ചിക്കാഗോ: 2022 ജൂലൈ 710 വരെ ഒര്ലാണ്ടോയില് വച്ച് നടത്തപെടുന്ന ഫൊക്കാനയുടെ നാഷണല് കണ്വെന്ഷന്റെ പ്രഥമ കിക്ക് ഓഫ്, ഫൊക്കാനയുടെ സ്ഥാപക നേതാവ് ഡോ. അനിരുദ്ധന്റെ നാടായ ചിക്കാഗോയില് ചരിത്ര വിജയത്തോടെ ശ്രദ്ധേയമായി.
കിക്ക് ഓഫ് ദിനത്തില് തന്നെ 50000 ലധികം ഡോളര് സ്പോണ്സര്ഷിപ്പിലൂടെ സമാഹരിച്ചുകൊണ്ടാണ് ഫൊക്കാന മിഡ്വെസ്റ്റ് റീജിയണ്, സമാനതകളില്ലാത്ത ചരിത്രം കുറിച്ചത്. നാഷണല് പ്രസിഡണ്ട് ജോര്ജ്ജി വര്ഗ്ഗീസ് അധ്യക്ഷത വഹിച്ച ചടങ്ങില്, നാഷണല് സെക്രട്ടറി സജി മോന് ആന്റണി, എക്സിക്യൂട്ടീവ് വൈസ് പ്രസിഡണ്ട് ജെയ്ബു കുളങ്ങര, വൈസ്പ്രസിഡന്ര് തോമസ് തോമസ് (ന്യൂയോര്ക്ക്) , അസ്സോസിയേറ്റ് സെക്രട്ടറി ഡോ. മാത്യു വര്ഗീസ് (ഡിട്രോയിറ്റ്), കണ്വെന്ഷന് ചെയര്മാന് ചാക്കോ കുര്യന് (ഒര്ലാണ്ടോ) , നാഷനല് കമ്മറ്റി അഗങ്ങളായ അനില്കുമാര് പിള്ള , സതീശന് നായര്, ജോര്ജ് പണിക്കര്, റ്റോമി അമ്പനാട്ട്, വിമന്സ് ഫോറം കമ്മറ്റി അംഗങ്ങളായ ഡോ. ബ്രിഡ്ജറ് ജോര്ജ്ജ് തുടങ്ങി ഫൊക്കാനയുടെ നിരവധി നേതാക്കന്മാര് കിക്ക് ഓഫിന് ശക്തിപകരുവാനായി മീറ്റിങ്ങില് പങ്കെടുത്തു.
ഡോ എബ്രഹാം മാത്യു, അറ്റോര്ണി സ്റ്റീവ് ക്രിഫെയ്സ്, മറിയാമ്മ പിള്ള , ജെയ്ബു കുളങ്ങര , സിറിയക് കൂവക്കാട്ടില് , ടിജോ കൈതക്കത്തൊട്ടിയില്, ടോണി കിഴക്കേക്കുറ്റ് , ഡോ. മാത്യു വര്ഗ്ഗീസ് എന്നീ സ്പോണ്സര്മാരെ കൂടാതെ പല കുടുംബങ്ങളും ഈ ചരിത്ര വിജയം കുറിച്ച കിക്ക് ഓഫ് മീറ്റിനോടനുബന്ധിച്ച് കണ്വെന്ഷന് രജിസ്റ്റര് ചെയ്യുകയും ചെയ്തു.
ചിക്കാഗോയിലെ വിവിധ സംഘടനാനേതാക്കളും അഭ്യുദയകാംഷികളും പങ്കെടുത്ത ചടങ്ങില് കണ്വെന്ഷന് ചെയര്മാന് ചാക്കോ കുര്യന് കണ്വെന്ഷന് സംബന്ധിച്ചുള്ള വിവരങ്ങള് പങ്കുവെച്ചു. ഫൊക്കാനയുടെ ഊര്ജ്ജ ശ്രോതസുകൂടിയായ ചിക്കാഗോ സമൂഹത്തിന്റെ പിന്തുണ ഫൊക്കാനയെ സംബന്ധിച്ചിടത്തോളം ഏറെ വിലപ്പെട്ടതാണ് എന്നും , പ്രഥമ കിക്ക് ഓഫില് തന്നെ ബഹുദൂരം മുന്നേറുവാനുള്ള ഊര്ജ്ജം പകര്ന്നു നല്കിയ ചിക്കാഗോ സമൂഹത്തിന് നന്ദി അറിയിക്കുന്നതായും പ്രസിഡണ്ട് ജോര്ജ്ജി വര്ഗ്ഗീസ് അറിയിച്ചു.
വളരെ സുതാര്യവും ഏറ്റവും ലളിതവുമായ രജിസ്ട്രേഷന് നടപടിക്രമങ്ങള് പൂര്ത്തിയാക്കുവാനായി ഏവരെയും ക്ഷണിക്കുന്നതായി അദ്ദേഹം അറിയിച്ചു. വന് വിജയമായി തീര്ന്ന ഈ കിക്ക് ഓഫ് മീറ്റിംഗിന് ചുക്കാന് പിടിച്ച എക്സിക്യൂട്ടീവ് വൈസ് പ്രസിഡണ്ട് ജെയ്ബു കുളങ്ങരെയെയും ടെക്നിക്കല് കോര്ഡിനേറ്റര് പ്രവീണ് തോമസിനെയും മുന് പ്രസിഡണ്ട് മറിയാമ്മ പിള്ളയെയും അഭിനന്ദിക്കുന്നതായും അദ്ദേഹം അറിയിച്ചു. വളരെ എളുപ്പത്തില് പൂര്ത്തിയാക്കാന് സാധിക്കത്തക്ക രീതിയില് ഓണ്ലൈനില് ചെയ്യുവാന് സാധിക്കുന്ന ഫൊക്കാന കണ്വെന്ഷന് രെജിസ്ട്രേഷന് സംബന്ധമായ വിവരങ്ങള് സെക്രട്ടറി സജി മോന് ആന്റണി പങ്കുവെച്ചു.
ഈ മീറ്റിങ്ങിനോടനുബന്ധിച്ച് രാജഗിരി മെഡിക്കല് കോളേജില് ചികിത്സാ ഇളവുകളും ഡയഗണോസ്റ്റിക് ടെസ്റ്റ് പാക്കേജ് അടങ്ങിയ ഹെല്ത്ത് കാര്ഡുകള് വിതരണം ചെയ്യുകയുണ്ടായി. നാട്ടിലുള്ള ബന്ധുക്കള്ക്കും ഈ സൗജന്യം ലഭ്യമാണ് എന്നും ഇതുസംബന്ധിച്ച വിശദീകരണമദ്ധ്യേ ജനറല് സെക്രട്ടറി സജി മോന് ആന്റണി അറിയിച്ചു.
.
ഇന്ത്യ പ്രെസ് ക്ലബ്ബ് നാഷനല് പ്രസിഡന്റ് ബിജു കിഴ ക്കേക്കുറ്റ്, കെ സി സി എന് എ പ്രസിഡന്റ് സിറിയക് കൂവക്കാട്ടില്, ഷിക്കാഗോയിലെ അസോസിയേഷന് പ്രസിഡന്റുമാരായ ജോണ്സന് കണ്ണൂക്കാടന് (ചിക്കാഗോ മലയാളി അസോസിയേഷന്) , സ്റ്റീഫന് കിഴക്കേക്കുറ്റ് (മിഡ്വെസ്റ്റ് മലയാളി അസോസിയേഷന്), സിബു കുളങ്ങര (ഇല്ലിനോയി മലയാളി അസോസിയേഷന്) , ബിജി എടാട് (കേരളൈറ്റ് മലയാളീ അസ്സോസിയേഷന്) , ചിക്കാഗോയിലെ പ്രമുഖ നേതാക്കന്മാരായ അയ പീറ്റര് കുളങ്ങര, ഫ്രാന്സിസ് കിഴക്കേക്കുറ്റ്, സന്തോഷ് നായര് എന്നിവര് ആശംസാ പ്രസംഗങ്ങള് നടത്തി.
സി എം എ ഓഫീസില് വച്ചു നടന്ന റീജിയണല് മീറ്റിംഗ്, സംഘടിപ്പിച്ചത് എക്സിക്യൂട്ടീവ് വൈസ് പ്രസിഡണ്ട് ജെയ്ബു കുളങ്ങരയുടെ നേതൃത്വത്തിലാണ്. പ്രവീണ് തോമസ് മാസ്റ്റര് ഓഫ് സെറിമണി ആയി പ്രവര്ത്തിക്കുകയും, ജോര്ജ്ജ് പണിക്കര് സ്വാഗതവും സൂസന് ചാക്കോ നന്ദി പ്രകാശിപ്പിക്കുകയും ചെയ്തു.