ഫ്ലോറിഡ: ഫൊക്കാനാ പ്രസിഡണ്ട് പദവിയിലേക്ക് ഇത്തവണയെങ്കിലും വിജയിക്കുമെന്ന പ്രതീക്ഷയിലായിരുന്നു ലീല മാരാട്ട് എന്നാല് കൂടെയുണ്ടായിരിക്കും എന്ന് വിശ്വസിച്ചവര് പോലും കൈവിട്ടു എന്നാണ് ഫ്ലോറിഡായില് ഇന്നു നടന്ന ഫൊക്കാനാ തിരഞ്ഞെടുപ്പു ഫല പ്രഖ്യാപനത്തില് തെളിഞ്ഞു വന്ന ചിത്രം. കഴിഞ്ഞ തവണ പ്രസിഡന്റ് പദവി ചുണ്ടോടു അടുപ്പിച്ചുവെങ്കിലും അവസാന നിമിഷം എല്ലാവരും ചേര്ന്ന് തട്ടിക്കളയുകയായിരുന്നു .ഇത്തവണ അതില് നിന്നും വിഭിന്നമായി വിജയ പ്രതീക്ഷകള് അവസാന നിമിഷം വരെ ഇവര് നിലനിര്ത്തിയിരുന്നു അമേരിക്കയുടെ വിവിധ സംസ്ഥാനങ്ങളില് നിന്നും വമ്പിച്ച പിന്തുണയാണ് ലഭിക്കുന്നതെന്ന് കഴിഞ്ഞ ഒരു മാസമായി ഓണ്ലൈന് പത്രങ്ങളില് വന്നിരുന്ന വാര്ത്തകളില് നിന്നും വ്യക്തമായിരുന്നു
അമേരിക്കയില് ഇത്രയും നേതൃത്വപാടവവും ,കൂടെയുള്ളവരെ ചേര്ത്ത് പിടിക്കുന്നതിനും, സൗമ്യമായ പെരുമാറ്റത്തിലൂടെ ആരെയും തന്നിലേക്ക് ആകര്ഷിക്കുവാന് കഴിയുന്ന വ്യക്തിത്വത്തിന് ഉടമയായ ലീല അമേരിക്കയില് പ്രവാസി കോണ്ഗ്രസിനു എക്കാലത്തും നല്കിയ നേതൃത്വം പ്രത്യേകം ശ്രദ്ധിക്കപ്പെട്ടി രുന്നു
കോണ്ഗ്രസ് വികാരം ഉള്ക്കൊണ്ട് സംസ്ഥാനങ്ങളില് നിന്നും സംസ്ഥാനങ്ങളിലേക്ക് പ്രായത്തെപോലും അവഗണിച്ചു യാത്രചെയ്തും , ചുറുചുറുക്കോടെ ഓടിനടന്നും സംഘടന രൂപീകരണത്തിന് ലീലാ പ്രവര്ത്തിച്ചിരുന്നു എന്നത് നിഷേധിക്കാനാവാത്ത യാഥാര്ത്ഥ്യമാണ്.
ഒരു നിമിഷമെങ്കിലും ഫൊക്കാന പ്രസിഡന്റ് ആകുമോ എന്ന ഭയം യഥാര്ത്ഥത്തില് അമേരിക്കയിലെ കോണ്ഗ്രസ് പ്രവര്ത്തകര്ക്കു ഉണ്ടായിരുന്നുവന്നത് രഹസ്യമല്ലാത്ത പരസ്യമായിരുന്നു. അങ്ങനെ സംഭവിച്ചിരുന്നെങ്കില് അവരുടെ പ്രവര്ത്തനങ്ങള് ഫൊക്കാനയില് മാത്രമൊതുങ്ങുന്ന ഒന്നാകുമായിരുന്നു.
ലീലാ മാരാട്ടിനെ പോലെ ശക്തയായ നേതാക്കളെയാണ് ഇന്ന് നാട്ടിലും അമേരിക്കയിലും കോണ്ഗ്രസ് പ്രവര്ത്തകര്ക്കു ആവശ്യമായിരിക്കുന്നതു. ഫാക്കാന പ്രസിഡന്റ് തിരെഞ്ഞെടുപ്പില് ഏറ്റ പരാജയത്തില് നിരാശനാകാതെ കോണ്ഗ്രസ്സ് പ്രവര്ത്തനങ്ങളില് കൂടുതല് സജീവമാകുന്നതിന് ഈ പരാജയം ഒരു വെല്ലുവിളിയായി ലീല ഏറ്റെടുക്കുമെന്നാണ് പ്രവര്ത്തകര് വിശ്വസിക്കുന്നതും ആശംസിക്കുകയും ചെയ്യുന്നത്.