ന്യൂ ജേഴ്‌സി : ഫോമായുടെ ഓർഗൻ ഡോണേഷൻ അവയർനസ് ക്യാമ്പയിൻ കിഡ്നി ഫേഡെറേഷൻ ഓഫ് ഇന്ത്യയുടെ സ്ഥാപകനായ ഫാ. ഡേവീസ് ചിറമേല്‍ സെപ്റ്റബർ 13-ാം തിയതി ന്യൂ ജേഴ്‌സിയിൽ  ഔദ്യോഗികമായി ഉദ്ഘാടനം ചെയ്തു.  ക്യാമ്പയിൻ കോർഡിനേറ്ററും ലിവിങ്ങ് ഡോണറുമായ സുനിതാ അനീഷ് സംഘടിപ്പിച്ച ചടങ്ങിൽ ഫോമാ എക്സികുട്ടീവ്  കമ്മറ്റിംഗങ്ങളും, ഫോമായുടെ അഭ്യുദകാംക്ഷികളും, മറ്റ് പ്രമുഖ മലയാളികളും നേരിട്ടും വീഡിയോ കോൺഫ്രൻസ് വഴിയായും പങ്കെടുത്തു.

ഫോമാ ജോയിന്റ് . സെക്രട്ടറി ഡോ. ജെയ്മോൾ ശ്രീധർ സ്വാഗത പ്രസംഗം നടത്തി. നിങ്ങളുടെ ജീവിതം എത്ര പേരെ സ്വാധീനിച്ചിട്ടുണ്ട്,? നിങ്ങൾ മരിച്ചാൽ ആരു കരയും? തുടങ്ങി അഗാധമായ ചിന്തകളെ നർമ്മത്തിൽ ചാലിച്ച് ചിറമേൽ അച്ചൻ അവതരിപ്പിച്ചപ്പോൾ കടന്നു വന്ന ഓരോരുത്തരും അതൊരു തിരിച്ചറിവിന്റെ അനുഭവമായിയെന്ന് അഭിപ്രായപ്പെട്ടു. പുതിയ ആളായിട്ടാണ് തിരികെ പോകുന്നത് എന്നും വളരെ ഊർജം  പ്രദാനം ചെയ്ത ഒരു ഒരു അനുഭവമായിരുന്നു ചിറമേൽ അച്ഛന്റെ പ്രസംഗമെന്നും  പ്രശസ്ത എഴുത്തുകാരനായ നസീർ അഭിപ്രായപെട്ടു. 

ഫോമാ പ്രസിഡന്റ് ജേക്കബ് തോമസ്,  ജനറൽ സെക്രട്ടറി ഓജസ് ജോൺ,    ട്രഷറർ ബിജു തോണികടവിൽ,  വൈസ് പ്രസിഡന്റ് സണ്ണി വളളക്കളം, മുൻ പ്രസിഡന്റ്‌ അനിയൻ ജോർജ്ജ്,   മുൻ ആർവിപി ബൈജ്ജു വർഗീസ്,   മിഡ് അറ്റ്ലാൻറ്റിക് വുമൻസ് ഫോറം ചെയർപെർസൺ സ്വപ്‍ന രാജേഷ്,   ജുഡീഷൃൽ കൌൺസിൽ അംഗം സ്റ്റാൻലി കളത്തിൽ എന്നിവർ ആശംസകൾ അർപ്പിച്ചു സംസാരിച്ചു.

സുനിതയുടെ മഹത്തായ കർമത്തെ ആദരിച്ചു കൊണ്ട് ഫോമാ ഇത്തരം പ്രവർത്തനങ്ങൾക്ക് മുൻതൂക്കം നൽകണം എന്ന് ഫോമാ മുൻ ജനറൽ സെക്രട്ടറി  ജിബി തോമസ് പറഞ്ഞു. സുനിതയ്ക്ക് ഉണ്ടായ ചലഞ്ചുകളെപ്പറ്റിയും  തങ്ങളാൽ കഴിയുന്ന രീതികളിൽ സഹായിച്ചതിനെ പറ്റിയും ഫോമാ പിആർഓ ജോസഫ് ഇടിക്കുളയും, രാജൻ ചീരനും സംസാരിച്ചു. സർജറിക്കു ശേഷമുണ്ടായ വേദനാ പൂർണ്ണമായ നാളുകളെ കുറിച്ച് അനിൽ പുത്തൻചിറയും സംസാരിച്ചു. സുനിതയുടെ കുട്ടികാലത്തെ കുറിച്ചു സംസാരിച്ച സുനിതയുടെ പിതാവ് സണ്ണി ജോർജ്ജ് തടീത്രയിൽ കുട്ടികൾക്ക് സ്വയം മാതൃകയായി അവരെ സഹാനുഭൂതിയുളളവരാക്കി വളർത്തേണ്ടതിന്റെ ആവശൃത  സദസിലുളളവരെ ഓർമ്മിപ്പിച്ചു. 

കാൻജ്‌ മുൻ പ്രസിഡന്റ്‌ റോയ് ,മാത്യു, ജയ് കുളമ്പിൽ, ആനീ ലീബു,  ബിനു ജോസഫ്‌, തുടങ്ങിയവരും ആശംസകൾ അറിയിച്ചു. കിഡ്നിയ്ക്ക് അസുഖം വന്നാൽ അത് രണ്ടു കിഡ്നിയേയും ബാധിക്കും എന്നും ഒരു കിഡ്നി സ്പെയർ അല്ല. അതു കൊണ്ട് ഡോണേറ്റ് ചെചെയ്യാതിരിക്കണ്ട എന്ന് ഒരിക്കൽ കൂടി ഓർമ്മിപ്പിച്ചു കൊണ്ട് ഫോമാ ജോ.ട്രഷറാർ ജെയിംസ് ജോർജ്ജ് നന്ദി പ്രസംഗം നടത്തി.

അവയവദാനത്തിനെ പറ്റിയുളള തെറ്റുധാരണകൾ മാറ്റുവാനും മരണശേഷമുളള അവയവദാനം പ്രൊത്സാഹിപ്പിക്കുവനുമായി   സ്റ്റേറ്റ് അവയവദാന ഓർഗനേഷൻസുകളുമായി ചേർന്നു  ബൂത്തുകളും റേജിസ്റ്റേഷൻ ഡൈവുകളും ഫോമായുടെ വിവിധ റീജിയനുകളിൽ ഓർഗനൈസ് ചെയ്യുവാനുളള പദ്ധതികളാണ് ആസൂതൃണം ചെയ്തിരിക്കുന്നത്. ഫോമായുടെ ഓർഗൻ ഡോണേഷൻ അവൈർനസ് ക്യാമ്പ്‌യേൻ ഹോസ്റ്റ് ചെയുവാൻ താൽപരൃമുളള അസോസിശേഷനുകൾക്ക് ഫോമാ  ഓഫീഷൃൽസുമായി ബന്ധപെടണ്ടതാണ് എന്ന് ജെയ്‌മോൾ ശ്രീധർ, സുനിത അനീഷ് തുടങ്ങിയവർ അറിയിച്ചു,

വാർത്ത :  ജോസഫ് ഇടിക്കുള ( പി ആർ ഓ, ഫോമാ )