ഹൈഡല്ബര്ഗ്: ജര്മനിയിലെ ആദ്യകാല മലയാളി സമാജങ്ങളിലൊന്നായ ഹൈഡല്ബെര്ഗ് മലയാളി സമാജത്തിന്റെ 45ാം വാര്ഷിക പൊതുയോഗവും പുതിയ ഭാരവാഹികളുടെ തെരഞ്ഞെടുപ്പും ഫാഫെന്ഗ്രുണ്ട് സെന്റ് മരിയന് ഹാളില് നടന്നു. യോഗത്തില് പ്രസിഡന്റ് റോയ് നാല്പ്പതാംകളം അദ്ധ്യക്ഷത വഹിച്ച് സ്വാഗതം പറഞ്ഞു.
ജനറല് സെക്രട്ടറി അഭിലാഷ് നാല്പ്പതാംകളത്തിന്റെ അഭാവത്തില് ജോയിന്റ് സെക്രട്ടറി രാജേഷ് നായര് വാര്ഷിക റിപ്പോര്ട്ടും, ട്രഷറര് തങ്കമ്മ വാഗ്നര് വാര്ഷിക കണക്കുകളും അവതരിപ്പിച്ച് പാസാക്കി.
തുടര്ന്ന് വൈസ് പ്രസിഡന്റ് സബീനെ പുലിപറ വരണാധികാരിയായി സമാജം 2022/24 ലേയ്ക്കുള്ള പുതിയ ഭാരവാഹികളെ തിരഞ്ഞെടുത്തു.
ജര്മനിയില് കുടിയേറിയ ഒന്നാം തലമുറ മലയാളികളില് നിന്ന് സമാജത്തിന്റെ പ്രവര്ത്തനം പുതിയ തെരഞ്ഞെടുപ്പിലൂടെ രണ്ടാം തലമുറയിലേക്ക് കൈമാറി മറ്റുള്ള സംഘടനകള്ക്ക് മാതൃകയായി മാറിയിരിയ്ക്കയാണ്. അതുകൊണ്ടുതന്നെ 46ാം വാര്ഷികത്തിലേക്ക് കടന്ന സമാജം പുതിയ ഭാരവാഹികളുടെ തിരഞ്ഞെടുപ്പ് ജര്മനിയില് തന്നെ ഏറെ ശ്രദ്ധേയമായി.
ജോസ് കുമ്പിളുവേലില്