ബര്മിംഗ്ഹാം: പരിശുദ്ധ ദൈവമാതാവിനോടുള്ള ജപമാല ഭക്തിയെ ആദരപൂര്വം ഏറ്റുപറഞ്ഞുകൊണ്ട് ഒക്ടോബര്മാസ രണ്ടാം ശനിയാഴ്ച കണ്വെന്ഷന് 9ന് ബഥേല് സെന്ററില് നടക്കും. സെഹിയോന് യുകെ യുടെ ആത്മീയ നേതൃത്വം റവ. ഫാ.ഷൈജു നടുവത്താനിയില് കണ്വന്ഷന് നയിക്കും.
ദേശഭാഷാ വ്യത്യാസമില്ലാതെ ആയിരങ്ങള് പങ്കെടുക്കുന്ന കണ്വന്ഷനില് ഇത്തവണ പ്രമുഖ സുവിശേഷ പ്രവര്ത്തകനും ലിവര്പൂള് അതിരൂപതയിലെ ഡീക്കനും പ്രമുഖ ക്രൈസ്തവ മാധ്യമം പ്രവാചകശബ്ദം ഓണ്ലൈന് പത്രത്തിന്റെ ചീഫ് എഡിറ്ററുമായ റവ . അനില് ലൂക്കോസ്, ഇംഗ്ലണ്ടിലെ പ്രശസ്ത ധ്യാനഗുരുവും വചന പ്രഘോഷകയുമായ റോസ് പവല് എന്നിവരും പങ്കെടുക്കും.
മള്ട്ടികള്ച്ചറല് ഉപഭോഗ സംസ്കാരത്തിന്റെ പിടിയിലമര്ന്ന യുകെയിലും യൂറോപ്പിലും കഴിഞ്ഞ അനേക വര്ഷങ്ങളായി സ്ഥിരമായി എല്ലാമാസവും കുട്ടികള്ക്കും യുവജനങ്ങള്ക്കും വിശ്വാസജീവിതത്തില് വളരാനുതകുന്ന ക്രിസ്തീയ ജീവിതമൂല്യങ്ങള് വിവിധശുശ്രൂഷകളിലൂടെ പകര്ന്നു നല്കാന് സാധിക്കുന്നത് രണ്ടാംശനിയാഴ്ച കണ്വന്ഷന്റെ പ്രധാന സവിശേഷതയാണ്.
കുട്ടികള്ക്കായി ഓരോതവണയും ഇംഗ്ലീഷില് പ്രത്യേക കണ്വന്ഷന്തന്നെ നടക്കുന്നു. അനേകം കുട്ടികളും കൗമാരപ്രായക്കാരുമാണ് ഓരോ രണ്ടാംശനിയാഴ്ച കണ്വന്ഷനിലും മാതാപിതാക്കളോടോ മറ്റ് മുതിര്ന്നവര്ക്കൊപ്പമോ യുകെയുടെ വിവിധ പ്രദേശങ്ങളില്നിന്നായി എത്തിക്കൊണ്ടിരിക്കുന്നത്. കിംഗ്ഡം റവലേറ്റര് എന്ന കുട്ടികള്ക്കായുള്ള മാസിക ഓരോരുത്തര്ക്കും സൗജന്യമായി നല്കിവരുന്നു. കുറഞ്ഞ സമയം കൊണ്ട് ഏറെ ശ്രദ്ധിക്കപ്പെട്ട ലിറ്റല് ഇവാഞ്ചലിസ്റ് എന്ന പുസ്തകവും വളര്ച്ചയുടെ പാതയില് കുട്ടികള്ക്ക് വഴികാട്ടിയാവുന്നു.
രണ്ടു വേദികളിലായി ഒരേസമയം ഇംഗ്ലീഷിലും മലയാളത്തിലും നടക്കുന്ന കണ്വന്ഷനില് കടന്നുവരുന്ന ഏതൊരാള്ക്കും മലയാളത്തിലും ഇംഗ്ലീഷിലും, മറ്റു ഭാഷകളിലും കുന്പസാരിക്കുന്നതിനും സ്പിരിച്വല് ഷെയറിംഗിനുമുള്ള സൗകര്യം ഉണ്ടായിരിക്കും.
വിവിധ പ്രായക്കാരായ ആളുകള്ക്ക് ഇംഗ്ലീഷിലും മലയാളത്തിലുമുള്ള ബൈബിള്, പ്രാര്ഥനാ പുസ്തകങ്ങള് , മറ്റ് പ്രസിദ്ധീകരണങ്ങള് എന്നിവ കണ്വന്ഷന് സെന്ററില് ലഭ്യമാണ്. പതിവുപോലെ രാവിലെ 8 ന് മരിയന് റാലിയോടെ തുടങ്ങുന്ന കണ്വെന്ഷന് വൈകിട്ട് 4 ന് ദിവ്യകാരുണ്യ പ്രദക്ഷിണത്തോടെ സമാപിക്കും . കണ്വന്ഷനായുള്ള പ്രാര്ഥനാ ഒരുക്ക ശുശ്രൂഷ ബര്മിംഗ്ഹാമില് നടക്കും .
കണ്വന്ഷന്റെ ആത്മീയവിജയത്തിനായി പ്രാര്ഥനാസഹായം അപേക്ഷിക്കുന്ന സെഹിയോന് കുടുംബം ഇതിനോടകം രജിസ്ട്രേഷന് പൂര്ത്തിയായതിനാല് ഓണ്ലൈന് ലൈവ് ശുശ്രൂഷകളിലേക്ക് മറ്റുള്ളവരെ യേശുനാമത്തില് ക്ഷണിക്കുന്നു .ക്യാന്സലേഷന് വരുന്നതനുസരിച്ച് മാത്രമായിരിക്കും ഇനി ബുക്കിങ് നടക്കുക.www.sehionuk.org എന്ന വെബ്സൈറ്റിലും സെഹിയോന് ഫേസ്ബുക് , യൂട്യൂബ് പേജുകളിലും കണ്വെന്ഷന് ലൈവ് ആയി കാണാവുന്നതാണ്.
അഡ്രസ് :
ബഥേല് കണ്വെന്ഷന് സെന്റര്
കെല്വിന് വേ
വെസ്റ്റ് ബ്രോംവിച്ച്
ബര്മിംഗ്ഹാം ..( Near J1 of the M5)
B70 7JW.
ബാബു ജോസഫ്