EMALAYALEE SPECIAL

ഇത്രയും നീണ്ട ഇടവേള, വേദനിപ്പിക്കുന്ന അനീതി (ഷിജോ മാനുവേൽ)

Published

on

ജെൻസി. ആരുടെയോ ഭാവനയിൽ വിരിഞ്ഞ ഒരു അപകഥയായിരുന്നു ആ ആലാപനയാത്രയുടെ വഴിമുടക്കിയത്. അന്യഭാഷാ ഗായികമാർ അരങ്ങുവാണിരുന്ന മാതൃഭാഷയായ മലയാളത്തിലും അയൽ ഭാഷയായ തമിഴിലും ചുരുങ്ങിയ കാലം കൊണ്ട് മുൻനിരയിലേക്ക് ഉയർന്നുവന്ന് മിന്നിത്തിളങ്ങിയ ഗായികയായിരുന്നു ജെൻസി.
കൊച്ചിൻ കലാഭവന്റെ ബാലഗാനമേളയിലെ സ്ഥിരസാന്നിധ്യമായിരുന്ന 'ബേബി ജെൻസിയെ' 'വേഴാമ്പൽ' എന്ന ചിത്രത്തിലൂടെ മലയാള പിന്നണി ഗായികയാക്കി മാറ്റിയത് എം.കെ. അർജുനൻ ആയിരുന്നു. (അതിനു മുൻപ് കൊച്ചിൻ കലാഭവൻ നിർമ്മിച്ച  'കുഞ്ഞിക്കൈകൾ' എന്ന ഒരു ഡോക്യുമെന്ററി ചിത്രത്തിൽ കെ കെ ആൻറണിയുടെ സംഗീതത്തിലും 'ബേബി ജെൻസി' പാടിയിട്ടുണ്ട്). ജെൻസിയെ തമിഴകത്തിന് പരിചയപ്പെടുത്തിയതും മുൻനിരയിലെത്തിച്ചതും സാക്ഷാൽ ഇളയരാജയും.

1978-ൽ ' ത്രിപുരസുന്ദരി ' എന്ന സിനിമയിൽ എസ്. ജാനകിയോടൊപ്പം ഒരു യുഗ്മഗാനം പാടി അരങ്ങേറിയ ജെൻസിക്ക് തമിഴ് സിനിമ കാത്തുവച്ചത് സൂപ്പർ ഹിറ്റായ നിരവധി ഗാനങ്ങളായിരുന്നു. 'കിഴക്കേ പോകും റെയിൽ ' എന്ന ചിത്രത്തിന്റെ പശ്ചാത്തല സംഗീതത്തിൽ ജെൻസിയുടെ ആലാപനം അതിസുന്ദരമായി ഇളയരാജാ ഉപയോഗിച്ചപ്പോൾ അതിഷ്ടപ്പെട്ട ഭാരതിരാജാ പിന്നീട് സംവിധാനം ചെയ്ത ചിത്രങ്ങളിലെല്ലാം ജെൻസിക്ക് അവസരങ്ങൾ നൽകി. 'പുതിയ വാർപ്പുകൾ', 'നിറം മാറാത പൂക്കൾ', 'അലയ്കൾ ഓയ്‌വതില്ലെയ്', 'ടിക് ടിക് ടിക്' തുടങ്ങിയ ഭാരതിരാജ ചിത്രങ്ങളിലെ ജെൻസിയുടെ പാട്ടുകൾ തമിഴിലെ എക്കാലത്തേയും വലിയ ഹിറ്റുകളാണ്.
ഇളയരാജയെ കൂടാതെ ഗംഗൈ അമരൻ, ശങ്കർ ഗണേഷ്, ചന്ദ്രബോസ്, മലേഷ്യ വാസുദേവൻ, ദേവാ  തുടങ്ങിയവരുടെയെല്ലാം സംഗീത സംവിധാനത്തിൽ ജെൻസി തമിഴിൽ പാടി. 'മുള്ളും മലരും', 'ജോണി,
പ്രിയ', 'ഉല്ലാസപ്പറവൈകൾ', 'പകലിൽ ഓർ ഇരവ്', 'കരിമ്പുവിൽ' എന്നിങ്ങനെ തമിഴിൽ ഹിറ്റുകളുടെ നിര നീളുമ്പോൾ മലയാളത്തിൽ കിട്ടിയ അവസരങ്ങൾ താരതമ്യേന കുറവായിരുന്നു.

 'ആശീർവാദം', 'അവൾ ഒരു ദേവാലയം', 'ലൗലി', 'ജയിക്കാനായ് ജയിച്ചവൻ', 'ഇരുമ്പഴികൾ' എന്നിങ്ങനെ
കുറേ ചിത്രങ്ങളിൽ പാടിയെങ്കിലും ഒന്നും ജെൻസിയെന്ന ഗായികയെ മലയാളത്തിൽ അടയാളപ്പെടുത്തിയ ഗാനങ്ങളായിരുന്നില്ല.

'താലീപീലി കാട്ടിനുള്ളിൽ' (വിസ), 'കന്നിപ്പൂമാനം' (കേൾക്കാത്ത ശബ്ദം, സ്വപ്നംകൊണ്ട്' തുലാഭാരം'  (വീണപൂവ്), 'ഏകാന്തതേ നിന്റെ (നവംബറിന്റെ നഷ്ടം) എന്നീ ഗാനങ്ങൾ ഹിറ്റുകൾ ആയിരുന്നു.
എങ്കിലും മലയാളത്തിൽ അവർ ഒരു മുൻനിര ഗായികയായില്ല എന്നതാണ് സത്യം.

വിവാഹിതയായതോടുകൂടി ജെൻസി സിനിമാസംഗീതത്തോട് വിടപറയുന്നു എന്നൊരു സങ്കൽപവാർത്ത സംഗീതരംഗത്തുള്ള എല്ലാവരും അറിഞ്ഞെങ്കിലും ജെൻസി മാത്രം അറിഞ്ഞില്ല. സിനിമയിൽ അവസരങ്ങൾ കുറഞ്ഞതിൽ ആകുലപ്പെട്ടിരിക്കാതെ മട്ടാഞ്ചേരി ഗുജറാത്തി ഹൈസ്കൂളിലെ സംഗീതാധ്യാപികയായി ജോലി തുടർന്ന ജെൻസി നാടകഗാനങ്ങളും ഭക്തി ഗാനങ്ങളും സജീവമായി പാടി.

എം.കെ. അർജുനൻ, ജോൺസൺ, എ.ടി. ഉമ്മർ, ശ്യാം, കെ.ജെ. ജോയി, എം.ജി.രാധാകൃഷ്ണൻ, ജിതിൻ ശ്യാം, വിദ്യാധരൻ,കെ.കെ. ആന്റണി, കെ.സി. വർഗീസ്  എന്നിങ്ങനെ മിക്ക പ്രമുഖരുടെയും ഗാനങ്ങൾ ജെൻസി മലയാളസിനിമയിൽ പാടിയിട്ടുണ്ട്.

രവീന്ദ്രൻ സംഗീത സംവിധായകനായി തുടക്കം കുറിച്ച 'ചൂള'യിലെ ആദ്യ ഗാനം റെക്കോഡ് ചെയ്തത് ജെൻസിയുടെയും ലതികയുടെയും ശബ്ദത്തിലായിരുന്നു. ദിലീപ് എന്ന എ.ആർ. റഹ്മാൻ കീബോർഡിസ്റ്റായി സിനിമയിലേക്ക് അരങ്ങേറിയത് യേശുദാസും ജെൻസിയും പാടിയ 'അടിമച്ചങ്ങല' എന്ന ചിത്രത്തിലെ ഹസ്ബി റബ്ബി എന്ന ഗാനത്തിലൂടെയും. മോഹൻലാൽ ആദ്യമായി പാടി അഭിനയിക്കുന്ന 'വാനിൽ പായും' (തേനും വയമ്പും) എന്ന ഗാനം പാടിയത് ഉണ്ണിമേനോനും ജെൻസിയും ചേർന്നാണ്.

കാൽ നൂറ്റാണ്ടിലേറെ നീണ്ട അജ്ഞാതവാസത്തിന് ശേഷം 2014 ൽ 'ഞാൻ സ്റ്റീവ് ലോപ്പസ്' എന്ന രാജീവ് രവി ചിത്രത്തിൽ പാരീസ് ചന്ദ്രന്റെ സംഗീതത്തിൽ 'പോകരുതെൻ മകനെ' എന്ന ഗാനം അതിഗംഭീരമാക്കി ജെൻസി മടങ്ങിയെത്തി. എങ്കിലും ഇത്രയും നീണ്ട ഇടവേള, അത് ആരുടെ സൃഷ്ടി ആയാലും വേദനിപ്പിക്കുന്ന അനീതി തന്നെയാണ്. 

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഇള പറഞ്ഞ കഥകള്‍ ( അധ്യായം 16 ): താമരച്ചേരിലെ വിരുന്നുകാര്‍ (ജിഷ യു.സി)

ശവങ്ങൾ ഉള്ളിടത്ത്‌ കഴുക്കൾ കൂടും ? (സമകാലീന മലയാള സിനിമ - നിരീക്ഷണം (ജയൻ വർഗീസ്)

പറഞ്ഞു കേൾക്കുന്ന അത്രയും മോശമല്ല മരക്കാർ; പിന്നെ സംവിധായകന് പിഴച്ചത് എവിടെ?

ഈമാൻദാരി പരന്തു ഉ. സാ.ഘ ( മൃദുമൊഴി 34: മൃദുല രാമചന്ദ്രൻ)

ഒരു ക്ളാസിക്കിന് വേണ്ടി എൺപതാണ്ടത്തെ തപസ്യ, ഒടുവിൽ മധുവിന് നിർവൃതി (കുര്യൻ പാമ്പാടി)

എന്തിനീ ഒളിച്ചോട്ടം? ആരില്‍നിന്നും?(ദല്‍ഹികത്ത് : പി.വി.തോമസ്)

ചുരുളി ഗ്രാമക്കാര്‍ നീതി തേടുമ്പോള്‍ .... (ഉയരുന്ന ശബ്ദം-43: ജോളി അടിമത്ര)

കൊറോണ വൈറസിന്റെ പുതിയ വ്യതിയാനമായ ഒമിക്രോണിന്റെ ഭീകരത വര്‍ദ്ധിക്കുന്നു (കോര ചെറിയാന്‍)

കുരുക്കിലകപ്പെട്ട സ്ത്രീയുടെ കുതറി മാറൽ - മഞ്ഞിൽ ഒരുവൾ - നിർമ്മല : ഡോ. കുഞ്ഞമ്മ ജോർജ്ജ്

ടെക് കമ്പനികളിൽ ഇന്ത്യൻ സിഇഒമാരുടെ തേരോട്ടം തുടരുന്നു (ശ്രീകുമാർ ഉണ്ണിത്താൻ)

മരക്കാർ : മലയാള സിനിമയിൽ വീണ്ടും മണി കിലുക്കം (രഞ്ജിത് നായർ)

അനിലാലും സബ്രീനയും (ഡോ.നന്ദകുമാര്‍ ചാണയില്‍)

'എന്തുകൊണ്ട് ദൈവമേ എന്തുകൊണ്ട് ഇങ്ങനെ?'

മായ ബാലകൃഷ്ണന്റെ "മായ" (ഡോ.ടി പങ്കജ് )

Nights and Days in Ujjaini - Vishnu Narayanan Namboodiri (Translated by Dr.M.N. Namboodiri)

ഹംപി കാഴ്ചകള്‍ 5: (സംഗീതമുണര്‍ത്തുന്ന കല്‍മണ്ഡപങ്ങളും ആയിരം രാമന്‍മാരും: മിനി വിശ്വനാഥന്‍)

ആരാണ് ദൈവം, എന്താണ് ദൈവം . (ലേഖനം ഭാഗം : 3- ജയന്‍ വര്‍ഗീസ് )

ബിറ്റ്‌കോയിനും ഒമൈക്രോണും, കൂടെ രണ്ടു നായ്ക്കുട്ടികളും (ഡോ. മാത്യു ജോയിസ് ലാസ്‌വേഗാസ്)

അയല്‍ക്കാരിയുടെ മേല്‍ കരുണ ചൊരിയേണമേ! (നര്‍മം: ജോണ്‍ ഇളമത)

എല്ലാം മക്കള്‍ക്കുവേണ്ടി (പുസ്തക പരിചയം : എ.സി.ജോര്‍ജ്)

ഒന്നര മാസത്തിനിടയില്‍ മൂന്നു കൊലപാതകങ്ങള്‍ക്ക് മലയാളികള്‍ ഇരയായി

ഏഴു സ്വരങ്ങളും തഴുകിവന്ന ദേവഗാനങ്ങള്‍ (സന്തോഷ് പിള്ള)

വാക്സിൻ-വാക്കുകളിലെ മിന്നും താരം; ജനം ഏറ്റവും തെരഞ്ഞ  വാക്ക്  

മാറുന്ന സിനിമാലോകം, മാറ്റപ്പെടുന്ന സിനിമാ ജീവിതവും (ബ്ലെസന്‍ ഹ്യൂസ്റ്റന്‍)

The Village of Valady and Dr. A.K.B. Pillai (P.G. Panikker)

നേരിന്റെ മഷി തൊട്ട വരകള്‍ ( മൃദുമൊഴി-33: മൃദുല രാമചന്ദ്രന്‍)

നാടിനുവേണ്ടിയുള്ള ചുവടുകൾ (വിജയ്.സി.എച്ച്)

ഇത്തിരിനേരം ഒരു ചിരിയിൽ ഒത്തിരി കാര്യം (ഫിലിപ്പ് മാരേട്ട്)

കളിഗെമിനാറിലെ കുറ്റവാളികളും ചുരുളിയും ( ഭദ്ര വേണുഗോപാൽ)

വിശ്വാസം, അതല്ലേ എല്ലാം... (ജെയിംസ് കുരീക്കാട്ടിൽ)

View More