍ഡിംഗില്‍ വായിക്കാന്‍ ഗുണസിംഗിന് കീഴിലെ ഹ്രസ്വ പരിശീലനം തന്നെ ഏറെ സഹായിച്ചിട്ടുണ്ടന്ന് ജോര്‍ജ്ജ്. ഗായകന്‍ ജെ എം രാജുവിനെപ്പോലുള്ളവരുടെ പിന്തുണയും മറക്കാനാവില്ല. 1970 കളുടെ അവസാനം നാട്ടില്‍ തിരിച്ചെത്തിയ ശേഷം തരംഗിണിയിലെ റെക്കോര്‍ഡിംഗുകളുടെ ഭാഗമായി അദ്ദേഹം. ഒപ്പം ആകാശവാണിയിലും. തിരക്കേറിയ വര്‍ഷങ്ങള്‍.  

സംഗീതത്തിന്റെ സൂക്ഷ്മവശങ്ങള്‍ നിരീക്ഷിക്കാനും വിലയിരുത്താനുമുള്ള ജോര്‍ജ്ജിന്റെ പാടവം തന്നെ അത്ഭുതപ്പെടുത്തിയിട്ടുണ്ട് എന്ന് പറയും സംഗീത സംവിധായകന്‍ ഔസേപ്പച്ചന്‍. 'കാതോട് കാതോരത്തിലെ നീ എന്‍ സര്‍ഗ സൗന്ദര്യമേ പുറത്തിറങ്ങി ശ്രദ്ധിക്കപ്പെട്ട സമയം. എല്ലാവരും പാട്ടിനെ പറ്റി നല്ലത് പറയുന്നുണ്ടെങ്കിലും ജോര്‍ജേട്ടന്റെ നിരീക്ഷണമാണ് എന്റെ മനസ്സിനെ തൊട്ടത്. എടാ, ബി ജി എമ്മില്‍ നീ പരീക്ഷിച്ച ആ സ്‌കെയില്‍ പ്രോഗ്രഷന്‍ അസ്സലായി... എന്ന് അദ്ദേഹം പറഞ്ഞുകേട്ടപ്പോള്‍ ഉണ്ടായ സന്തോഷം വലുതായിരുന്നു.  അദ്ദേഹത്തെപ്പോലൊരാള്‍ തുടക്കക്കാരനായ എന്റെ പാട്ടിനെ അത്രയും സൂക്ഷ്മമായി വിലയിരുത്തി എന്നത് ചെറിയ കാര്യമല്ലല്ലോ.''

ജീവിതത്തെ ഒരു പരിധി വരെ ലാഘവത്തോടെ നോക്കിക്കണ്ട ആളായിരുന്നു ജോര്‍ജ്ജ് എന്ന് തോന്നിയിട്ടുണ്ട് ഔസേപ്പച്ചന്. ഗൗരവമാര്‍ന്ന വിഷയങ്ങളില്‍ പോലും  നര്‍മ്മം കാണാന്‍ കഴിവുള്ള ആള്‍. താന്‍ വ്യാപരിക്കുന്ന മേഖല വെട്ടിപ്പിടിക്കണം എന്ന അമിതമോഹമൊന്നും ഒരിക്കലും വെച്ചുപുലര്‍ത്തിയിരുന്നില്ല. ``സംഗീതത്തിലായാലും ബിസിനസ്സിലായാലും വേറിട്ട ചിന്തകളായിരുന്നു ജോര്‍ജ്ജേട്ടന്റെത്. ആദ്യകാലത്ത് അദ്ദേഹത്തിന്  ഒരു പിക്കിള്‍ ബിസിനസ്സ് ഉണ്ടായിരുന്നു. പിക്കിളിന് അദ്ദേഹം നല്‍കിയ പേരാണ് രസകരം: മുഖ്യമന്ത്രി അച്ചാര്‍. അന്നോ ഇന്നോ ആകട്ടെ, ഒരു അച്ചാറിന് അത്തരമൊരു പേര് ആരുടെയെങ്കിലും തലയില്‍ ഉദിക്കുമോ?'' പല കാലങ്ങളിലായി ചിക്കന്‍, ഫിഷ് ഫ്രൈ ബിസിനസ്സുകളിലും ഭാഗ്യപരീക്ഷണം നടത്തി വി സി ജോര്‍ജ്ജ്. റെക്കോര്‍ഡിംഗിനിടെ തനിക്ക് വായിക്കാനുള്ള ഫ്‌ലൂട്ട് ബിറ്റ് വായിച്ചുതീര്‍ത്ത ശേഷം ചിക്കന്‍ പാഴ്സല്‍ ആവശ്യക്കാരനെത്തിക്കാന്‍ വേണ്ടി സ്റ്റുഡിയോയില്‍ നിന്ന് ``മുങ്ങി''ക്കളഞ്ഞ കഥ ജോര്‍ജ്ജേട്ടന്‍ തന്നെ രസകരമായി വിവരിച്ചുകേട്ടിട്ടുണ്ട്.

വി സി ജോര്‍ജ്ജിനൊപ്പം ഒരു കാലഘട്ടം കൂടി ഓര്‍മ്മയാകുന്നു.  സിന്തസൈസറും  കീബോര്‍ഡുമൊക്കെ പ്രചുരപ്രചാരം നേടും മുന്‍പ്, ഗാനങ്ങളുടെ പിന്നണിയില്‍ മൗലിക വാദ്യോപകരണങ്ങള്‍ മാത്രം നിറഞ്ഞുനിന്ന കാലം. ആ പാട്ടുകള്‍ക്കൊപ്പം അവയ്ക്ക് പിന്നിലെ സൂക്ഷ്മമായ  നാദശകലങ്ങള്‍ പോലും നാം ഓര്‍മ്മയില്‍ സൂക്ഷിക്കുന്നുവെങ്കില്‍, അതുതന്നെ ആ പ്രതിഭകള്‍ക്കുള്ള ഏറ്റവും വലിയ അംഗീകാരം.


Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ആശയങ്ങളെ അതിരു തിരിച്ചു കണ്ട എഴുത്തുകാരൻ പ്രൊഫ. എം ടി ആന്റണി (സുധീർ പണിക്കവീട്ടിൽ)

കാര്‍ട്ടൂണ്‍ (സിംസണ്‍)

ന്യു യോർക്ക് സിറ്റി മേയർ: ആഡംസ് മുന്നിൽ; യാംഗ്‌ പിന്മാറി; അന്തിമ ഫലം അടുത്ത മാസം മാത്രം

വിസ്മയയുടെ മരണം ചര്‍ച്ചയാക്കുന്നവര്‍ മലയാളിയുടെ സ്ത്രീ വിരുദ്ധത കാണുന്നതേയില്ല (വെള്ളാശേരി ജോസഫ്)

വാക്‌സിന്‍ സ്വീകരിച്ചവരില്‍ 4000 പേര്‍ക്ക് കോവിഡ് - 19 സ്ഥിരീകരിച്ചതായി മാസ്സച്യുസെറ്റ്‌സ് ഡിപിഎച്ച്

ന്യൂയോര്‍ക്ക് സിറ്റി പബ്ലിക്ക് അഡ്വക്കറ്റായി ഡോ. ദേവി നമ്പ്യാപറമ്പിലിന് എതിരില്ല

പ്രസിഡന്റ് ബൈഡനെ വധിക്കുമെന്ന ഭീഷണി: അറസ്ററ്

പ്രവാസി മലയാളി ഫെഡറേഷന്‍ അന്താരാഷ്ട്ര യോഗാദിനം ആചരിച്ചു

ഇന്ത്യാ പ്രസ് ക്ലബ് നോര്‍ത്ത് ടെക്‌സാസ് ചാപ്റ്റര്‍ സെമിനാര്‍ ജൂലൈ 3 ന്

ഹൂസ്റ്റണ്‍ എക്യൂമെനിക്കല്‍ കമ്മ്യൂണിറ്റി 40 - ന്റെ നിറവില്‍ - ആഘോഷ പരിപാടികളുടെ ഉത്ഘാടനം ഞായറാഴ്ച.

ന്യു യോര്‍ക്ക് സിറ്റി കൗണ്‍സിലില്‍ ഇത്തവണ ഇന്ത്യാക്കാര്‍ ഉറപ്പായി

ലെസ്‌ലിന്‍ വില്‍സണ് യാത്രാമൊഴി

മയക്കുമരുന്നു കേസിൽ ഇന്ത്യാക്കാരടക്കം നിരവധി പേരെ കാനഡ അറസ്റ്റ് ചെയ്തു

ഫിലാഡല്‍ഫിയ സീറോമലബാര്‍ പള്ളിയില്‍ സി.സി.ഡി ഗ്രാജുവേറ്റ്‌സിനെ ആദരിച്ചു

കെ.എച്ച്.എന്‍.എ ഗ്ലോബല്‍ കണ്‍വെന്‍ഷന്‍ 2021 ഡിസംബര്‍ 30ന്; മെഗാ തിരുവാതിരയും പഴയിടത്തിന്റെ സദ്യയും

മാപ്പിന്റെ തുറന്ന വാതില്‍ സ്വാഗതാര്‍ഹം (സുധാ കര്‍ത്താ)

കേരളാ റൈറ്റേഴ്‌സ് ഫോറം സമ്മേളനം ജൂൺ 27-ന് 

കൊല്ലം ജില്ലാ ആശുപത്രിക്കു ഫോമായുടെ കൈത്താങ്ങ്

വി.പത്രോസ് പൗലോസ് ശ്ലീഹന്മാരുടെ ഓര്‍മ്മ പെരുന്നാളും 12- മത് ബൈബിള്‍ കണ്‍വെന്‍ഷനും

എ ടി എമ്മില്‍ നിന്നും 20 ഡോളര്‍ പിന്‍വലിക്കാന്‍ ശ്രമിക്കുന്നതിനിടെ എകൗണ്ടില്‍ ഒരു ബില്യണ്‍ ഡോളര്‍

ടെക്സസിലെ തൊഴിൽ രഹിതരുടെ എണ്ണം 12.9 ൽ നിന്നും 6.5 ശതമാനത്തിലേക്ക്

ഡിസ്ട്രിക്റ്റ് 23 ല്‍ താമസിക്കുന്ന മലയാളികളോട് ഒരു അഭ്യര്‍ത്ഥന (ജോജോ തോമസ് പാലത്ര, ന്യൂയോര്‍ക്ക്)

പാന്‍ഡമിക്കിനെ തുടര്‍ന്ന് കുടിശ്ശിഖയായ വാടക ഗവണ്‍മെന്റ് അടച്ചുവീട്ടും.

മാപ്പ് വന്‍ പ്രതിഷേധത്തില്‍

ട്രൈസ്‌റ്റേറ്റ് കേരളാ ഫോറം ഫാദേഴ്‌സ് ഡേ ആഘോഷിച്ചു

കണക്ടിക്കട്ടിൽ വാഹനാപകടത്തിൽ മലയാളി വനിത മരിച്ചു 

ന്യു യോർക്ക് സിറ്റി  മേയർ ഇലക്ഷനിൽ ചെളിവാരി എറിയൽ, വംശീയവാദം  

യു എസ് എ എഴുത്തുകൂട്ടത്തിന്റെ പ്രതിമാസ പരിപാടി സർഗ്ഗാരവത്തിനു തുടക്കമായി

കൃഷി ശാസ്ത്രജ്ഞൻ ഡോ. ഗിരീഷ് പണിക്കർക്ക് എ.എസ്.എ അവാർഡ് 

കോവിഡ് വകഭേദങ്ങൾ, വാക്സിനെടുക്കാത്തവർക്ക്  ഭീഷണി; വാക്സിൻ പുരുഷ ബീജത്തിന്റെ എണ്ണം കുറക്കില്ല 

View More