news-updates

കേന്ദ്രമന്ത്രിസഭ പുനഃസംഘടന ഈയാഴ്ച; ജ്യോതിരാദിത്യ സിന്ധ്യ, സുശീല്‍ മോദി, സര്‍ബാനന്ദ എന്നിവര്‍ക്ക് മുന്‍ഗണന

Published

on



ന്യൂഡല്‍ഹി: കേന്ദ്ര മന്ത്രിസഭാ പുനഃസംഘടന ഈയാഴ്ച തന്നെയുണ്ടായേക്കും. റിപ്പോര്‍ട്ടുകള്‍ക്ക് സ്ഥിരീകരണം നല്‍കി പ്രധാനമന്ത്രി നരേന്ദ്ര മോദിയുടെ വസതിയില്‍ ബിജെപി നേതാക്കളുടേയും മുതിര്‍ന്ന മന്ത്രിമാരുടേയും യോഗം നടക്കുന്നു. കേന്ദ്ര മന്ത്രിമാരായ അമിത് ഷാ, നിതിന്‍ ഗഡ്കരി, രാജ്നാഥ് സിങ്, ബിജെപി അധ്യക്ഷന്‍ ജെപി നഡ്ഡ, സംഘടനാ ജനറല്‍ സെക്രട്ടറി ബി.എല്‍ സന്തോഷ് തുടങ്ങിയരുമായിട്ടാണ് പ്രധാനമന്ത്രി ചര്‍ച്ച നടത്തുന്നത്. പുനഃസംഘടനയുടെ അന്തിമ തീരുമാനം ഇന്നുണ്ടാകും.

രണ്ടാം മോദി സര്‍ക്കാരിന്റെ ആദ്യ പുനഃസംഘടനയാണ് നടക്കാന്‍ പോകുന്നത്. ആദ്യ സര്‍ക്കാരില്‍ ചുരുങ്ങിയത് മൂന്ന് തവണയെങ്കിലും മന്ത്രിസഭയില്‍ അഴിച്ചുപണി നടത്തി. മന്ത്രിസഭയില്‍ ഇതിനോടകം തന്നെ നിരവധി ഒഴിവുകളാണുള്ളത്. എല്‍ജെപി നേതാവ് രാംവിലാസ് പാസ്വാന്‍ മരണത്തെതുടര്‍ന്നും എന്‍ഡിഎയില്‍ നിന്ന് ശിരോമണി അകാലിദള്‍, ശിവസേന തുടങ്ങിയ പാര്‍ട്ടികള്‍ പുറത്തുപോയതുമടക്കമുള്ള ഒഴിവുകളുണ്ട്. ഒപ്പം അടുത്തവര്‍ഷം നിയമസഭാ തിരഞ്ഞെടുപ്പ് നടക്കുന്ന ഉത്തര്‍പ്രദേശില്‍ നിന്നടക്കമുള്ളവര്‍ക്ക് പുനഃസംഘടനയില്‍ കൂടുതല്‍ ഇടംലഭിച്ചേക്കും. ആഭ്യന്തരം, ധനകാര്യം, പ്രതിരോധം തുടങ്ങിയ വകുപ്പുകളില്‍ മാറ്റങ്ങള്‍ക്ക് സാധ്യതയില്ല. അതേ സമയം തന്നെ നിതിന്‍ ഗഡ്കരിക്ക് കൂടുതല്‍ ശ്രദ്ധേയായ വകുപ്പിലേക്ക് നല്‍കാനും സാധ്യതയുണ്ട്. 

അഴിച്ചുപണിയില്‍ ഉള്‍പ്പെടാന്‍ സാധ്യതയുള്ളവരുടെ നീണ്ട പട്ടികയുണ്ടെങ്കിലും കോണ്‍ഗ്രസ് വിട്ടെത്തിയ ജ്യോതിരാദിത്യ സിന്ധ്യക്ക് മന്ത്രിസ്ഥാനം ഉറപ്പാണെന്നാണ് ബിജെപി വൃത്തങ്ങള്‍ പറയുന്നത്. മുന്‍ ബിഹാര്‍ ഉപമുഖ്യമന്ത്രി സുശീല്‍ മോദി, അസം മുന്‍ മുഖ്യമന്ത്രി സര്‍ബാനന്ദ സോനോവല്‍ എന്നിവര്‍ പട്ടികയില്‍ മുന്‍പന്തിയിലാണ്.

മധ്യപ്രദേശില്‍ കല്‍നാഥ് സര്‍ക്കാരിനെ താഴെയിറക്കി ബിജെപിക്ക് അധികാരം പിടിച്ച് നല്‍കിയതിന് പ്രതിഫലമാകും സിന്ധ്യക്ക് ലഭിക്കുന്ന മന്ത്രിപദം. കഴിഞ്ഞ വര്‍ഷമാണ് സിന്ധ്യ അനുയായികളായ എംഎല്‍എമാരും കോണ്‍ഗ്രസ് വിട്ടത്. ബിഹാറില്‍ ഉപമുഖ്യമന്ത്രി പദത്തില്‍ നിന്ന് മാറ്റിയ സുശീല്‍ മോദിക്കും ഹിമന്ത ബിശ്വ ശര്‍മ്മക്കായി കസേര ഒഴിഞ്ഞു കൊടുത്ത സോനോവലിനും കേന്ദ്ര മന്ത്രിപദം നേരത്തെ വാഗ്ദ്ധാനം ചെയ്തിരുന്നു. 

ഉത്തര്‍പ്രദേശിലെ നിയമസഭാ തിരഞ്ഞെടുപ്പിന് മുമ്പായി സംസ്ഥാനത്തെ ചില അതൃപ്തരായ നേതാക്കളെ മന്ത്രി സഭയില്‍ ഉള്‍പ്പെടുത്തുമെന്നാണ് റിപ്പോര്‍ട്ടുകള്‍. രാംവിലാസ് പാസ്വാന്റെ എല്‍ജെപിക്ക് നല്‍കിയിരുന്ന മന്ത്രിപദം പുതുതായി തിരഞ്ഞെടുക്കപ്പെട്ട അവരുടെ ലോക്സഭാ കക്ഷി നേതാവ് പശുപതി കുമാര്‍ പരാസിന് ലഭിച്ചേക്കും. കേന്ദ്രമന്ത്രി പദം മുന്നില്‍ കണ്ടാണ് ചിരാഗ് പാസ്വാനെ വെട്ടി പരാസ് എംപിമാരെ വരുതിയിലാക്കി ലോക്സഭാ കക്ഷിനേതാവ് പദവി നേടിയെടുത്തതെന്നാണ് റിപ്പോര്‍ട്ടുകള്‍. ബിജെപിക്കും അദ്ദേഹത്തെ മന്ത്രിയാക്കുന്നതിലാണ് താത്പര്യം. ഉത്തര്‍പ്രദേശിലെ സഖ്യ കക്ഷിയായ അപ്നാദള്‍ നേതാവ് അനുപ്രിയ പട്ടേലിനും ഇത്തവണ മന്ത്രിസ്ഥാനം ലഭിച്ചേക്കും. ഒന്നാം മോദി സര്‍ക്കാരില്‍ മന്ത്രിയായിരുന്നു അവര്‍.


Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

കരുവന്നൂര്‍ ബാങ്ക് തട്ടിപ്പ്: പ്രതികളെ കുരുക്കാന്‍ ലുക്ക് ഔട്ട് നോട്ടീസ്

ഇന്ത്യ - ചൈന ചര്‍ച്ചയില്‍ സൈനീക പിന്‍മാറ്റത്തിന് ധാരണ

ഇടിച്ച വാഹനം നിര്‍ത്താതെ പോയാല്‍ കൈത്താങ്ങേകാന്‍ കേന്ദ്രം

യുഎഇ യാത്ര: ടിക്കറ്റ് നിരക്ക് പൊള്ളുന്നു

അഫ്ഗാനിസ്ഥാനില്‍ മന്ത്രിയുടെ വീടിന് നേരെ താലിബാന്‍ ആക്രമണം

കൊങ്കുനാട് സംസ്ഥാന ആവശ്യം ഉന്നയിക്കുന്നത് ബിജെപി 'കോര്‍പ്പറേറ്റ് കമ്പനി'-കമല്‍ ഹാസന്‍

കോട്ടയത്ത് 14-കാരിയെ തട്ടിക്കൊണ്ടുപോയി പീഡിപ്പിച്ചു ഗര്‍ഭിണിയാക്കിയ ചുവന്ന കാറിലെ 'അജ്ഞാതന്‍' ആര്?

3.25 കോടി തട്ടിയെന്ന കേസ്: മാണി സി കാപ്പനെതിരെ സുപ്രീം കോടതിയില്‍ ഹര്‍ജി

വാര്‍ത്തകള്‍ ഒറ്റനോട്ടത്തില്‍ - ചൊവ്വാഴ്ച (ജോബിന്‍സ്)

ഇന്ത്യയില്‍ പ്രവര്‍ത്തിക്കുന്നത് 24 വ്യാജ സര്‍വ്വകലാശാലകളെന്ന് കേന്ദ്രം

ന്യൂനപക്ഷ സ്‌കോളര്‍ഷിപ്പ് : സുപ്രീം കോടതിയില്‍ ഹര്‍ജി

ആണവക്കരാര്‍ തകര്‍ക്കാന്‍ കമ്മ്യൂണിസ്റ്റ് പാര്‍ട്ടികള്‍ ചൈനയ്‌ക്കൊപ്പം നിന്നെന്ന് ആരോപണം

കാക്ക അനീഷിനെ കൊന്നത് ശല്ല്യം സഹിക്കാന്‍ വയ്യാതെയെന്ന് പ്രതികള്‍

ഒടുവില്‍ താലിബാന്‍ സമ്മതിച്ചു മുഹമ്മദ് ഖാസയെ ഞങ്ങള്‍ കൊന്നതാണ്

പ്രതിപക്ഷ ഐക്യത്തിന് ഊര്‍ജ്ജം പകര്‍ന്ന് പെഗാസസ്

പെഗാസസ് ചോര്‍ത്തിയത് വനിതാ മാധ്യമപ്രവര്‍ത്തകയുടെ സ്വകാര്യ നിമിഷങ്ങളും

ഡിസിസി പുനസംഘടന: പട്ടിക നല്‍കി ഗ്രൂപ്പുകള്‍

പുരുഷ ഹോക്കിയില്‍ ഇന്ത്യക്കിനി വെങ്കല പ്രതീക്ഷ

യുഎഇയില്‍ കുട്ടികളുടെ നഗ്‌നചിത്രങ്ങള്‍ കൈവശം വെച്ചാല്‍ രണ്ടു കോടി രൂപവരെ പിഴ നല്‍കേണ്ടിവരും

പ്രധാനമന്ത്രിയുടെ ഉപദേശകന്‍ അമര്‍ജീത് സിന്‍ഹ രാജിവെച്ചു

ഇന്ത്യയില്‍ കോവിഡ് മൂന്നാം തരംഗം വരുന്നു; രണ്ടാം തരംഗം കൃത്യമായി പ്രവചിച്ച ഗവേഷകരുടെ മുന്നറിയിപ്പ്

കോവാക്‌സിന്റെ 5 % റോയല്‍റ്റി ഐ.സി.എം.ആറിന്

വാര്‍ത്തകള്‍ ഒറ്റനോട്ടത്തില്‍ -തിങ്കളാഴ്ച (ജോബിന്‍സ്‌)

മഹാരാഷ്ട്രയില്‍ പരസ്പരം പോര്‍വിളിച്ച് ബിജെപിയും ശിവസേനയും

ഓസ്‌ട്രേലിയയെ തകര്‍ത്ത് ഇന്ത്യന്‍ വനിതാ ടീം സെമിയില്‍

പിഎസ്സിയെ പാര്‍ട്ടി സര്‍വ്വീസ് കമ്മീഷനാക്കരുതെന്ന് പ്രതിപക്ഷം

കോവിഡ് : അതിര്‍ത്തി കടക്കാനാവാതെ മലയാളികള്‍

പ്രവാസികള്‍ നട്ടം തിരിയുമ്പോഴും സര്‍ക്കാരിന്റെ ധൂര്‍ത്ത്

കോട്ടയത്ത് ഇരട്ട സഹോദരങ്ങള്‍ തൂങ്ങിമരിച്ചു

വിദ്യാര്‍ത്ഥികളെ കബളിപ്പിച്ച് സര്‍ക്കാരിന്റെ കൊക്കോണിക്‌സ് ലാപ്‌ടോപ്പ്

View More