ഒർലാണ്ടോ: ഫൊക്കാന കൺവൻഷൻ വേദിയിൽ  കഴിഞ്ഞ കുറെ ദിവസങ്ങളായി  ഒരു ഉത്സവ പ്രതീതി ആണ് ഞങ്ങൾ അനുഭവിച്ചുകൊണ്ടിരിക്കുന്നത്.  മികവുറ്റ ഒരു കൺവെൻഷൻ  കാണാൻ കഴിഞ്ഞു . മുന്ന് ദിനങ്ങൾ പോയത് അറിഞ്ഞില്ല, അത്ര കുറ്റമറ്റ  ഒരു കൺവെൻഷൻ ആണ് ഞാൻ  അനുഭവിച്ചറിഞ്ഞത്.   

നല്ല മലയാളം കേൾക്കണമെങ്കിലും മികവുറ്റ മലയാളം പരിപാടികൾ കാണണമെങ്കിൽ   ഇങ്ങു  അമേരിക്കയിൽ വരേണ്ടുന്ന  സ്ഥിതിയാണ് ഇന്ന്. കഴിഞ്ഞ മുന്ന് ദിവസങ്ങളിൽ ആയി കണ്ട പ്രോഗ്രാമുകൾ ഒന്നിനൊന്നിന്‌ മികവുറ്റതായിരുന്നു. കേരളത്തിൽ പോലും  ഇത്ര കലാമൂല്യമുള്ള കലാപരിപാടികൾ ഇപ്പോൾ  കാണാറേയില്ല. ഈ കൺവെൻഷൻ അത്ര മികവ് പുലർത്തിയ ഒന്നായിരുന്നു . 

ലീഡർഷിപ്പ് എന്ന് പറയുന്നത്  ഒരു പദവിയല്ല  മറിച്ചു  അതൊരു കർമ്മമാണ്‌,  അത് ഒരു നിയോഗമാണ് .ഒരു നിയോഗം പോലെ  കൺവെൻഷൻ പ്രസിഡന്റ് ജോർജി വർഗീസും  സെക്രട്ടറി  സജിമോൻ ആന്റണി ടീമും   നടത്തിയ മികവുറ്റ പ്രവർത്തനം ഇവിടെ  കാണാമായിരുന്നു. കൺവെൻഷന്റെ ഓരോ സ്ഥലത്തും അവരുടെ സാനിധ്യവും കണമായിരുന്നു- ബ്രിട്ടാസ് പറഞ്ഞു.

ജോസ് കെ. മാണി എം.പി.

ജോസ് കെ മാണി എം. പിയും ആശംസ പ്രസംഗത്തിൽ കൺവെൻഷന്റെ മികവ് എടുത്തു പറയുകയുണ്ടായി.
കൺവെൻഷനലിൽ പങ്കെടുക്കാൻ വേണ്ടിയാണു ഫാമിലി ആയി എത്തിയത്.  തിരിച്ചു പോകുബോൾ  സ്വന്തം കുടുംബത്തിൽ  നിന്നും വിട്ടു  പോകുന്നതുപോലെ ഒരു വിഷമം. ഇത്രയും  പെട്ടെന്ന് കൺവെൻഷൻ തീരേണ്ടിയിരുന്നില്ല  എന്നാണ് തോന്നുന്നത്.  കുറച്ചു ദിവസം കൊണ്ട്  എല്ലാവരുമായി നല്ല ഒരു ബന്ധം ഉണ്ടാക്കിയെടുക്കാൻ കഴിഞ്ഞു. അത്രക്ക് നല്ല ഒരു കൺവെൻഷൻ ആണ് ഫ്‌ളോറിഡയിൽ  ഞങ്ങൾക്കു  അനുഭവിച്ചറിയാൻ കഴിഞ്ഞത്.

 കേരളത്തിൽ കഴിഞ്ഞ കുറെ വർഷങ്ങളായി പ്രളയവും  കോവിടും  പോലെയുള്ള പ്രതിസന്ധികൾ വന്നപ്പോൾ നാം ഒരുമിച്ച് നിന്ന് അതിനെതിരെ  പൊരുതി വിജയിച്ചു. ആ  ഒരു വികാരമാണ് നാം ഇവിടെ   ഫൊക്കാനയിൽ കാണുന്നത്. ഒരുമിച്ചു നിന്നുള്ള ഒരു പ്രവർത്തനം , ആ  പ്രവർത്തനമാണ് ഫൊക്കാനയെ പഴയ  യശസ്സും , ആ  പ്രവർത്തനവും തിരിച്ചു കൊണ്ടുവരുവാൻ സാധിച്ചത്  .കേരളത്തെ ഇന്ന് കാണുന്ന കേരളമാക്കി  മാറ്റിയത്  പ്രവാസികൾ ആണ്  എന്ന കാര്യത്തിൽ യാതൊരു സംശയവുമില്ലന്ന്  ജോസ് കെ മാണി ചൂണ്ടിക്കാട്ടി.

പങ്കെടുത്ത ആളുകളുടെ ബഹുല്യം കൊണ്ടും, നടത്തിയ പ്രോഗ്രാമുകളുടെ മികവുകൊണ്ടും ഈ  കൺവെൻഷൻ മറ്റുള്ള കൺവെൻഷനുകളിൽ  നിന്നും വേറിട്ടു നില്കുന്നു. ഓരോ കൽച്ചറൽ   പ്രോഗ്രാമുകളും ഒന്നിന് ഒന്ന് മികവ് ആയാണ് അനുഭവപ്പെട്ടത്. അതുപോലെ തന്നെ  ഫുഡ് നന്നായാൽ കൺവെൻഷൻ നന്നായി എന്നുപറയാറുണ്ട് , ഓരോ ദിവസത്തെയും ഫുഡ് മികവ് പുലർത്തി. അമേരിക്കൻ ഫുഡ് തന്നെയാണ് കൺവെൻഷനിൽ  ക്രമീകരിച്ചിരുന്നെകിലും ഒരു ദിവസം ഇന്ത്യൻ ഫുഡും ഒരുക്കി ഏവരുടെയും പ്രശംസ ഏറ്റുവാങ്ങി  .കൺവെൻഷനെ  പറ്റി പങ്കെടുത്ത   ആരുടെ ഭാഗത്തു നിന്നും  ഒരു പരാതിയും കേൾക്കാമായിരുന്നില്ല. അത്രക്കും മികവുറ്റ  ഒരു  കൺവെൻഷൻ ആണ്  ഓരോ പ്രവർത്തകരും അനുഭവിച്ചു അറിഞ്ഞത്. വളരെ ചിട്ടയോടും കുറ്റമറ്റ രീതിയിൽ നടുത്തവൻ കഴിഞ്ഞത് ഫൊക്കാനയുടെ ഇപ്പോഴത്തെ  പ്രവർത്തന മികവായി ഓരോരുത്തരും പ്രശംസിക്കുന്ന്ണ്ടായിരുന്നു.

കൺവെൻഷന്റെ സമാപന സമ്മേളനത്തിൽ ബാങ്കാറ്റ് ഹാൾ നിറഞ്ഞു കവിഞ്ഞിരുന്നു. ചെറുപ്പക്കാരുടെ  ഒരു നിര തന്നെ കാണാമായിരുന്നു. സമാപന സമ്മേളത്തിൽ അവാർഡുകൾ വിതരണം ചെയ്തത് കുറെ സമയമെടുത്ത് ഒരു പോരായ്‌മയി കണക്കാമെങ്കിൽ കുടിയും  പൊതുവെ പറഞ്ഞാൽ  കൺവെൻഷൻ  വലിയ വിജയമായിരുന്നു എന്ന് പങ്കെടുത്തവർ ഒരേ സ്വരത്തിൽ പറയുന്നു.

ഫൊക്കാനയുടെ പഴയ പ്രതാപത്തിലേക്ക് തിരിച്ചു വരവയാണ് ഈ  കൺവെൻഷനെ ഏവരും വിലയിരുത്തുന്നത്, പുതിയ പ്രസിഡന്റ് ആയ ബാബു സ്റ്റീഫൻ പറയുന്നു ഇപ്പോൾ  നിങ്ങൾ കണ്ടത്  ഒരു  ചെറു പൂരമാണ് ശരിക്കുമുള്ള   പൂരം നിങ്ങൾക്കു വാഷിംഗ്‌ടൺ ഡിസിയിൽ കാണാം, അന്ന് നിങ്ങൾ കാണാൻ പോകുന്നത് ഫൊക്കാനയുടെ പഴയ പ്രതാപമല്ല മറിച്ചു ഫൊക്കാനയുടെ പുതിയ ഒരു യുഗമാണ്.