സോഷ്യല് മീഡിയയിലൂടെ മലയാളികള്ക്ക് ഏറെ സുപരിചിതയാണ് സൗഭാഗ്യ വെങ്കിടേഷ്. ഒരു നര്ത്തകി കൂടിയാണ് സൗഭാഗ്യ. നടിയും നര്ത്തകിയുമായ താര കല്യാണിന്റെയും അന്തരിച്ച രാജാ റാമിന്റെയും മകളാണ് സൗഭാഗ്യ. ഇപ്പോഴിതാ, അച്ഛനെക്കുറിച്ച് സൗഭാഗ്യ സോഷ്യല് മീഡിയയില് പങ്കുവച്ച കുറിപ്പ് ശ്രദ്ധേയമാനവുകയാണ്. 4 വര്ഷം മുമ്പ് തങ്ങളെ വിട്ടുപിരിഞ്ഞ അച്ഛനെക്കുറിച്ച് ഹൃദയത്തില് തൊടുന്ന കുറിപ്പാണ് സൗഭാഗ്യ പങ്കുവച്ചിരിക്കുന്നത്. രാജാറാമിന്റെ ചിത്രവും കുറിപ്പിനൊപ്പമുണ്ട്.</p>
''എന്റെ കുഞ്ഞിന് അദ്ദേഹത്തെപ്പോലെ ഒരു ഡാഡി ഉണ്ടായിരുന്നെങ്കില് എന്ന് ഞാന് ആഗ്രഹിച്ചിരുന്നു. പിന്നീട് തിരിച്ചറിയും... അദ്ദേഹം ജീവിതത്തിലുണ്ടായത് എന്റെ മാത്രം ഭാഗ്യമാണ്. ഞാന് എന്റെ അച്ഛനെ മാത്രമല്ല മിസ് ചെയ്യുന്നത്. ഒരു മൂത്ത സഹോദരനെ, ഒരു കൊച്ചനുജനെ, ഒരു ആണ്കുഞ്ഞിനെ, ഒരു നല്ല സുഹൃത്തിനെ, ഒരു കുസൃതി ചെക്കനെ, ആലോസരപ്പെടുത്തുന്ന വിഡ്ഢിയെ, എന്റെ സുരക്ഷിതമായ ഒരിടത്തെ, എന്റെ തലയിണയെ, കോഫി ഉണ്ടാക്കുന്ന വിദഗ്ധനെ, പ്രിയപ്പെട്ട കൊമേഡിയനെ....അതങ്ങനെ നീളും.
ഒറ്റയ്ക്ക് ബ്രേക്ക്ഫാസ്റ്റ് കഴിക്കുമ്പോഴെല്ലാം ഞാന് അദ്ദേഹത്തെ ഓര്ക്കും. അദ്ദേഹം വയ്യാതെ കിടപ്പിലാകുന്നതിനു മുമ്പ് വരെ എന്നും രാവിലെ എന്നെ ഭക്ഷണം കഴിപ്പിച്ചിരുന്നതാണ് ഇതിനു കാരണം. ഞാന് ബ്രേക്ക് ഫാസ്റ്റ് ഒഴിവാക്കുന്നില്ലെന്ന് ഉറപ്പാക്കാനായിരുന്നു അദ്ദേഹം അങ്ങനെ ചെയ്തിരുന്നത്. ജൂലൈ 30 എന്ന ദിവസം എന്താണ് നഷ്ടപ്പെട്ടത് എന്നതിന് എനിക്കിപ്പോഴും വിശദീകരണമില്ല. എന്തിനാണിത്ര വേഗം പോയത് ? തിരിച്ച് വരൂ. 4 വര്ഷം, കാലം ഒരിക്കലും ഈ മുറിവുണക്കില്ല'